200830星期天

又係星期天, 老地方.

200829周六晨步

周六早上例行.

200824覆診日

今日覆診, 以為好似上次咁因疫情關係而少左人, 但又唔係呀, 診症紙時間係 14:15pm, 今日都要等到將近 3點先入去見醫生.

醫生問有無準時食藥, 咁當然有啦, 否則唔食又會返來覆診拎藥咩. 而驗血報告, 谷丙轉氨酶(ALT/SGPT)回復正常, 只有28, 我話上兩次抽血前, 都有唔舒服同食藥, 佢話咁上兩次高左少少都正常. 甲種胎兒蛋白係低, 唔錯.

因我情況穩定, 所以會有所改動, 以後會半年見護士, 半年見醫生.

原來早上已印定左張覆診預約便條, 醫生話護士會幫我照超聲波同檢查. 咦, 又話乙肝症病人太多, 唔可以幫我年年照 ? 新症第一次到綜合模式護士診所係 2020年 11月27日 04:00pm, 到徐展堂門診大樓地下登記俾$80, 跟住上三樓22號房門外等.

藥就開左 32 周到下次覆診. 2021年 3 月 29 日下午 14:30覆診, 呢次會驗 HBV DNA提早四星期驗血, 時間 : 26-02-2021 11:30am.

200823洛樂活的周日

終於等到星期日, 可以出來放鬆下.

200822覆診日及午餐

又到覆診日, 上磅 5.7 kgs, 食左早餐, 未消化囉. 先見醫生, 再抽血驗.

醫生問我最近漏尿情況, 媽咪有留意到, 我在熟睡先會有尿滲. 醫生話情況持續係咁, 都多數係年紀大, 膀胱括約肌鬆弛居多. 下次覆診先再驗尿.

200816周日行

又到周日, 又例行.

200815婆婆八十一預壽生日會

新年團拜, 因為疫情下, 無安排.

但過左咁耐都係咁, 一年中. 齊人時間都比較難, 快到婆婆 81 壽辰, 全家人到大姨媽慶祝.

200815新曆中秋

咦, 今日係8 月15, 媽咪, 今日中秋呀.

200809Happy Sunday

嘩, 吸啖早上新鮮空氣來提神先.

200808解悶日

疫情下, 我由12/7 行完城河畔, 一直困在家快成個月, 開始有點抑鬱症不安情緒, 我呢個老人家都要有點舒緩呀。

媽咪見我日日愁, 怕影響情緒有負面, 體質會轉差. 今日, 一於唔帶婆婆出來, 我地三母子出來走走, 身心康泰.

出門去坐車方向, 唔係去診所方向, 我已經開心. 來到更加啦.

無污染藍天, 抬頭見月亮.

未滿, 但好大.

係歡顏樣.

仲可以磨腳趾畔.

過河時, 白雲幫我擋陽光.

都好耐無曬下.

但都唔好在陽光位下.

打咭位有位叔叔擋住入, 轉呢度影.

廁所時間.

吹下風, 醒神.

今日, 無婆婆, 細媽話行多陣.

但沙燕橋底好清涼呀, 坐多陣啦.

媽咪話叫細媽抱我行多步先回程.

回瀝源橋, 好想快快去食早餐. 大細媽話去新屋企飯堂, 乾淨同舒服.

差不多了, 馬上行去搵車返去食早餐, 仲要安排外賣即送呀.

200807老年失禁了?

由年初開始, 好多時早上瞓醒, 我大脾都有濕, 細媽有半夜見我用脷舔腳, 一直以來, 因以往腳仔有肉粒, 我都係咁行為. 但好似越來越過份, 最近都濕得好過份. 細媽話點解我半夜唔瞓咁無聊. 但又真係有狗狗會咁囉.

最近, 媽咪在家辦公成個月, 星期二早上, 佢發現我明明熟睡, 無舔腳同肚仔, 但竟然濕左. 又見地上有一滴一滴水滇, 覺得好怪, 同細媽講, 懷疑我有失禁現象.

到星期三早上, 媽咪開工時, 一路留意我瞓覺, 見住我大脾位同肚毛都濕左, 抱起我時, 我睡眼惺忪. 馬上幫我清潔. 但我清醒時, 我係識得去廁所同無尿滴. 要觀察下.

星期四早, 又係咁呀. 媽咪醒起我有條紳士腰封, 馬上加條 M 巾幫我防漏. 仲打電話去診所問可以點做, 現在轉左陳醫生, 佢剛好放假, 姐姐問左情況, 話幫我記得資料, 星期五問醫生.

200802限聚令的午餐

疫情一直無消退, 由 12/7 行完城門河, 我除左去覆診, 都無去過去玩. 

限聚令由 15/7 起唔, 收緊可以多於四人, 到 29/7 唔可以多於二人. 

由 19/7 起, 周六同日, 我地無出街, 但有去屋企附近新飯堂, 再外賣俾婆婆.

媽咪由 14/7 已經在家工作, 唔知仲要咁樣都幾時呢 ?😶

 

200801覆診日

昨晚 20:14 , 熱帶氣旋森克拉一跳就掛三號風信號, 都驚今早覆診橫風橫雨, 好彩, 我地出門時, 都停左雨, 未到開門時間, 我地在診所外等都唔驚.