171022秋涼晨運

今早又摸黑出動, 清晨時份, 現在 5:55am, 氣溫 19.9度. 

四口組又合體.

但我未瞓夠喎.

點笑得出呢.

仲係目定口呆樣.

行一陣, 等我醒醒神先啦.

秋來了, 今日乾燥, 紅色火災警報生效了.

晨運姨姨們一見, 就叫我 : 伯伯, 早晨.

我快 13 歲, 但仲行得, 跑得, 姨姨話下次叫返我哥哥仔喎.

秋來, 雀鳥要南下避寒, 但點解向北飛.

唔通係沿海邊轉 ?

秋涼, 下次可以唔駛咁早起身呀.

瞓多陣, 可能快回魂.

跑幾跑, 變臉了.

有心情笑呀.

因為打完咭, 又可以折返去飯堂.

下星期六係重陽節, 可以去登高, 但會有人襯呢段時間拜山.

我聽到大細媽商量, 要避開近墳場一帶, 以免人多.

去邊好, 又要就到婆婆 ?

終於有決定.

咁我休息 5 天, 儲足能量先.

其實入秋, 陽光升起, 熱力溫度仍高企, 我地都唔會太遲出發.

早出早回, 今日又早回家, 下午又要搵周公子.