2008年4月28日

080427半走麥徑3段 Part 2

在岩頭山草原, 來個喪跑鬆筋骨先

080427半走麥徑3段 Part 1

又等左成星期, 天文台在星期六晚報今日間中有陽光, 傍晚時先有幾陣驟雨, 媽咪幾開心, 叫我好耐無行山, 今日揀個純行山程線

唔好以為我唔開心呀, 係準備起步時, 對面村屋有幾隻大狗對住我吠, 我驚到笑唔出咋




嘻嘻, 今日準備行麥理浩徑第3段, 係10段中最難行兩段的其中一段, 全長約10.2km, 需時約 4小時, 即係婆婆 6小時, 屬極需體力完成, 需要攀過四個約海拔400米的山峰,它們就是岩頭山、畫眉山、雷打石山和雞公山, 所以要早起程出發呀.

2008年4月26日

喜有此理


露筍, 學名: 石刁柏(Asparagus), 名字來自希臘語, 解作嫩芽, 百合科天門冬屬。因其嫩莖形似蘆葦的嫩莖和竹筍, 故又稱「蘆筍」, 華北地區還稱它為「龍鬚菜」。每年的四月至六月, 是蘆筍上市的季節。

中醫醫書記載, 性味甘寒無毒, 有清涼降火同利小便的功效。炎夏口乾、運動後口渴、發燒煩渴, 都可吃蘆筍清熱止渴。

蘆筍所含的β-胡蘿蔔素比菠菜多, 也含有豐富的鐵、維他命C、維他命E及葉酸,蘆筍是很好的抗氧化食物, 也是防癌聖品。另外,蘆筍的蛋白質含量很高,有九種必需胺基酸, 其中所含的天門冬醯胺酸, 在體內氮的代謝作用中, 居重要地位,所以,蘆筍有良好的消除疲勞功效。綠蘆筍的尖端,含豐富的維他命A, 清甜爽口。但因含葉酸及核酸, 而核酸會引致尿酸濃度增加, 所以有痛風症的人要少食為妙。

蘆筍本身不宜生吃, 因其表皮味苦, 而且難以消化, 生食後有可能引起腹脹、腹瀉等症狀, 最簡單的烹調方法便是把表皮削掉, 然後用滾水烚熟。通常蘆筍尖的部份叫頭,尾的部份叫腳。蘆筍買回來後先將蘆筍腳切掉(約二吋)再刨去在尖對下二吋開始, 把綠色的外皮刨去(因蘆筍腳及綠色皮較多根), 而且老掉的腳部更難下嚥。

入正題了

星期二, 無賴又出現了

我地去左旺角常悅素食, 食所謂新派素食。打開餐牌, 絕大部份都係炸物, 一點健康感覺都沒有了。我地點左鐵板串燒, 五柳素黃魚及白汁露筍。  

想知我今次點解會先介紹露筍嗎

餸菜全上來, 開始我地晚餐。無賴本身好咀勺, 以前更不愛食蔬菜, 就算肯食, 都要烚好先會食。我諗住食左露筍腳, 留返比較爽脆露筍頭俾佢, 但我一口咬下, 嘩, 老過老雞肉, 根本咬唔開, 無賴見我咁唔高興, 佢即刻話: 等我夾條好食又脆口俾你啦

有冇搞錯, 佢一夾又夾條露筍腳, 仲送我碗上, 跟住來句: 嗱, 呢條包你話好食, 其他果D由我食啦!

真係俾佢吹漲, 有冇搞錯, 我僅係即時發嗔: 原來你想呃我, 將唔好食果D俾晒我

無賴即場傻左, 佢話食芥蘭都係呢個部位最好食喎, 仲好疑惑食我碗上果條露筍腳, 即場反應係..............., 原來呢個傻佬真唔知邊樣至正

這刻鐘, 我地一齊狂笑, 但我心內又泛起絲絲甜





2008年4月21日

080420黑雨後的西貢

3跑風球加黑雨後的星期日, 天空竟透出陽光wor

早一日呆在家等, 終於今日可以去西貢逛下, 散下心

2008年4月19日

080419玩具回家了


 小寶貝, 由你星期三離家, 今日終於回歸我身邊, 你要生生性性, 唔好再有病la



昨午sigma打來, 我以為係要報價俾錢整, 原來係內裏有零件鬆脫左, 好快就整好. 今日一早出去, 接返佢返屋企, 雖然今日掛3號風球又黑雨, 但都趕到下星期日行山, 唔太失望lor.

但我都要睇定下次入屋鏡wor

080419黑雨打風日

唉, 等左成星期, 昨晚竟掛3號風球, 今日仲要掛埋黑雨, 天公玩我呀



2008年4月15日

080415海鮮站喪食會

好耐未無見美美同甘仔喇, 今日仲請埋芳姨一齊, 去尖東海鮮站大擦


美美大叫肚餓, 但得3個人, 芳姨又未到, 唔可能咁快落order, 最快先來加拿大翡翠螺, 有6隻, 3人分, 食左都唔知

2008年4月14日

要向我的玩具哀悼嗎 ? ? ?

昨日我地個會搞左個迎夏BBQ, 我安頓所有野後, 一心一意全力影相.

影左90多幅後, 想Zoom遠點, 一扭, 噢, My God, 一下咭一聲, 個Zoom轉扭竟然斷左, 我第一時間查有冇解鎖, 但肯定有解ar, 搖下好似個骰樽咁有聲, 有冇搞錯ar, 12月中買回, 影左唔夠6千張, 咁就打柴

雖然個個話還在保用期內, 但都唔知Sigma會唔會話我趺爛, 係人為,唔保ar

係咪要同個天涯鏡哀悼呢

沒有你的日子, 我無另一個可以代替你wor

要另結新歡嗎

我的行山日子點過ar, 唉.............................




