171231步在城河過除夕

因為聽日係元旦, 細媽話要按慣例上高高, 來年先身體好, 我同婆婆又唔可以連行三日山, 太攰呀, 所以今日除夕, 都係在城河行下就得.

171230甲龍林徑

又年尾三連假第一日, 媽咪問左婆婆, 可唔可以應付到行甲龍林徑, 細媽提話即係行去牛奶公司食薑汁撞奶果條路, 婆婆話應該得.

愛的聖誕造形

今年聖誕四連假, 細媽在百忙中, 抽空在午飯時, 又整左兩頂聖誕帽俾我, 加埋以前的, 我四日都有不同款聖誕帽出場, 除左應節, 也帶來給途中每一個相遇的有緣人一點歡欣. 

細媽話, 希望我身體健健康康, 可以繼續每年都整好多聖誕帽俾我呀.

171226 Boxing Day 又尋到紅

聖誕節連假第四日, 倦怠樣出晒來.

171225聖誕日三度尋紅

今日係聖誕節, 行左兩日, 今日唔行喇, 一於來獅子會 Hea 下.

171224暖暖聖誕前夕

昨日深井兜左個圈, 我今早又懶床, 但婆婆好精神喎.

媽咪怕婆婆攰, 打算由陽明山莊郊野公園閘口, 直落大潭道.

171223深井清快塘賞紅

由今月二號開始, 假日上大棠楓香林有交通管制, 要沿馬路行成個鐘上去, 婆婆肯定唔止行一個鐘, 傻咩.

171217真冬 11 度來了

昨日強烈冬季季候風來, 氣溫開始驟降, 今早我地屋企最低未到 11 度, 我懶床唔願起身, 但細媽都係堅持要我起身. 

171216上窰大風吹

今晚入夜, 氣溫會逐漸下降到明早 12 度左右, 今早起身時都有 15 度, 行山係最舒服.

計劃左成兩個月, 終於成行.

171211覆診日

今日15:15到廣華覆診, 一見醫生, 就問照腸鏡問題, 事關公司驗身報告出左, 大腸癌 CEA有 6 點幾, 比正常 5 度高左少少, 但大便隱血係陰性, 驗身公司竟然叫我照大腸鏡. 因為我曾經問過許醫生, 大腸內窺鏡係入侵性, 一般先驗大便, 建議驗三次為準, 發現有隱血, 先會考慮照. 點知個醫生叫我照下無妨, 真係暈.

佢話驗血報告無問題, 甲種胎兒蛋白係低, 但我唔記得問谷丙轉氨酶(ALT/SGPT) 有幾多. 雖然公司個報告係 22. 至於28/8 照腹部超聲波報告, 佢話肝無大問題, 但膽囊有粒 0.5 cm 瘜肉, 通常在 1 cm以下, 多數係良性, 除非有增大先要成個膽割除, 叫我定期半年至一年照超聲波, 但未有安排我下次囉. 

25 星期後覆診, 即 4/6/2018 15:00, 提早兩星期 (21/5/2018 10:30)驗血, 下次要記住問 ALT/SGPT同照超聲波呀.

171210周日閑在城河

昨日行左 4 個鐘, 今日仍有點攰, 我同媽咪懶床呀.

但都會出來行下.

171209大棠賞紅大棠走

東北季候風來, 今日氣溫驟降, 原來我地出門時, 係最低溫度 11.7度, 但當時季候風警告信號已取消, 又唔覺凍囉.

171203洛活行

昨日復原出動, 臨尾都攰攰, 今早雖然唔係摸黑出動, 但我都係懶床.

171202復原出山上大風坳

除瘤後第三星期, 傷口埋得好好, 可以用清洗腳呀, 終於復原可以出山.

昨晚問婆婆想去邊, A餐行東區自然步道, B餐行香港仔水塘.

婆婆揀上大風坳.

171126周日洛行

今日仲未可以遠行, 都係來城門河 hea 行.

