2016年12月28日

161216婆婆覆診日

上月11日去日間醫療中心覆診, 原來覆診改左仍去日間醫療中心, 唔係老人內科及心臟科, 時間都改為早上, 好彩大姨媽知道咋.

因為華法林太多食物禁忌, 我地搵左三隻自費新藥 '阿哌沙班Apixaban , '達比加群脂Dabigatrean Elexilate' 同 '利代沙班 Rivaroxaban' , 價錢由約 $500 - $900 一個月不等.

2016年12月21日

161221肝纖掃描

冬至, 公司提早下午三點放假, 唔駛放假去照肝纖.
兩年前都係中環萬邦行某化驗所照.
今次呢位姐姐好仔細, 照左好耐, 我問佢平均有幾多, 佢話比兩年前高左, 等醫生講解, 仲俾我睇.
見平均係 6 點幾, 我覺可以喎.

23/12下午, 診所打來, 話報告出左, 可以約見醫生, 我醒起 6/2 去廣華驗血, 仲會驗 HBV DNA, 叫姑娘問下醫生可唔可以等埋醫院報告一齊睇. 醫生話肝纖掃描報告無大問題, 可以等埋呀.

約左 1/3 (星期三) 10:30 am 見許醫生, 記低先.

2016年12月10日

2016年12月4日

161204長征後的Hea Hea行

昨日行左超過 13 多公里, 大細媽預左今日可能變妲已.
加上婆婆昨晚要睇東華籌款其中一場大戲, 肯定好遲先會瞓.
今早都係瞓晏少少, 出來 Hea Hea 行下, 食個午餐.



2016年11月27日

161127凍凍周日

昨日下午, 雨未停過, 仲刮起季候風, 氣溫驟降, 市區半夜仲降到 11-12度, 雨到清晨才停.
又雨又凍, 唔敢早出發, 等到肯定無雨同地面乾爽, 立即出動.
從未在隧道口過天橋, 今日試下先.


2016年11月26日

161126雨霧中在山頂

一早起來, 有成 20 度, 見天上雲層都有點高, 諗住唔似咁快來雨, 一於照舊上太平山山頂.
點知到中環等小巴時, 就落起大雨, 反正都差一程車, 照上山頂.


2016年11月19日

161119來個午餐前步

今早瞓醒, 唔見左媽咪, 細媽話媽咪去睇門診, 再返來同我地出去行下.

 其實昨日都話今日有雨, 等媽咪時, 都落過雨, 雨過天晴, 媽咪又無大礙.


161119瘤驚魂 ?

星期二晚 9 點幾, 安頓好, 坐在梳化休息, 突然大腿後方近臀部位置好痛, 仲越來越痛, 連小腿後的肌肉都覺痛. 以為唔知幾時, 又唔小心撞親. 入房一摸, 大腿後皮膚底, 摸到在肌肉生出一粒半邊蓮子大的腫粒, 按下仲痛, 附近肌肉都硬晒, 好驚呀. 用手機影張相, 係無瘀, 但似有一粒野在皮膚下突起. 臨瞓時, 腫粒又似消失, 摸唔返, 但全腳後半部都覺痛同好實. 好擔心, 會唔會係脂肪瘤 ? 因為脂肪瘤有遺傳, 婆婆生過, 家姐都有過, 細媽都有. 唔通我的係生在肌肉, 壓住神經線, 所以會痛 ?

本來想下星期先去睇醫生, 細媽昨日好早就提醒我打電話去門診預約, 佢話好睇好知乜事. 有左上次幫婆婆約門診經驗, 知程序, 一打就約到 09:05am.

昨晚, 又摸到突出少少的腫粒, 連婆婆都摸到, 佢仲想按下, 一輕按己覺痛, 諗緊, 係咪要轉介專科呢 ?

可能又出現候群症, 坐車開始, 好似呼吸困難, 到醫院附近, 心口好緊.

新症有本薄仔跟身, 以後去睇門診, 要次次帶住.

2016年11月13日

161113晨運樂

昨日行左半日, 都有些攰攰, 又想婆婆瞓多陣, 無坐頭車, 見有另一車來, 今日由亞公角起步啦.


2016年11月11日

161111婆食的禁忌

昨日早上抽血, 婆婆今日去日間醫療中心覆診.
驗血報告出左, 醣指數同腎功能都正常, 血壓都正常, 即食左兩星期降血壓及華法林(薄血藥), 效果都唔錯. 醫生開返同劑量的五星期華法林, 16/12/2016去專科覆診, 早一日先抽血化驗.

2016年10月30日

2016年10月29日

161029婆婆撳緊急制 - 下回

上星期六, 媽咪同婆婆去洗傷口, 抽血, 順便排專科同登記門診, 職員話門診已有記錄, 唔駛登記.
門診即日無得約, 於是, 星期日朝早打去預約星期一.

第一次係 09:00am, 先打去柏立基, 話無登記, 原來門診聯網無互通, 即改打去廣華, 額滿了.
接住 10:00am, 媽咪唔熟程序, 又無位.
第三次 11:00am, 媽咪記熟程序同婆婆身份證, 預早兩分鐘不停打, 終於有位.