080413皇瑟堡迎夏BBQ

今日係我地皇瑟堡搞ge迎夏BBQ, 成73人64狗, 媽咪忙都一頭煙, 都唔係影好多相ar

有興趣可以去我地網址瀏覽更多相 :  http://www.ryc.in/forum/viewthread.php?tid=3867&extra=page%3D1

呢張大頭相, 係Chapmond叔叔影, mami好鐘意ga.


呢張都係Chapmond叔叔影, 係咪唔同feel 呢

2008年4月12日

感謝各位哥哥姨姨給我的生日禮物

雖然我過左生日好耐, 但因為一班哥哥姨姨想搵份合心意禮物給我, 等左好耐都未有貨返, 終於Milly ee同Kat ee在上星期係 CWB某間petshop見到, 雖然貴左, 但佢地話唔想拖太長時間都未送到生日禮物俾我.

媽咪太懶, 一定無同我影相出來俾哥哥姨姨睇, 今日終於行動, 呢個出街袋好o岩我ar

多謝, Milly ee, QQ Ma ee, Kat ee, Suki ee, WHY pa/ma , May ee, Ellen ee & Jenny ee.


080412變左無聊的一天

今日係細媽每月唯一的短週, 原本剛好碰上媽咪值班, 但又情商到同事調假, 幾好安排呀. 可惜.....................

首先係媽咪同事突發在星期三上午決定, 即時要下午出差, 原本想今日一早行山, 變左要改為接媽咪收工, 行半日短程山.

但呢幾日天氣不穩定, 媽咪怕地滑, 要取消行山呀, 唯有諗下佢收工, 我地去行下街算囉, 無法喇.

跟住我昨晚又突然過敏症翻發, 仲要漏夜趕去睇Vet, 最後媽咪都要取消今日所有活動.

我今日一早嘔左兩三次黃膽水, 我好驚呀, 跑到木櫈底躲避, 我怕細媽以為我專登整污漕地下lor. 細媽好擔心, 打左好多次電話俾媽咪. 媽咪收工回家後, 我個心鬆晒

細媽見我太悶, 就提議行去九龍城逛個圈. 你地睇我有得出去幾開心



又要擔心一場

昨晚9時多, 我飽飯安頓下來, 都慣性坐梳化同洛洛玩拋波遊戲及摸佢肚仔同全身, 突然發覺佢背上有大肉粒突出來, 但又無痕無痛無脫毛por, 因為Milly 叫我多留意洛洛, 怕佢受感染, 我都好擔心洛洛會唔會又中金錢癬招.

到左 11:10pm, 我準備臨睡前同洛洛清潔及梳毛, 竟然發現佢全身出晒風癩, 好多地方似俾蚊咬突起晒, 我心知不妙, 因為06年11月9日, 洛洛都試過同樣敏感症. 嘩, 我當時好驚, 因為唔知敏感源頭, 真係可大可小ga, 即刻打去 Vet 度, 問下洛洛症狀嚴重性情度, 本想book 今早10:00am, 但竟然Full booking, 最快都要 4:30pm, 點等成日長wor, 診所姐姐話, 一係我地半夜12點前趕來, 就唔駛俾通宵症診費 $800. 咁僅係即時走人 la, 我同細媽即換衫, 頭都唔梳, 成個傻婆咁一齊抱洛洛飛 Taxi 去 vet. 出門係 11:21pm, 到 vet 度 11:31pm   

去到見 Ceci 仲係度未收得工ar, 登記上磅量重, 洛洛新紀錄係 : 5.6 kg (12 lb 5 oz), 同上年12月28日複診時的 5.1 kg , 多左 0.5 kg, 怪不得細媽近來叫救命, 但傻仔又唔覺多肥膏 por. Ceci 仲幫Vet手, 一齊同洛洛診症, Vet 話洛洛係過敏症, 無法查到源頭, 可能敏感源係浮於空氣, 或存在我家某種物件, 現只有先由食物入手, 縮窄源頭範圍, 即食物要簡單化. 皮膚就無大問題, 而早排大量脫毛, 主因係牛b熱的藥物, 藥力勁重, 病後脫毛係正常, 只要重新出新毛是沒有大礙 .

今次夜診加抗敏針加藥共友情價 $450, 加埋來回 taxi fee $80, 唔見 $530. 但一次睇埋脫毛問題, 個心都安樂 D   

寶貝豬, 快d 好返, 快d 生返d 毛毛, 唔駛變馬騮仔ar

This pic photed at 28-2-2008


2008年4月11日

10 10來由

早排, 一班朋友突然即日抽起根想去 10 10, 興起來, 當然立刻行動喇.

何解叫 10 10呢

話說一大班吹水王在討論區喪吹, 吹吹下, 友情就建立, 假日一齊放狗, 都唔可以搵到好地方食野. 於是就約平日只有人出來, 柴娃娃又食得開心ge , 打邊爐係不錯選擇  

烚食物時, 將食物上上落落湯底, 即係烚下烚下. 起初, 大家都叫 十下十下, 後來索性簡化叫: 10 10, 又方便, 又易打

10 10, 一定要對咀型一班, 喪食野, 亂吹水, 無機心, 先唔會有乏味ga

快D又下次 10 10 la, 兄弟姐妹