171125開心拆線日

 除瘤後, 一直等今日.
我地約左 10點返診所拆線, 好心急, 9 : 30 已經到, 就係想拎頭籌, 點知要 10 點可以登記, 診所姐姐都話我地心急.
上磅 5.8 kgs, 因為剛剛放低有成 100 g 便便.
今日由吳醫生負責拆線, 佢話埋口好好, 因為拆線後有小傷口, 呢幾日都唔可以濕水.
拆完線即走, 出門即有的士, 直接入來大圍.
細媽先醒起, 忘了在診所影相做記錄, 記錄下我一到診所門就變震震狗.

暫時呢兩日都係行下城門河先.

171119不能停的輕步行

除瘤後, 今日係第四次出外.

昨晚有雨, 大細媽半夜都留意雨停未, 地乾未.

因為地濕勉強出來, 就算大人可以活動, 但我又唔可以落地行, 我會好唔開心. 所以都唔會出街.

171118輕鬆朝步在城河

今日係除瘤後一星期, 又係去城門河行下, 大細媽想我舒服些, 嘗試唔幫我帶頭罩, 頭罩就袋住做後備, 但佢地唔記得拎膠鞋囉.

171112除瘤後第二日

天文台話有雨呀, 本來預左濕地就唔出來, 起身仲係算好天, 嗱嗱臨來到大圍.

171111除瘤後

昨日除瘤後, 正常都要在家休息.

但醫生吩咐, 婆婆要多做運動, 所以都要每周帶婆婆出來行下.

大細媽都好矛盾, 但衡量後, 都係唔可以唔郁, 最多抱住我行.

今日坐的士到大圍馬鐵站起步.

171110除瘤記二

25/10續牌仔時, 醫生姐姐都講過, 手趾肉粒同頭頂魚蛋, 基本上, 我唔搞, 可以唔做任何野.

但11月初, 我覺得手趾肉瘤唔太舒服, 又係成日用脷仔搞到粒瘤仔又紅又損, 皮仲變黑左又甩埋流血. 

上次係今年 13/2 除瘤, 大細媽本來唔想我咁短期又全身麻醉, 但著左襪仔都係頂唔到成世.

上星期日, 商議後, 媽咪拍板幫我再做小手術. 佢話好過每日提心吊膽, 肉瘤發炎, 令血液有毒素. 壞打算係再全身麻醉後, 我會蠢D喎, 我又唔駛返學, 唔緊要啦. 因為驗血無耐, 可以直接約手術期, 最後, 約左今早由細媽帶我去診所.

在家磅重係 5.8 kgs, 診所又係同磅數, 即係診所個磅無錯.

醫生姐姐檢查過, 話反正做開手術, 可以連魚蛋一併割除. 因為手趾肉瘤長得快, 可以考慮化驗係良性定惡性, 魚蛋就似老狗水瘤, 可以唔驗. 大細媽商量後, 決定按醫生提議, 其實大細媽都諗過, 一次除埋魚蛋, 只係擔心我變地中海.

清醒了, 大細媽飛撲來接我返屋企. 佢地見我一刻, 我仲好迷糊.

171105秋日晨操

秋涼, 唔怕會太熱, 可以又瞓足先起身.

171104香港仔水塘自然教育徑

今日行程, 本來係上星期安排, 原定今日行西貢, 但驚頭頂有雨, 怕婆婆行滑泥路, 昨晚決定來香港仔水塘.

171029四口組樂行城河畔

昨日, 婆婆行完步道, 連媽咪都覺攰, 提議瞓晏D, 校準時間去飯堂食午飯.

所以起步時, 已經 9:10, 太陽升高了好多.

171028重陽登高身體好

好早已經諗, 今日重陽節可以去邊行, 又想就行婆婆, 唔可以坐太長程車.

起初想去西貢上窰或者香港仔水塘, 又怕遇正多人拜山, 多人搭車.

媽咪問婆婆, 如果行東區自然步道, 中途多廁所, 回程車程較短, 婆婆話應該可以.

