2008年6月30日

080629閒逛龍旺

連連行雷又大雨, 我就悶屎喇

星期日本應係我 Happy Day, 但一早又來個雷暴警告, 出街夢想又泡湯

好彩到12點左右, 個天d 雲簿左, 仲有陽光滲出來, 細媽話不如照出去食午餐, 如果仲係無雨, 就行去九龍塘同旺角當行山啦 

Yeah Yeah

我身後就係裝修後ge 冬菇亭, 比以後乾淨好多, 而且仲有室內空調, 雖然距離屋企唔算好近, 但起碼媽咪有個地方, 可以同我一齊在室外食野ar 

我的新續牌仔

政府規定, 狗仔每3年要續領牌仔ga

我今年係狗生第一個第3年, 僅係快快去辦領, 唔做非法狗民喇

星期六晚, 媽咪同細媽見返我太興奮, 唔記得拎條膠帶, o尋日順道去診所拎返咋

原來今年代表色係: 橙色, 好 sharp wor, 但媽咪話只會儲起佢, 唔會扣在狗帶ga

唔知第二個三年係嘜野色呢



2008年6月28日

媽咪不要我 ??

今日一早, 雖然天氣唔好, 但媽咪都同我去街食早餐, 真係好開心

但點解佢一個人同我坐的士ge

o下, 點解會去診所o架, 仲將我留低就走左

媽咪又唔要我喇

點解咁多哥哥/姐姐及個叔叔捉我, 左搞右摸o架, 我又要被遺棄在呢個充滿怪味ge鬼地方

時間一分一秒過去, 我好驚呀, 痾左尿尿又無人幫我抹乾, 最慘唔小心, 痾左舊屎屎又痴在尾仔毛唔甩


080628洛洛年年例行針

自上年尾洛洛染上牛脾熱病癒後, 我地都好擔心佢, 還有冇任何內臟器官受影響, 加上Grace同洛洛做過傳心術溝通過, 洛洛表示左小腹下有點隱隱作痛, 或者其他人會覺得好無稽, 但我會選擇相信囉

今年洛洛夠 3歲, 要續狗牌、打狂犬疫苗和年例混合疫苗, 今日剛好短週, 帶洛洛一併做晒所有野兼做全身檢查, 以求安心

Boby check包:


心傷的一幕

今早同洛洛在診所等醫生時, 突然一個女仔手抱一隻淌血的迷你小牧羊犬衝入來, 尾隨一個男路人代拖另一隻雪橇而至。

放下傷重小狗, 個女仔狂哭得好利害, 全身發抖好激動, 細問下, 原來佢帶著兩隻狗狗在家附近散步, 距離診所不遠的交通燈路口, 隔一街口就是佢家, 佢手拖雪橇犬, 而小牧沒繫狗帶站前數步, 正當亮起行人綠燈時, 佢地正想橫過斑馬線之際, 有部紅Van 衝燈過, 仲輾過隻小牧, 紅Van 即時停下數秒, 當時街上有好多人指著紅Van, 司機頭也不回即踩油離開。 剛好一男路人好心, 帶個女仔並代拖其雪橇來一街之隔o既診所, 我地著個女仔報警之際, 碰巧有兩個警察經過, 我地代幫佢叫這兩位警察入來。

此其時, 男護士開門, 好抱歉咁話 : 隻狗唔得喇, 入門前後不到10分鐘咋, 隻小牧下月先到一歲咋

此刻, 個女仔情緒失控狂哭, 警員根本不能落口供, 加上個女仔無帶身分證在身, 警員惟有抄下其剛留在診所的電話及身分證號碼, 待稍後再聯絡佢。

據了解後, 因條例所限, 車輛除非車死的是受保動物, 即牛、羊、野豬等等, 但不包括狗在內, 警方先可以有權控告個司機, 現在警方只可將案件交由交通部跟進, 控告個司機衝紅燈。 如果狗主想追究, 只可循民事訴訟, 向司機追討賠償, 但狗主本身又無做好本份, 用狗帶拖緊狗狗, 自身都有責任o架。

果刻鐘, 我抱緊洛洛, 眼淚微淌, 好心痛呀

忠告大家, 出外在馬路上, 為保狗狗安全, 請緊記 : 為你寶寶繫上狗帶, 並將狗狗跟貼身旁呀!




2008年6月26日

境由心生

一個人的處境是苦是樂常是主觀的感覺。有人安於某種生活,有人不能。因此能安於自己目前處境的,不妨就如此生活下去,不能的只好努力另找出路。

你無法斷言那裡才是成功的,也無法肯定當自己到達了某一點之後,會不會快樂。有些人永遠不會感到滿足,他的快樂只建立在不斷地追求與爭取的過程之中,因此他的目標不斷地向遠處推移。這種人的快樂可能少,但成就可能大。
苦樂全憑自已判斷,這和客觀環境並不一定有直接的關係,正如一個不愛珠寶的女人,即使置身在極其重視虛榮的環境,也無傷她的自尊。擁有萬卷書的窮書生,並不想去和百萬富翁交換鑽石或股票。滿足於田園生活的人,也並不豔羨任何學者的榮譽頭銜,或高官厚祿。
你的愛好就是你的方向,你的興趣就是你的資本,你的性情就是你的命運。各人有各人理想的樂園,有自己所樂於安享的花花世界。



