2013年3月31日

130331復活節第三日

復活節第三日, 仍然天氣不穩, 大姨媽同大姨丈去左台灣拍拖行山, 兩個表姊準備做野外定向工作人員後來我家食晚飯, 所以細媽朝早準備好早餐同落街買餸菜, 先叫我同媽咪起身

見天氣仲好過昨日, 於是四口組落街行下, 細媽同婆婆講, 唔願郁就會好易唔郁得




周日早餐 - 粟米吞拿魚包

有細媽, 媽咪同婆婆唔會餓死
今日假期第三日, 又話行雷閃電, 細媽早一晚整定包包, 朝早起身入爐焗, 朝早又有香噴噴早餐



2013年3月30日

哀悼舊腦


細媽幾日提過, 呢幾年復活節都有不順暢事發生, 好似上年咁, 我咪要洗牙仔o羅.......

昨日行完山返入屋企, 媽咪慣性先開電腦, 點知點整都開唔到機, 竟然發現檯面有水, 再望望機底, 屎火, 濕左

佢估到係乜事, 但都成定局, 仲可以點知呢
無得上網寫BLOG, 無晒D相, 媽咪好煩, 好唔開心...

惟有快快搵部新機, 再等肥舅父來幫手拆返舊硬碟出來, 內裡有我地成兩年的行山相, 呢D係最珍貴的...

今日立刻行動, 新機行WIN 8, 鍵盤又唔同以前的, 好多軟件又唔支援 WIN 8 , 媽咪好唔習慣, 但舊的終有告別一日...

點都好, 謝謝舊腦, 感謝你呢 7 年來對我地的貢獻, 別了....



130330雨中漫遊樂

今日係復活節假第二日, 天文台又報下午會有雨, 細媽見早上天氣唔錯, 朝早整好早餐包, 食完就簡單去城門河畔行下單車路

點知行左個多鐘, 又來雨了, 無符呀, 好彩帶了雨衣, 又唔算大雨, 落下停下, 斷斷續續都可以行左三個多鐘....

買埋新電腦, 食埋午飯, 兩點多就返家了

雖然唔係行山, 行下運動下都滿足



周六早餐 - 腸仔包


YUMMY YUMMY





2013年3月29日

130329五時花~六時變

今日係假期第一日, 預告話下午會落大雨, 細媽見起身仲算好, 諗住去城門河畔行下單車路, 於是簡單拎點水就行, 當我地坐車無耐, 媽咪見天上雲層高, 又想變卦, 於是嗱嗱臨全家落車, 又轉車入深井



2013年3月27日

藥療兩個半月後

食左藥兩個半月, 今日又係覆診日, 當然睇埋 18/3 的驗血報喇

其實上星期護士打電話俾我, 話報告出左, 醫生講可以約一至兩星期後見佢, 都估報告靚仔

但我心急, 想知結果




2013年3月24日

130324同天公賭一賭

又預告今日會有驟雨同狂風雷暴, 本來細媽話行下單車路當運動左就算, 但復活節都係唔會好天, 媽咪話按雲圖同氣象圖, 應該要中午打後先來雨, 雨亦會由西向東移, 一於同天公賭一下, 搏搏可否偷到兩、三個小時行下
西貢主要行山路, 去深井行石屎車路係最安全, 細媽話如果落大雨, 抱我行都OK, 一於揀深井

當我地準備出發時, 有位老婆婆行來讚我, 又話婆婆好幸福, 有兩個女陪行山, 佢有個仔, 好少陪佢地兩老, 好彩都算錫佢地, 每月都俾幾千蚊佢地用, 又搬來深井住近佢地方便照顧, 老婆婆話仔就係咁, 唔會成日在父母身邊, 佢唔係羨慕婆婆, 係叫婆婆行多些山, 行山身體好, 佢自己已經84歲, 比婆婆大10 歲, 行山好多年, 身體仲好健壯, 唔駛用拐杖, 自己仲可以輕鬆出來買菜煮飯

