190331星期天開心天

今早, 係咪會有雨呀, 來到小瀝源, 又唔似, 仲有太陽伯伯出來開工.

190330彭福遊

昨日黃昏雷雨, 雖然今早六點, 媽咪爬起身食藥, 見外邊係無雨, 怕天氣不穩, 又倒頭睡.

細媽起身清潔後, 叫我地起身, 媽咪話六點無雨, 細媽話點解唔叫醒大家.

無所謂啦, 外邊都係厚雲低, 如果真驟雨在頭都煩.

緇媽話唔好兩日同一條路, 今日無馬跑, 不如去彭福啦.

190329小雀回歸大自然

今早細媽起床, 如常幫蠑螈/盛盛/龜龜同小麻雀清潔後先返工.

當細媽幫雀雀抹缸時, 雀雀撲出來, 霎時間, 在屋內消失, 細媽全屋搵都唔見.

婆婆剛買報紙回來, 佢係樓下見到隻雀, 在地下行, 唔飛, 佢仲諗又多隻, 於是捉左佢放花槽。

細媽叫婆婆再去睇下, 如果隻雀唔係到就安心D啦。 

婆婆落到去, 仲見隻雀係處, 伸手想捉時, 就飛左去喇。

好可能係雀雀撲出跳出缸, 振翅高飛, 由廿多樓空降回地, 始終成十多日無飛, 突然咁高飛下, 都要定下神.

其實媽咪在周三晚，睇緊報紙時，突然聽到飛撲聲，一望廳，原來雀雀跳出落左地，但又飛唔起，在地撲高跳高。媽咪馬上拎張薄被，由廳追到廚房先捉返佢咋。

睇來, 好大機會係雀雀.

就當佢真係無事, 其實都想今星期在家試飛, 無問題就帶佢回樓下舊地. 

雖然唔肯定係咪佢, 但時間上似囉。

雀雀, 終於回復體力同狀態, 可以回歸大自然, 自由自在了. 

有緣相遇, 如果在樓下見到我地, 記得來打個招呼呀.

190328捉緊最後半天假, 快閃

細媽要在三月尾放晒所有大假, 原本星期三放假, 剩返半日就打算放棄, 但因為改左星期二放, 佢見早上晨運, 都可以下午兩點趕到返公司, 一於今日好好利用, 放埋半日大假,唔駛蝕.

但星期二先行完, 我無誋過咁快又有得玩, 落車後, 我都無意識出袋.

190326周二樂

本來細媽今星期係安排星期三放假, 但佢同事剛好有事, 所以改提早今日放.

眼粒又消失了

以前, 我左眼角有一粒長肉粒, 生到成粒米咁, 我唔知幾時, 磨磨下, 就磨走左, 接住埋口好返.

後來, 慢慢又生返出木成粒米肉粒, 媽咪見無乜野, 由得佢, 始終近眼.

今早梳毛出門仲有係\度, 當我落車出袋時, 媽咪發現我眼角有血跡, 望清楚, 米肉粒又唔見左, 可能我在袋轉身時, 自己磨走左肉粒卦.

會唔會, 遲些又生返呢 ?

190324萬紫在城河畔

今早仍舊係行城門河.

190323暖的東北季候風

又預報有冷鋒, 因東北季候風來, 昨晚會開始溫度下降到 10 度, 仲會又風又雷雨, 真係好擔心.

好彩唔係預期, 今早起來, 天色唔差, 可以出去城河行.

190323雀是時候

由星期五起, 小麻雀精神同體力都似恢復, 開始知同我地係唔同, 有點驚.

今日玩完回家, 我地在廳經過都撲. 翼似無大礙.

190318小雀定神

定左一晚, 媽咪早收工回家, 隔左個缸望下小雀, 佢眼定定望住媽咪, 又唔驚, 好 cute 呀.

190317傷了的小麻雀

我地食完午飯就坐車返屋企, 細媽自己去買餸先返.

當媽咪同我開始梳洗無耐, 細媽就按門鐘, 咁快嘅 ?

原來細媽去商場途中, 見到隻小麻雀行得好怪, 佢跟住雀仔行左幾圈, 小麻雀唔識飛起, 似其中一翼受傷左, 細媽考慮左好耐,決定用膠袋捉佢返屋企.

190317周日例行

瞓到足起來, 又新一日開始, 天氣好好, 又來城門河晨步.

190316大潭樂

細媽曾經話好似周六天氣好, 提議去東龍島, 但媽咪見又話有間中驟雨, 加上我糧倉缺糧, 要今日早D返去整雞乾同雞條, 都係來返大潭啦.

190313美好的周三

又到周三喇.

190310在細雨中

起身見天色光亮, 有點凍, 預埋褸同雨褸, 點知準備好晒, 來到沙田就有雨.

預左有長跑, 打算由石船起步, 全家要開始打傘.

190309微雨中

期待今早無雷雨同大雨, 天公又眷顧我地.

190306是日驚蟄

今日驚蟄, 細媽放假陪我, 要唔要打小人呢 ?

190303雷雨後的晨步

一早 7:10 , 雷暴警告出現, 細媽 7:30 叫我同媽咪起身, 媽咪洗完面, 天黑左, 跟住仲開始落雨, 我同媽咪又返房瞓過.

8 點半, 細媽又叫, 停雨喇, 見陽光喇, 又急急起來, 整妝出發.

190302初春霧裡在大潭

本來今日安排去另一處, 但天氣唔好, 會有雨同濃霧, 唔想又行城門河, 所以都試下來大潭.