2011年8月30日

臭到我想嘔

.IMG_2926
上星期六早上, 我食完早餐無幾耐, 就嘔嘔呀, 當時我好驚驚, 等細媽清理完, 個心先定D, 跟住無耐就同婆婆玩扯波波同拋波波添. 等到大媽回來仲去行街街.

夜晚, 細媽就同大媽講起我今朝嘔的情況, 佢話我食完早餐就去Poo Poo, 細媽跟手就去清潔時, 我八卦聞了兩聞D Poo Poo. 即時嘔返D早餐出來. 當其時電視係播緊林欣彤)唱"洗澡".

細媽講到我聞完Poo Poo就嘔嗰句時, 林欣彤咁就o岩唱嗰句歌詞 – "臭到令人嘔吐 無言地控訴", 大媽即時笑到肚痛呀, 佢真係好衰ka, 安慰一句都無聲!!

大媽: 唔好意思, 我真係忍唔住丫麻. 其實大細媽見你嘔完就精神爽利, 都唔似有病. 咪唔太擔心囉!! 先會笑左出來ge

2011年8月29日

抗通漲快餐


聽講窮孩子嘅富豪飯堂係嗰D連鎖快餐店喎, 我洛B僅係唔執輸啦!! 叫細媽幫我整個大快樂快餐試試. 學人做下富孩子先.
呢個就係我嘅大快樂快餐 - 茄醬肉碎飯 – 買相都OK啦, 至於味道如何, 等我試下先.

2011年8月28日

110828與赤徑的一月一約


媽咪同婆婆做乜事呢.........其實係與赤徑一月一約有關

我地一早來北潭坳, 為左預多D時間.......

2011年8月27日

110827週六節目多精彩


呢個週六, 本來大細媽都唔駛返工, 但細媽諗住天氣熱, 就提議下午 4 點先出去, 媽咪見公司多野做, 就上午返半日工
我唔悶ga, 因為上午同細媽玩追拖鞋

2011年8月23日

kero kero嚇死人

我一向都好怕嗰D呱呱聲, 每次聽到都會 dup晒尾, 但點解我成日都KERO KERO上身, 咪就係細媽囉, 佢自己鍾意, 就將D KERO KERO堆晒係我身上面, 佢真係好衰ka, 將佢嘅快樂, 建築係我痛苦身上呀.

2011年8月20日

香煎餃

細媽 : 今日洛媽咪又風癩發作, 唔可以出去黃昏行, 反正洛洛今早都陪過大媽出去食早餐同巡左大半個鐘, 都有出過去, 我又玩完整月餅, 就整下煎餃子俾洛B喇

月餅試辦中

上次細媽整咸味月餅, 因為皮太薄, 內饀太輕身, 今日下午放工返來, 又再接再厲

2011年8月19日

戀上我的美

唉!! 我咁靚仔, 眼又圓又大, 頭髮又漂逸, 笑容又咁甜美, 不過呢D通通都唔係我D媽咪嘅至愛.

細媽話佢最愛我條尾喎!! 佢話條尾唔長又唔短, 圓碌碌, 肥嘟嘟. 搖搖擺擺, 好卡嘩依呢.

而我大媽就話最愛我尾部, 即係我pat pat 呀, 佢話我行路時, 扭下扭下咁, 引死人呀

唉!! 佢地真係好變態KA.
IMG_2583

2011年8月16日

謝謝你 ^^

IMG_4274
熟悉我的姊姊哥哥, 都知我唔鍾意困在一空間, 甚至停留在同一地方太耐, 否則會愁爆或吠爆, 當然除了屋企及行山係例外

2011年8月13日

110813避暑夜遊

雖然今日又係大細媽短週, 但我除左一早去玩水, 都唔知咁熱天氣, 可以去邊, 怕熱到中暑就唔好啦, 佢地又唔想我一連兩日沖涼, 今早咪同媽咪瞓晏D, 等媽咪久多點休息....
 

2011年8月11日

我係雞定狗呀 ?




洛B: 媽咪我係邊年出世KA


媽咪: 你係2005年, 係雞年呀!!

洛B: 我係雞年出世, 唔怪之得我咁鍾意食雞雞啦.


媽咪: 但係你都鍾意食羊同牛喎. 唔通你又係羊年同牛年出世咩.

2011年8月7日

2011年8月6日

110806七夕夜...婆婆 72 生辰夜 ^^


今日七夕, 又係婆婆 72歲生日呀, 我地全部人去大姨媽家, 同婆婆慶祝生日

一失足成千古恨

nophoto_500x500

見雅烏話稍後轉新平台, 我諗住等佢自動過台lor, 見相簿咁多相, 諗住每次寫完 Blog, 就將相刪除, 我星期三先為意有個垃圾筒, 以為在垃圾筒內的相是沒有用, 就把垃圾筒內所有相清理, 等轉新版時, 唔屎拖太多野, 令時間長.......
近排都忙到屎, 一路開工, 一路清理垃圾筒, 都無再refresh 睇下個Blog

點知細媽星期四中午上網睇, 發現 d Blog 無晒相, 變晒"暫時未能瀏覽圖片"


星期五早, 回公司開貓, 先知細媽話唔見晒 d 相, 才發現 blog內的相是有相連.

無法啦, 咪上返 Flicker網, 一張一張入返啦

仲出埋貓, 問下雅烏服務部,有無方法還原 d 相

查詢:

8、您所遇到的問題: 我每次寫完blog, 就將相刪除, 我以為在垃圾筒內的相是沒有用, 日前誤把垃圾筒內所有相清理. 先發現 blog
內的相是有相連.
9、正進行的步驟及錯誤訊息: 有方法回復所有刪除的相嗎 ?
您好,

多謝您的來信。


關於您就恢復相片的問題,很抱歉,當您把垃圾桶內的相片移除,則有關圖片將無法恢復。而根據目前Blog系統設計,如果您從相簿中把圖片刪除,您加入網誌
內的圖片亦會在過一段時間內自動刪除。因此,我們建議用戶不要把相簿內的圖片刪除,以便網誌內的圖片不能如常顯示。不便之處,敬請原諒。


此外,日後請您小心保管您的相片,不要隨便從垃圾桶內刪除圖片或網誌,以免重要資料遭到遺失。以後若您不小心刪除相片,您僅需從垃圾桶內把移除的相片移至
其他相簿即可。

如您尚有任何疑問,歡迎您回覆此電郵與我們聯絡。

多謝您選擇使用雅虎香港服務。

雅虎香港客戶服務部


唉.....

好彩 delete 得慢, 都係無晒 26-6-2010打後的相.....

唔預會有其他人再睇, 但呢 d 係我一 家回憶, 惟有慢慢一個一個入返晒 d 相, 唔係我入排唔安樂呀