因個個要返工, 姨丈騰到整日空檔, 陪婆婆睇門診, 順便洗傷口.
仲一路用 Whatsapp 報告過程.

09:45 am 洗傷口
11:25 am 見醫生
11:40 am 見完醫生, 等做心電圖及又照兩個位置 X-ray.
掛期 21/11/2016 覆診睇報告.

點知醫生睇完心電圖, 話婆婆個心有問題, 要即時寫醫生紙轉入急症室.
分流為 : 緊急, 急症室醫生睇完, 要即時入院.
當時, 全家都緊張了.

除左頭一晚, 大細媽忙到收唔到工, 好彩有姨丈同肥舅父到醫院.

接住每一晚, 媽咪收工即去醫院探婆婆, 細媽就負責, 收工唔加班, 即回來, 安排晚飯同陪我.
我從來未試過無人陪, 獨留在家的. 但呢幾日, 我真係好叻, 目送最後出門的細媽返工.
一日又一日, 全家好心急, 期盼婆婆早日出院.

161029陽明下大潭

今星期, 訓練到我, 白天單獨在家. 原來, 我係做得到.
當然, 大細媽返工, 都心掛掛我啦.


2016年10月25日

161025年度針

年紀大, 大細媽本來都唔想我年年打針, 始終都係打些抗原體入身, 但我仲係周圍去, 仲想繼續做 Yama Boy. 今年都係打多次預防針來保障下. 
登記時又上磅, 5.7 kg, Yeah.


2016年10月22日

161022海馬 8 號波後的午步

昨日, 颳風海馬襲港, 由早上 6:10就掛起 8 號西北烈風, 到 16:45先改為3號風球.
大細媽整日唔駛返工, 媽咪大暈睡.
因為婆婆星期四早跌親, 左手割開好深傷口, 大細媽回家, 婆婆都密口, 媽咪即帶婆婆漏夜去醫院睇急症, 凌晨 4:40 先返來, 好彩當時未掛 8 號咋.
今早, 媽咪同婆婆去洗傷口, 返來見好天, 跟同我及細媽出來行下.


2016年10月21日

161021婆婆撳緊急制

大件事 @.@
事源係昨日, 婆婆去街市買野, 左右手都有一大袋, 當在扶手電梯落來時, 唔小心跌親.
往時, 婆婆堅持日日拖地, 媽咪放工返來, 見前日婆婆留起的拖地水仲在水桶, 問婆婆 : 今日無拖地咩 ? , 婆婆支吾以對. 媽咪不以之意.

當細媽返來, 無意間, 發現婆婆手掌虎口位貼左膠布, 問佢乜事, 佢話跌倒, 損左少少. 

當食飯時, 見膠布有血滲出, 大細媽嚇呆, 叫婆婆沖涼後, 幫佢再用消毒下.
點知, 個傷口好深, 媽咪即影相俾大姨媽, 商量後, 必須縫針, 決定立即去法國醫院.

去到, 個女登記員第一句就問有無買保險, 見婆婆情況, 開始數收費, 又話一定要全科醫生縫針, 又要驗左血先, 又要照 X-Ray, 又有一大袋藥, 基本收費至少 7-8 千, 仲有些未計落.
媽咪第一次睇私家醫院, 無經驗, 知連一片藥棉都會計, 以為都係 2 千左右, 問大姨媽意見, 大姨媽話一人一半. 

點知個女登記員話起碼成個月人工o架, 叫媽咪諗下先. 媽咪心諗, 得 7-8 千蚊人工, 都唔會跑去私家醫院, 個女子狗眼看人低, 反正見都咁多人, 都係等啦, 媽咪激鬼氣, 即走.

即坐的士, 又去急症室睇. 到廣華, 比想像中少人, 有三分一空位, 有些仲係家屬陪同.
分流後, 婆婆屬半緊急, 血壓有點高, 可能急趕來, 佢又緊張卦, 分流紙時間係 23:01.

2016年10月15日

2016年10月2日

161002沒有媽咪的晨運

媽咪今早出發去北海道玩六日, 天氣又不穩, 所以, 細媽帶我同婆婆, 又係坐的士由大圍出發走晨運.


2016年10月1日

161001紅黃雨後的早步

半夜四點開始, 好嘈呀, 雷聲加大雨聲, 黃雨來了又掛紅雨, 嚇到我瞓唔到, 仲要摸黑晨運都要取消.
好彩, 雨過天清, 9點半, 細媽見太陽, 急召媽咪起身出發.


2016年9月28日

160928看醫生

真係唔想來, 但我肚仔唔舒服, 無辦法.

上星期日(25/9), 同細媽午睡後, 起身就痾軟便, 但精神超好, 細媽安掛特效益生菌俾我食.
星期一清晨, 我又想嘔, 叫醒細媽起身, 抱我落床嘔, 細媽吩咐婆婆唔好俾小食俾我.

2016年9月16日

160916晨早追月

昨日中秋佳節, 大細媽都要返工, 而且我地都慣早起晨運, 不如今早追月日, 睇下抬頭有無月亮.


2016年9月11日

160911摸黑出動了

下星期五就中秋, 日短夜長, 越來越明顯, 我地丕點多起身, 未到 6 點就在車站等,天仍未亮, 旭日初升, 照射個天變紫藍色.