今日行程, 本來係上星期安排, 原定今日行西貢, 但驚頭頂有雨, 怕婆婆行滑泥路, 昨晚決定來香港仔水塘.
我地唔行入金馬侖徑, 都簡單好多.
婆婆可以慢慢 hea.
我就好開心, 起步射爆好多柱, 搞左好耐先肯正式起步.
好耐無來, 好新鮮感覺.
細媽, 我想行快D.
細媽 : 家洛, 明明條路, 好快行到水塘邊, 係你最浪費時間.
乜野喎......
到分岔位, 媽咪睇清楚地圖, 一於向前走去霸底.
我地先在上水塘落霸底去下水塘, 即健身徑落樓梯, 婆婆好行D.
可能太耐無來, 細媽大聲話, 原來呢度係橋, 腳下架空的.
沿路多健身設施.
途中有位行落水塘邊.
細媽明明講今日只行石屎徑, 最後都有泥路行,
婆婆好興奮, 企穩呀.
到下水塘霸位.
沿呢度, 轉入香港仔自然教育徑.
我咁型, 兩個佈景人想搶我鏡, 難囉.
認實條路.
行行下, 有個觀景位, 婆婆大叫 : 地鐵呀.
婆婆, 我都唔可以坐地鐵, 算啦. 一係你自己坐, 長者兩蚊就返到屋企.
婆婆 : 我死跟實你地, 買我唔甩呀.😈
唔知點解, 全家都覺條路好有新鮮感, 可能反轉方向行啦.
媽咪叫婆婆扮野, 婆婆即時配合, 傻的呢.
到燒烤區, 即行完全段自然教育徑, 細媽話大休. 坐左十分鐘都係大休 ??? 😝
今日有好大群義工, 唔知有乜活動, 又有好多中學生來長跑.
媽咪見個燒烤爐生滿草, 叫我影返張相, 點知黐晒鬼針草.
已經周圍有淡竹葉, 加埋鬼針草, 大細媽又要幫我清埋先行得.
過返上水塘水霸, 繼續下半段健身徑.
呢段簡單好多.
一直走.
好快行完全段, 來到大燒烤場
剛才有又一大班中學生熱身, 已經又出發.
我地都行完今日行程.
要行返落香港仔中心, 我都好心急, 細媽, 我要上私家車呀.
沒有留言:
張貼留言