2014年4月27日

140427周日城門河畔

藍綠黃, 呢個係今個周日早上的顏色.

昨晚, 新聞天氣預告都話早上多雲, 能見度低, 稍後仲會有幾陣雷雨, 昨日都玩完大雨啦, 未有雷暴咋, 細媽仲諗住天陰, 去一條新單車路徑行下, 但媽咪未搵齊資料, 唔識路, 咪照舊入來小瀝源o羅.

2014年4月26日

140426深井往大欖

細媽話今日可能有雨, 間中又有陽光, 佢決定去大欖一帶, 行半日, 應該唔會熱親我.

我知道有街去, 清晨 4 點就用手拍細媽頭叫醒佢, 佢唔睬我, 我又試下5 點再叫, 佢唔願郁, 我又6 點叫, 一直堅持下, 佢終於 6 點 8 肯起身勞動

2014年4月21日

不想要的復活節禮物

我知道復活節有復活蛋, 但呢D粒粒就唔想要o羅.

平時行山去玩, 做足防禦措施, 間中都黐到帶牛B上身.

但今個復活節假就唔好彩.

首先在第二日, 在我梳毛梳妝台見到一隻牛B枯屍.

跟住昨晚半夜, 細媽好驚, 因為瞓瞓下有野爬上佢隻腳, 佢睡眼惺惺, 以為係黑痣, 望真些, 原來係一隻半呆牛B, 立刻叫醒媽咪, 當晚兩個都瞓唔好, 驚唔知仲有無牛B在床, 昨日回來, 細媽即清潔佢張床.

昨日行完山, 沖身吹毛時, 有一隻牛B在我肚仔附近, 但又係遲鈍的.

今日叔來大清潔, 媽咪用風筒詳細幫我檢查, 又在昨日差不多位置, 見到一隻生猛牛B, 激死呀.

希望就係但呢四隻, 唔好有其他漏網之牛B就好了.


140421復四之獅子會及西貢海濱

今日係四日復活節假期最後一天, 朝早雨紛紛, 唔緊要啦, 前三日返來, 都係清水沖身, 都預左今日大清洗, 變泥鴨都唔怕.

在落車附近, 發現一棵首冠藤, 查資料, 原來屬洋蹄甲屬, 怪不得花型咁似, 只係細棵及係木質藤本.

2014年4月20日

140420復三之甲龍林徑

今日第三日假期, 天文台又話最高有29 度, 媽咪本來想在大欖郊野公園一帶行山徑, 但點都要太斜上落車路, 佢上網睇舊日誌, 想起可以行甲龍林徑呀.
全段得4.5公里, 又全在高參樹林下, 有陽光都唔怕.

大帽山即係大霧山, 海拔高點, 濕氣多些, 又係厚雲在頭頂, 唔熱呀.

2014年4月19日

140419復二之上窰郊遊徑

昨日天氣唔算, 無熱屎我, 今日又安排短程線, 行半日就回家. 唔想諗, 最好來上窰郊遊徑, 慢行唔駛兩個鐘.

一入到西貢附近, 見四周山頭都俾厚雲蓋了, 仲要係霧氣好夠, 入到元五墳, 天陰陰, 唔曬, 正合心水.

2014年4月18日

又出事....

每年復活節假期都係高危日, 今日又出事喇.

屋企部傻瓜相機, 都用左好多年, 媽咪話影出來的相, 開始變色失真, 必須要買返部新傻瓜機俾細媽用, 佢本來想買 G1X, 但實在太重, 如果細媽單獨帶我同婆婆出街, 更加重佢負擔, 最後揀部 Canon SX700 HS. 

當然唔係專業級, 但對細媽呢D低B級, 夠晒啦.

140418復一之山頂至香港仔港徑二

呢個復活節假期, 日日最高氣溫都會有 28-29度, 媽咪都好頭痛去邊好.
佢諗住好耐無上山頂, 打算早早行一圈, 應該無問題.
但細媽唔太鍾意行山頂, 事關太多遊客, 好嘈.

