171112除瘤後第二日

天文台話有雨呀, 本來預左濕地就唔出來, 起身仲係算好天, 嗱嗱臨來到大圍.

昨日買左個新斜背袋, 方便我安坐, 細媽又減輕負荷.
第一次坐, 好緊張, 堅持要企. 好彩媽咪識點令我坐得舒適.

細媽斜揹我, 我又可以向前望.

但都係想落地行.

昨日, 有個小妹妹話我戴左雪糕帽. 可惜, 係頭罩, 唔係太陽帽, 陽光有些燦眼仔.

幸好今日陰天, 有些風, 還可以.

途中發現有隻白露捉到一條大魚.

但對佢來講, 太大了, 食到斷魚尾, 都未吞到.

真係好努力去吞食.


最後相信都要放棄.


昨日行左一陣, 大細媽話抱我, 我無拒絕.
今日又問, 我想行呀.

我兩婆孫行得好開心.

間中一兩滴雨點.

咁我行快兩步囉.

雖然要戴頭罩, 我無扭計.

大細媽猛問我痛, 我又跑又跳, 嚇死佢地.

你睇我, 行住無縮腳就知啦.

行到沙燕橋, 準備轉去飯堂, 細媽話要抱喇.
咪除膠鞋囉, 媽咪一摸, 點知手板濕左, 細媽立即檢查隻膠鞋, 無穿喎.
媽咪即刻驗手板同傷口, 係有啡色液, 唔係鮮血, 可能我今日行多左, 流血清.
大細媽自責, 話早知唔俾我行咁多.

返到屋企, 立刻用粉紅消毒藥水清埋再吹乾, 認真檢查手趾上傷口, 無液體流出, 即無發炎啦.
要好好在家休息五日, 相信全好快埋口.