250701臨時有蓋屋

昨晚接近12點，大媽在房聽到BB鴿又大叫，大媽心諗收工返來，無見過鴿媽來餵食，竟然落大雨就來，咪走去八下卦，原來大雨撇入花槽淋濕左鞋盒致塌陷壓住，所以BB鴿大叫救命，其中一隻逃走到出來，大媽即喺屋企搵材料，整個臨時有蓋位，拎起濕透鞋盒，有一隻困在內，放個膠盒入去，佢地好快識入去避雨😊

鴿媽今早有返來餵食，見BB鴿肚下未長羽毛，希望佢地唔好太百厭跳上跳落，好驚高空墮樓🙈

250629鶵鴿

近幾日，細媽在廳，間中聽到咕咕聲，出門窗望，見有隻鴿在花槽，靠近即飛走，跟住就無左聲。今早細媽又見鴿企在花槽，今次好清楚有微弱咕咕聲在花槽發出。

250419洛婆婆又入院

洛婆婆今年踏入86歲，今年16/1至19/1都試過第二次腳腫，引致傷口潰爛有少傷口滲體液，要入院消水腫，早在上星期見佢腳腫，都有定心理準備。 

 前晚發現左腳又潰爛了一小攤，已馬上碘酒消毒蓋藥棉，昨晚見藥棉濕晒，都知不妙，馬上消毒用m巾包好，執定走佬袋，準備今早去急症室。 可能大批人離港，急症室竟然好少人，又或喺婆婆算半緊急，好快有醫生檢查照超聲波同X-光，由入急症室到上病房，只係兩個半鐘，今次真快，入院安頓有照顧，會安心.

250129黃盛盛

不經不覺, 到今年四月, 我家盛盛就年界17歲, 文案寫珠頸班鳩壽命係10-12年, 似乎盛盛已打破記錄, 相處多年, 周不時我地返家, 佢就咕咕叫打招呼, 或者投訴無紅米米, 有互動呀。

自幼雛在黃家長大, 又斷了指趾, 如果當年唔埋佢, 都大機會俾細路掀走玩。

盛盛, 要繼續健健康康, 想要食米米就出聲吩咐啦^^

241019黃家新成員 - 螈螈(東方蠑螈)

前日屋企養左10幾年最後一隻蠑螈，都回天家。 為免洛婆婆一人在家無嘢陪伴，今日在金魚街，兜左轉以為落空，唔放棄又重新行一轉，金晴火眼下，終於搵到一間有蠑螈嘅店，仲係最後一對，洛婆婆終於有新螈螈陪傾歇💓

230402 POPFEST HKT西九音樂節：越流行

今晚姜Admin在1/1叱吒後再踏舞台, 於21:50在POPFEST HKT西九音樂節：越流行表演, 佛系大媽想在外圍支持, 細媽當然想啦, 於是我地決定同埋小姜小濤坐巴士去西九.

230325旺角及KSHKFC打咭

原定今日先行山, 再按預定時間去KSHKFC拎漁夫帽, 但天氣唔好, 又有衫仔可以在差不多就到面交, 就帶晒四兄弟早點去旺角朗豪坊對出大廣告視屏睇"追".

230204二表姐結婚了

今日係二表姐與諾哥哥結婚大喜之日, 家洛無法見證呢個重要日子, 於是帶齊洛家三妹妹代表阿哥來參加.

230122兔年初一

今日係兔年初一, 沒有家洛的第一年農曆新年, 生活要過, 就安排初一睇晨早場 - 毒舌大狀.

230121除夕團年及觀塘海濱花園發現號

今日大除夕, 肥舅父一家去旅行, 姐夫要教班, 二表姊姐夫要考試, 二表姐晚上要去未來夫家團年, 雖然唔齊人, 但照安排一家人食午餐做團年.

230109往新會址取揮春

早排訂嘅姜揮春有得拎, 7-9/1 揀一日, 咁9/1收工行來就最好, 唔駛浪費星期六同日.

臨近農曆年, 又換左新佈置.

230101元旦午餐

 元旦日, 無打算去玩, 但點都要慶祝下, 婆婆肯落樓去食個元旦午餐都好好.

221231KSHKFC迎新禮盒

今日返到屋企, 一入屋就收到SMS, 姜濤香港後授會迎近會員禮盒到, 細媽馬上又去拎返來. 佢見薑桃牙膏買一送一, 又買多兩盒, 佢過好好的除夕禮物.

221217初訪姜admin新會址

今年才入會, 昨日第一次上姜Admin後援會新會址拎PB同年曆, 見姜燈牌當然買, 細媽話以備不時之需, 當燈飾又得.

家洛小天使

今日係家洛回天家的第18日, 我地都習慣了. 細媽話昨晚夢到好多長毛狗狗, 就係見唔到家洛.

家洛, 你係咪忙緊修練呀 ?

220804婆婆83歲壽辰

每年農曆七巧節, 都係婆婆生日, 今年83歲的新曆係在4/8, 婆婆腳掌有小傷口, 唔方便周圍去, 暫時簡單食下生日蛋糕, 希望婆婆個小傷口快些埋口, 大細媽就可以同佢出去食大餐呀.

220605姜濤角

 昨日覆診完, 大細媽游走附近便利店, 希望買到第二款 1664, 竟然搵到呀.

220129團年及二月生日會

下星期二就係農曆年, 好早約齊全家到大姨媽家團年同開二月份生日會.

210814洛婆婆82歲壽辰

 一直都按舊曆來為婆婆慶祝生日, 今年剛好正日在星期六, 全家總動員去大姨媽家開生日會.

210416別了 - 斑鳩BB

本來打算等斑鳩BB康復, 會安排佢回歸大自然. 點知在 8/4, 媽咪發現佢左眼眼角膜損左, 發炎變白, 唔知係當日受傷所致, 定係佢回來時受驚撞傷. 全家好唔開心. 跟住, 斑鳩BB日日合上左眼. 大細媽商量後, 如果單眼放回, 好大機會出事. 最後, 決定收養佢. 細媽仲打算星期六出去買個籠俾佢.

昨晚, 媽咪都覺佢好似唔太精神, 但佢有食糧同米. 今晚 9 點半左右, 媽咪準備幫佢清潔, 發現早上至今, 無食過野, 心知不妙. 仲好輕易捉起佢, 見屁屁黐滿便便. 媽咪幫佢清潔之際, 斑鳩BB就在媽咪手上 慢慢地走了. 

BB, 還未幫你起名字, 你就上了彩虹橋. 無想到, 你生命係咁短暫. 希望你在彩虹橋, 開心生活呀.🌈