171125開心拆線日

 除瘤後, 一直等今日.
我地約左 10點返診所拆線, 好心急, 9 : 30 已經到, 就係想拎頭籌, 點知要 10 點可以登記, 診所姐姐都話我地心急.
上磅 5.8 kgs, 因為剛剛放低有成 100 g 便便.
今日由吳醫生負責拆線, 佢話埋口好好, 因為拆線後有小傷口, 呢幾日都唔可以濕水.
拆完線即走, 出門即有的士, 直接入來大圍.
細媽先醒起, 忘了在診所影相做記錄, 記錄下我一到診所門就變震震狗.

暫時呢兩日都係行下城門河先.

我唔可以落地住, 因為細媽怕呢度多硫磺.

著返膠鞋, 我可以自己行喇.

婆婆跟住我行.

因為時間早, 都係行完先午飯.

諗起又有好多雞肉乾食, 笑不攏口呀.

冬天來了, 天氣涼左.

但暫時仲唔駛著衫.

行左一陣, 全身有暖意啦.

本來呢個溫度同天氣, 行山就舒適, 但我地最快下星期先可以行呢.

細媽, 夠時間, 返轉頭喇.

今日遲左來, 午飯時段多左人, 好彩都有位. 快快食埋, 又要快回家, 因為雞肉乾同棒棒無乜存貨, 媽咪又要趕工制作呀.