171025續牌仔

又十月, 診所有短信提醒媽咪幫我打年度預防針.
細媽有假期, 識自行預約, 今日下午放假帶我去打針.

我見佢下午返來, 又拎私家車出來, 我開心跳上車, 點知中伏.

171022秋涼晨運

今早又摸黑出動, 清晨時份, 現在 5:55am, 氣溫 19.9度. 

171021東區自然步道

媽咪星期一出發, 參加左黃山五天行山團, 在黃山風景區行左三日, 返來腳酸痛.

婆婆今日又跟大姨媽去玩, 我地夜上先匯合, 所以, 先在陽明山莊出發, 到霸位先決定往上定下行.

171015八號暴風卡努

無諗過卡努行行下偏左西北, 靠近左香港, 早上 8:40已經改掛 8 號烈風或暴風信號.

所以, 今日無摸黑出動.

到 10 點半, 雖然呼呼聲大風, 但無雨, 地面仲吹乾左, 細媽忽發奇想出去行下, 順便食個午飯, 媽咪即和議, 婆婆當然唔睬我地啦.

171014真秋 - 東區自然步道

熱帶風暴卡努與東北季候風的共同影響下, 起身好清涼, 婆婆見太涼, 怕去大潭水塘回程時, 急尿尿, 臨時話唔去, 我地都唔勉強, 惟有三母子行啦.

171008節氣 : 寒露, 來了 ?

昨晚, 細媽話寒露了, 乜野來呀 ?

原來寒露 : 是二十四節氣中的第十七個節氣。每年九月中（西曆10月7日或8日）視太陽到達黃經195°時為寒露。 

下周開始氣溫下降DD, 亦會較乾燥, 白日更短, 所以, 我地等車時, 仍未日出, 天係藍黑的.

171007秋意來了在大潭

清晨起來, 陣陣涼風, 來到陽明山莊大潭郊野公園閘口, 吹來好舒服.

沙角邨飯堂自11-05-2013

2/10/2017當日, 飯堂姨姨見清閒, 走來同我地傾下歇, 又摸下我, 話我耳毛毛好長好靚, 仲見左我有成 5 年.

媽咪搵資料, 我地第一次幫襯係 11-05-2013, 即來了四年多.

當年, 我地幫襯旁邊一間, 以為飯堂只做火鍋.

有日午飯時段經過, 細媽見餐牌話加一蚊可以轉紅豆冰而吸引, 決定下次試.

第一次食, 見白飯係全粒靚白米煮, 係好好味, 雖然係快餐, 餸菜係有心煮, 唔係旁邊果家的碎飯同顏色汁. 而且, 有好多狗街坊幫襯, 又歡迎狗狗.

由當日起, 我地決定唔再去旁邊一家了.

171005中秋後

昨日中秋節, 白天都有雷雨, 晚上亦灑下陣陣雨, 雖然預測今午天色明朗, 但都預計唔到今早會點, 再者, 星期六話天氣唔錯, 今日都係城門河啦.

171002攰攰晨早

今日係假期第三日, 昨日都未瞓夠, 今早摸黑起身, 我都唔信郁.

婆婆昨日無同我地行, 佢一來, 一支箭向前走.

171001天佑我在大潭行

今日又半夜雨, 但六點時, 見雨停, 三母子齊出發, 唔信又咁巧合又來西雨卦.

170930雷雨後的午

一大清早, 又大雨, 都唔可以出去晨運.

到 9 時左右, 雷雨區走到我家頭頂, 轟轟聲, 嚇到我好驚, 細媽緊熙抱實我. 仲話雷暴警告有效到 中午 12:30. 

點知捱到 10:45, 雨停加埋雷暴警告都取消左. 

大細媽按奈不住, 即時行動, 換衫.

我見媽咪唔係返工衫, 即鬼死咁興奮, 扭晒pat pat , 笑晒口, 跳跳行, 等佢快快抱我梳毛呀.

