2017年8月27日

170827又八號風波帕卡

唉, 無眼睇, 朝早 5:10就掛起 8 號東南烈風信號, 黃雨仲一齊掛.
起初話帕卡唔係太勁, 最多只有三號風風力, 想唔到突然強勁起來, 朝早想玩個城河快閃都唔得.


2017年8月23日

170823狗生第二次十號風球-天鴿

今早安坐家中, 因為天鴿來了.

【05:21】天文台在5時20分改掛八號東北烈風或暴風信號。
【08:11】天文台於上午8時10分發出9號烈風或暴風風力增強信號。同時黃色暴雨警告及雷暴警告現正生效。
【09:00 更新】預料天鴿稍後會最接近本港,在香港以南約50公里處掠過,當風力再進一步加強,天文台考慮改發更高熱帶氣旋警告信號。
【09:10 更新】天文台在上午9時10分發出10號颶風信號,表示本港平均風速每小時118公里或以上。這是繼強颱風韋森特2012年襲港後,5年來第2個10號波。
【09:40 更新】預料10號颶風信號會維持數小時。

天文台於約4小時內接連發出八、九號波,最新於上午9時10分改發今年首個十號颶風信號,是繼2012年強颱風韋森特後,天文台再度發出十號颶風信號。

雖然在外,橫風橫雨, 但我有大細媽伴住, 無有怕.


2017年8月19日

170819藍天下晨步在大潭

有個低壓區會發展成熱帶氣旋, 預計在下週中期移入南海北部, 仲預測星期三有狂風驟雨同雷暴. 所以呢幾日會好酷熱.


2017年8月13日

170813洛在晨早

昨晚同今早清晨, 有英仙座流星雨, 我地都係 5 點左右起身, 都唔會見到.
但來到小瀝源, 就見有大半個月亮.


2017年8月12日

170812婆婆又腳腫

細媽昨日同媽咪講,婆婆話左腳痛, 細媽叫佢唔好走左去睇中醫, 怕同食緊的西藥相沖, 婆婆話小腿肌肉扯痛, 想睇跌打. 媽咪夜晚返學返來, 一望婆婆雙腳又腫左, 好嚴厲唔俾婆婆睇跌打.

都成 11 點, 嘗試打去預約星期六廣華門診, 預左無位爆滿, 點知可以轉試同區九龍中門診, 竟然10:15am仲有一個位, 當然照要啦.

其實媽咪知乜事, 知婆婆講極唔聽, 埋怨大細媽, 唔想婆婆唔識亂咁睇跌打, 由醫生睇左解釋, 婆婆先會相信.

第一次來九龍中門診, 又似劉姥姥, 乜都傻傻下, 量血壓同心跳係自助形式, 量好後, 交紀錄俾護士入資料.

血壓 : 118/70, 心跳: 85 , 好正常.


170812細媽與我在獅子會

婆婆昨日話腳痛, 媽咪夜晚返學返來, 見婆婆腳腫, 決定今日同佢睇醫生, 咁細媽唔想我無左一日假期, 決定一人帶我來獅子會玩. 因為呢度, 我可以周圍走, 佢一個人易睇住我.


2017年8月6日

170806立秋前的晨步

細媽早幾日講, 下星期一就立秋喇.
媽咪好開心話, 好嘢, 唔熱喇.
點知, 細媽叫佢唔好傻, 立秋, 無話即刻有秋風喎.


2017年8月5日

170805驟雨後的陽光

起身好好天, 上車後無耐, 見港島被雨雲罩住, 近住落起驟雨.
過隧道, 雨停左, 全地濕晒. 
到陽明山莊郊野公園閘口, 天氣唔錯, 係濕咋.