咁媽咪話另一方案, 可以行去香港仔, 而且全段樹蔭多, 唔驚熱傻.

2014年4月13日

140413入夏前吐露港單車徑步

似乎夏季已經來臨, 昨日, 大細媽商量左好耐, 行山太熱, 游水又怕水仍凍, 去獅子會又成日去, 於是決定早出發, 由大埔沿吐露港單車徑步行去馬鞍山, 沿途有公廁, 咪唔怕中暑o羅!

紅棉盛放, 天氣暖洋洋, 四個星期前來時, 幾棵紅棉爭妍搏麗, 好多龍友來拍照, 今日紅花, 所餘無幾.

2014年4月12日

香港野生蘭花 ??

究竟呢種係乜野蘭花呢 ?

花朵小, 淡如綠色, 不足 1 cm 大, 但真係好特別, 野花不要採, 咁就年年可以欣賞 ^^


140412彌勒山郊遊徑+法門古道

又來大嶼山, 唔通大細媽愛上離島 @.@
本來上年10月, 計劃左行彌勒山郊遊徑, 點知婆婆臨時點燈, 在鳳凰朝日, 改行石壁郊遊徑.
媽咪知今日會熱, 但呢段徑後段多樹蔭, 婆婆步速都係三個鐘, 行完一圈, 如果攰又熱, 咪回昂坪坐車走, 夠力氣咪行法門古道回東涌o羅.
坐左兩個鐘車, 真係坐到呆晒.

一落地行, 我已經由心笑出來.

2014年4月7日

140407覆診日

三月尾驗血完, 今日回許醫生睇報告.

驗血報告唔錯, 癌症指數係無, 即係唔驚呢刻有事, 肝酵素正常, 病毒數量在超低水平, 當然驗唔到係最好啦. 醫生話食了一年三個月藥, 成績唔錯, 保持半年後再驗血, 六月左右照超聲波, 年尾做 Fibroscan 就得. 佢仲話隻藥專利權快過, 到時政府醫院有機會在國內取藥, 相對比較現時會平好多, 甚至可能唔駛錢添. 我只要藥物有效又安全就得呀.

仲有, 佢話叫我睇政府醫生時, 順便申請PPI-ePR(Public-Private Interface - Electronic Patient Record Sharing Pilot Project 公私營醫療合作 - 醫療病歷互聯試驗計劃), 當在政府醫院驗血後, 佢可以上網查閱, 政府醫院無幫我驗的項目, 佢先幫我驗, 咁我就可以節省金錢.

二月尾輕微傷風後, 氣管仲有點喘, 搞到左右骨膜都發炎, 醫生順便用耳筒幫我聽下呼吸, 肺部正常無雜聲, 即唔係哮喘, 佢話天氣改變咳幾聲, 無其他症狀及痰, 即係氣管敏感, 都市病, 食敏感藥就得.

呢位醫生真好又細心, 謝謝你.

2014年4月6日

140406大澳素食團

嘩, 媽咪, 又朝早入來大澳, 唔怕落雨咩?

哦, 原來係迪蘇媽同噹媽知我地兩次都摸門釘, 佢地又食過番尋味, 約我地行東大古道, 再在大澳食素, 但天氣不穩, 取消行山活動, 分頭入大澳匯合.

2014年4月5日

140405大棠至大欖晴朗清明日

今星期一直天氣麻麻, 又落左好耐雨, 雖然昨日已經轉晴, 但大細媽怕樹蔭底山路未乾透, 唔敢同婆婆行, 而且今日係清明節, 由深井青龍頭起步, 一定好多私家車及小型旅遊巴進出大欖一帶掃墓, 所以, 媽咪話由大棠起步, 靠大欖水塘路行, 最多都係越野單車, 安全多D.

或者係假期關係, 今早都幾狗地來行山.