第一站, 醫肚先. 一在飯堂坐低, 見太陽出來了. 大細媽心急, 以為仲會有雨, 雨衣就帶兩件,  cooli ng coat 及冰包就無帶出來.

170924又和雨雨玩遊戲

今早又係摸黑起身出發, 雷曖警告生效, 等車時, 又來驟雨.

170923雷電黃雨遊六程車河

今早摸黑起來, 媽咪已經同細媽講, 落緊雨喎, 反正婆婆今日會到大姨媽出街, 諗住得我地三母子, 驟雨啫, 都起左身啦, 見雨漸停, 近日都係早上有雨, 稍後轉晴, 照舊出發啦.

當過左海, 再轉的士上陽明光莊, 一落車, 嘩, 有雷聲, 有雨點, 心感不妙, 立刻走去陽明山莊有瓦遮頭地方先.

轟轟聲, 仲有狂風閃電, 擔遮都唔掂, 見有行山人都走頭, 我地惟有截的士落山, 再轉車返屋企樓下, 再轉車入來小瀝源. 咁就坐左五程車😎, 途中仲有雷暴同黃雨警告.

細媽預左後備冰袋, 媽咪負責裝在背囊, 冰袋太勁, 相機凍到出霞氣.

170917消失的小魚蛋

今年二月中, 我腳仔同大脾都除左瘤仔, 當時頭頂都有一粒芝麻大小的粒粒突起, 醫生話觀察住.

4月中肚痾見醫生, 當時粒粒都大左好多, 有成粒紅豆大, 醫生摸過, 係生在皮膚, 離開頭骨, 似脂肪瘤, 即係似婆婆以前在頭皮生的魚蛋蛋, 繼續觀察住.

粒粒越來越大, 成半粒細花生在頭頂, 媽咪每日幫我梳毛都有留意, 仲幻想我要剃光頭髮做手術割除粒瘤. 按落去, 我又唔覺痛, 又驚粒瘤爆.

9月初又因肚痾見醫生, 醫生都話留意下先.

昨日早上梳頭, 魚蛋仍在. 晚上, 因我眼瞓, 媽咪無太為意.

早上梳毛, 媽咪發現, 魚蛋唔見左. 玩完返來再驗清楚, 消失唔無形.

170917我和迪蘇約會在彭福

迪蘇媽相約在彭福見, 所以今日遲D出門.

170916細媽工場 - 月餅制作篇

順應要求, 細媽幫手, 安排今日整月餅, 材料齊, 開工.

170916洛融融在大潭

又到周六, 又到快活日.

170910晴中驟雨洛

又摸黑起床, 昨晚臨瞓前都有落大雨, 今早見地濕咋.

170909驟雨空檔在大潭

清早起來, 地面濕, 半夜又來驟雨. 驟雨暫停工, 我地急急出來.

170906又爛便見醫生

唉, 今日見細媽返來, 仲拎袋, 以為去街玩, 點知袋一打開, 竟然來左診所.

170903仍是一號風姐瑪娃

 今早, 瑪娃無直吹來香港, 仍是一號風球, 我地仍是摸黑出動來小瀝源.

170902一號風姐瑪娃來

本來今日星期六, 應該過海去大潭水塘, 點知行去車站時, 竟然開始有雨, 大細媽怕到陽明山莊更大雨, 唔敢搏, 立刻轉來到小瀝源, 行下城門河.

170828婆婆 78 歲生日在七夕

今日係七夕情人節, 即係婆婆舊曆生日, 大細媽當然同婆婆慶祝.

170827又八號風波帕卡

唉, 無眼睇, 朝早 5:10就掛起 8 號東南烈風信號, 黃雨仲一齊掛.

起初話帕卡唔係太勁, 最多只有三號風風力, 想唔到突然強勁起來, 朝早想玩個城河快閃都唔得.

170826帕卡來前

又到星期六喇, 今日當然又來行大潭水塘啦.