我地見到老婆婆仲咁精靈, 我地都相信婆婆十年後一樣



2013年3月23日

130323婆婆重出江湖之東澳古道逆行

婆婆短休兩星期, 今日重出江湖, 為免佢停了一段時間無練腳力, 我地揀條簡單而又有點點長的東澳古道來作婆婆出山之行



重出江湖

當知道婆婆有白內障, 大細媽都好緊張, 準備安排婆婆退出行山樂一個月, 等婆婆雙眼完全康復先出山

可能婆婆聽教聽話, 乖乖地在家閉關休息, 一個星期就可以出動 

但佢雙腳唔生性, 竟然回春先來爆拆

仲有, 可能佢太耐無睇清呢個世界, 當佢習慣了新晶體, 清晰景象重現在佢眼睛世界, 大細媽就開始覺好煩

因為佢話原來自己塊面咁多班, 點解屋企原來咁污糟, 好睇唔順眼喎 

今日重出江湖, 佢好似從未去過東澳古道咁, 處處新鮮景象, 直情企定定望, 唔願行, 猛咁呱呱叫話好靚

但就激屎媽咪呀

2013年3月17日

130317偏向東邊行

婆婆腳跟爆拆唔想出動住, 今日都係得我地三母子, 原來媽咪想行大浪西遠足徑, 但佢同細媽都攰, 就考慮行半日
其實今日起, 有股海洋潮濕氣流影響, 去東邊或上高處都可能遇到勁濕或有雨, 但媽咪真係好想去西貢行, 所以我地一於由西灣亭出發, 逆行麥徑二段



2013年3月16日

覆診日=血拼日

又一個星期, 今日我又乖乖獨自在家休息, 媽咪返工, 由細媽負責陪婆婆去覆診

醫生話好少見到來幫襯佢睇眼睛的公公婆婆會笑容掛在面上, 佢好鍾意見開心婆婆, 佢自己都好開心, 話婆婆一定係生活愉快喎

醫生話婆婆康復進度好理想, 除左暫時唔可以游水外, 其他野乜都可以做, 一個月後可以早畢業

細媽問婆婆幾時可以行返山, 醫生答佢今晚都可以即刻行山

Good 呀

為左迎接婆婆可以咁快重出江湖, 三位女子又去血拼, 各自買了一對行山鞋同一對行山涼鞋, 做好裝備來慶祝

本來聽日都可以出動o架, 但婆婆話佢對腳乾燥爆拆, 腳痛行唔到山住, 要等下星期六, 激屎


2013年3月10日

130310大潭水塘探新路

細媽話昨日行左咁多路, 今日批准媽咪 8 點起身, 再行下東區自然步道, 然後返家做家務同煮飯



2013年3月9日

130309梧桐寨村上四方山, 下鉛礦坳碗窰

今星期, 婆婆休戰的日子, 媽咪想試下挑戰另一條新線
本來想坐車直上到大帽山600多米高的停車場起步行去鉛礦坳, 但似乎無乜意思, 一於由海拔100米多的梧桐寨村, 直上700多米的四方山, 再落鉛礦坳同碗窰




2013年3月8日

香港超人

婆婆今日覆診, 媽咪僅係陪佢啦

因為第一次見醫生時, 係大姨媽帶婆婆去, 今日僅要找機會問清楚醫生啦

醫生話好手術好理想, 驗眼視力比佢仲好, 因為醫生要戴眼鏡o架

至於散光方面, 一個月後, 應該改善減至100度左右, 不用配眼鏡呀

媽咪問清楚醫生, 原來婆婆以前視力只餘 3%, 唔做手術, 單配眼鏡, 都係改善到一至兩成視力..
暫時為止, 婆婆無青光眼, 無黃斑點病變, 只係得白內障咋

呢位香港超人, 真難以想像, 之前行咁多高山, 真係好險.

醫生話好返後, 行山絕對無問題

下星期六再覆診, 婆婆要乖乖, 繼續定時滴眼藥水, 好好休息, 我地等你出山

DSC_4194

2013年3月7日

咸蛋超人

呢幾年, 婆婆陪我地走過一個高峰又一個高峰, 以佢芳齡快到74, 都應該係長者超人

大細媽好早已經察覺, 婆婆睇野有點問題, 問佢又話睇得好清楚, 呢位老頑固, 想帶佢去睇醫生, 一定難過登鳳凰山

所以我地行山, 都唔會急, 等佢一步一步慢慢行, 以免佢跌倒就弊傢伙
但好多野, 不認不認還須應認

前一個星期六行大刀刃, 大細媽邊行邊講紫外線指數, 又講下全視線, 婆婆搭口話佢近排睇雜誌, 細字睇唔清, 當日即帶佢去眼鏡舖電腦驗眼, 視光師即時話婆婆應該有白內障同散光, 要快點去找眼科醫生驗清楚..

剛好大姨媽星期一(25/2)休息, 預約了下午睇症

一驗下, 一隻得兩成視力, 另一隻餘一成視力, 仲各有三百多度散光, 醫生都讚話婆婆, 呢位香港人好勁呀

IMG_8281

2013年3月3日

130303突改半走元荃古道

雖然昨日腰斬行程, 但為保婆婆休戰一個月前, 免生枝節, 今日都係預左行半日簡單行程 
細媽話近排都係由深井公立學校果邊上, 今次就由清快塘新村果度上, 有返D新鮮感喎


頭段入村, 細媽一定抱我過, 一到石屎小徑, 就係我自由時刻, 今日都幾凍, 我凍到唔太識笑...