小鶵兒

上星期六 (21/6), 我同細媽去Shopping 後回家途中, 經過在家樓下位置, 細媽突然話: 喂, o個邊有隻鵪鶉wor 。咦, 又真係有隻好大鵪鶉在地上行來行去por, 我就八卦行近一睇, Oh, My God , 原來係一隻羽翼未豐的一隻小鶵鳥, 有我成隻拳頭咁大ga. 我抬頭望又四處望, 周邊都係高樹, 根本唔知佢在那棵樹掉在地上呀

隻小鶵又未識飛, 如果唔埋佢, 佢唔識搵返媽咪, 又可能俾其他小朋友或大人當玩具玩死或被踢死, 最終, 我地帶佢回家了

希望唔會決定錯誤啦, 但唔帶佢回家, 由得佢在地上行走, 加上呢幾日惡劣天氣, 可能佢會橫屍街頭呀。

佢應該係一隻小斑鳩, 佢無左媽咪照顧, 唔知識唔識學飛, 好彩佢肯食米, 有大小兩便, 我都好放心呀

小鳥, 小鳥, 快快成長, 待你羽翼已豐, 就可以回歸大自然, 搵返你媽咪喇




2008年6月24日

情感銀行

◎如何在妻子的情感銀行存款:

1.早上給她一個熱情的擁抱

2.替她煮杯茶、咖啡

3.主動理床

4.晚上清倒垃圾

5.送小孩上學

6.善待她的父母

7.折疊家人的衣服

8.贈送生日禮物

9.供應家庭需要

10.說關愛和欣賞的話



◎如何在丈夫的情感銀行存款

1.歡迎他下班回家

2.關心他的工作事業

3.精心準備晚餐

4.滿足他的生理需要

5.給他一份結婚紀念日的驚喜

6.欣賞他的才華、個性

7.在氣氛好時才討論問題

8.讓他看他心愛的球賽

9.把自己打扮得整潔漂亮

10.照顧他的父母



◎如何在情侶的情感銀行存款

1.信任他所說的所做的

2.關心他的一切

3.包容體諒他

4.參與他喜歡的人事物

5.傾聽他想要說的話

6.每天都過得像情人節一樣甜蜜

7.不必把"我愛你"掛在嘴邊,但一定要放在心裡

8.偶而送送貼心小禮物

9.說不如作,但為他做事之前,還是要先說些貼心的話

10.多看他的優點,少計較他的缺點



◎如何在朋友的情感銀行存款

1.傾聽他想要說的話

2.支持他想要做的事

3.當他有難的時候,幫助他

4.當他犯錯的時候,引導他

5.當他難過的時候,陪伴他

6.思念他的時候,就打個電話告訴他

7.三不五時,關心一下他的近況

8.彼此心靈交流

9.當有快樂好康的事,一定有他的份

10.把自己的喜怒哀樂,與他分享



人生錯綜複雜,我們都有可能會偶爾失控,傷害了情人、配偶或朋友。避免情感銀行戶口透支的最有效辦法是:平常多些存款,多說感激欣賞的話,多作體貼關懷的行動。希望你的每個銀行都是滿滿的。






2008年6月23日

080622炎炎夏日下水禮@西貢西灣 (PART 2)

話明下水禮, 點都要落水暢游一番, 上星期日在後海灣唔係正式ge, 今日正式ga.


起初我都好猶豫不決, 但因為無浪, 無大水聲, 我終於豁出去了.

080622炎炎夏日下水禮@西貢西灣 (PART 1)

正式炎夏終於在21/6(夏至當)來臨喇, 因為細媽要返工, 唔可以同其他小朋友一齊去游水, 但就算細媽得閒, 我都未必敢膽出海, 始終我對茫茫大海 / 浪花及浪聲都好懼怕ga

唔落沙灘游, 咁點消暑呢 

咦, 西貢西灣四疊潭(即麥徑第2 段M032)咪可以囉 , 又係咸淡水交界, 唔怕會有大浪, 水色清澈見底, 附近又有士多, 又有公廁, 又唔會太多人一齊迫, 係一流游水好勝地

仲有就係可以兼埋有得遠足, 又唔太長, 只要有齊裝備, 真係Good ar

首先由西灣亭, 經吹筒坳行去西灣.


今日最高溫度會有33度, 紫外線指數可能達14 ga, 要好好保護眼睛

2008年6月20日

「缺 點 人 人 有 」之 延 步 曲

「缺 點 人 人 有 ,我 就 有 好 多。」

今日好開心又同Mimi 傾長氣電話, 不明解每次都好暢快又長氣呀, 次次講不完

好巧合, 今日佢有時間可以抽空來睇我的日誌, 講開「缺 點 人 人 有 」, 佢也認同我所想, 或者識於微時, 又曾共同擁有相同朋友喇

傾傾下, 使我想起從前的我, 唔識下決定, 又唔肯直接表達意見, 轉彎沫角, 常要Mimi引導先可以令佢明我所想。但這些缺點, 可能現在仍存在呀

又提返我地兩個共同大缺點先 

話說當年, 我倆是朋友中最小的兩個, 我倆同樣為左給所有朋友, 帶來歡樂及不沈悶的空氣, 時刻開心跳紮紮, 吱吱喳喳說不停, 成日俾班朋友笑我似十三點,  Mimi更聽到曾有人話佢似小丑添呀, 別人或者都覺係我地大缺點呀。內向寡言的我, 亦令人誤解是性格外向又健談添, 但事實上剛好相反

倘若我不改變, 仍保持寡言不開放自己, 必定沒有了曾活力滿瀉的年青時代