2007年12月30日

071230赤徑尋紅

赤徑呢個地方, 媽咪想同我來好耐, 因為唔難行, 又短程, 好適合剛康復的我. 今早瞓醒覺, 媽咪即拍板成行

我地在北潭凹出發麥徑2段尾反方向入, 沿途石屎路上上落落, 又可以欣賞幽美而山明水秀的赤徑口海景.                                                       

071229河背漫遊定喪跑

為左慶祝抗戰後勝利, 我約埋毛毛及 WHY一齊去河背水塘漫步游玩


都未入水塘, WHY已經在燒烤場喪跑lor

2007年12月28日

最後一日的抗戰

好奇怪, 媽咪今日一收工回來, 即俾零食我, 重要用手餵我食最後一次藥, 之後又梳頭扎辮

嘩, 拎袋出來, 咁夜仲有街街去, 發達囉

但一落的士, 點解又去左上次好恐怖嘅地方ge

我驚到成個貓王再世, 貓王震, 貓王震, 嚇到我dee dee震


2007年12月26日

071226笑顏重現於獅會

26/12 Boxing Day - 抗戰第8日, 昨日雖然只係去鶴藪水塘, 行程簡單, 但對我來講, 媽咪同細媽都怕我太攰, 體力唔可以支持到. 所以今日去我最愛o既西貢獅子會, 輕輕鬆鬆, 優遊自在行.                                          

2007年12月25日

071225聖誕鶴藪遊

今日係抗戰第7日, 又係聖誕節, 媽咪唔想婆婆整個假期悶在家, 就去行條簡單路線, 細媽就照顧同負責抱我行, 12月2日漏左鶴藪水塘, 今日就專誠玩一趟.

只係行水塘家樂徑, 未免小兒科左, 我地就早點在鶴藪水塘管理處/燒烤區落車, 加行埋郊遊徑. 行程一小時, 約2.5公里, 由入口緩登上山至觀景台,盡覽鶴藪一帶村屋及鄉郊景色,可回望鶴藪圍,古屋碉 樓聳立一角;遙望復耕綠田園。鶴藪路兩旁翠綠林蔭,景緻怡人。                                                    

2007年12月24日

抗戰第6日

今日平安夜, 媽咪約左美美姨同佢先生難得 3 人行, 細媽返工, 我就和婆婆兩個留家, 希望養足精神, 明天可以出外吸下新鮮空氣.

食左幾日藥, 我終於知道媽咪成日將濕糧乾糧同藥混合, 混淆我, 但我好聰明, 識得分開ga, 佢地咪又加返少少濕糧, 嘻嘻, 我又可以食多少少

我今晚又好開胃, 食左1/6罐濕糧, 一條蒸雞柳, 4大匙乾糧, 剛才又食左d 新鮮小蕃茄仔, 夜d又會有餅仔食

我d 尿尿已經正常反, 係淡黃色, 仲痾左好多條大靚便便, 成績唔錯

要繼續加油

IMG_0024

071224平安夜友行

自從洛洛來我家, 我都盡量在假日陪佢及細媽婆婆出外玩, 少左約我的好友聚會, 改為在電波中聯繫. 難得今日放本年最後一天大假, 終於可以抽空一早出來, 想由早同晚, 食足3餐 

首站先去油麻地美都, 我地由細開始講話來, 以前單純, 以為呢度在廟街, 品流複雜, 一直唔敢來, 終於N年後, 一嚐在舊樓舊式樓上餐室的感覺.


我的最好姐妹Mimi及我的大佬甘.

2007年12月23日

071223皇瑟聖誕嘉年華會

今日又係皇瑟堡第二年聖誕節聯歡


原本我可能因病來唔到, 但好彩唔需要太粗勞, 媽咪先安心同我來咋. 細媽近來又工作忙碌, 佢都係隨便搵d 裝飾, 同我係咁依整件聖誕節衫參加聚會.

2007年12月22日

抗戰第4日




今日係抗戰第4日, 細媽照舊負責餵我食第一次藥, 媽咪就好似未瞓過咁, 成10點9先起身, 佢仲話還好眼瞓

因為出院當晚剛拆下黃豆豆(醫院粗稱, 用作方便輸血及抽血用), 媽咪話我全身沾滿診所味, 又唔沖得涼, 當日只係濕抹全身咋.

為左明天以靚靚樣見姨姨哥哥, 媽咪就安排今日幫我修毛及洗白白, 依家全身香噴噴呀

我今日食藥都好乖, 但媽咪繼續唔俾我玩太多, 唉, 我好悶呀, 影相都笑唔出喎

快d完成療程喇, 又無街出, 又唔俾玩波, 狗生苦悶呀

2007年12月21日

抗戰第3日

21/12, 今日係我在家休養抗戰的第3 日.

一早7點半多, 細媽開始負責餵我食8日療程的第一次藥, 佢從來未試過餵我ga, 但護士姐姐教佢加少少罐頭濕糧一齊, 嘩, 原來咁, 真係唔難食喎, 我一陣就掃清晒藥同罐頭濕糧添.

因為一日食3次, 第二次會在下午1點半至兩點左右, 原本細媽準備偷雞中午返來, 但見我第一次食藥咁成功咁乖, 媽咪同細媽就試將要服的藥放小盒內, 另用小碗盛開小小罐頭濕糧, 由婆婆試餵第二次. 結果係點咪又清晒lor

第3 次由媽咪下班回家負責, 7點半左右食, 今次加埋d乾糧入去, 又係清晒

我叻仔卦, 其實d 罐頭濕糧太美味, 抵擋唔住咋

我今日精神比早幾日好左好多, 成日想媽咪婆婆同我玩波波, 但媽咪怕我貧血, 過度粗勞會休克.

總括今日進展滿意, 我會繼續加油, 會打勝仗的

IMG_0006

我回家了

我經過兩天的診所留院外宿, 醫生叔叔話我o既驗血報告, 紅血球指數由14.9%回升至29.8%, 雖然仍未達正常水平(37-55%), 但總算開始回升, 所以批准我回家休養.

媽咪問哥哥, 原來我中左一種叫BABESIOSIS的牛蜱熱, 是由一種原生動物引起的.不同種類的原生動物感染不同的動物. 此寄生物於紅血球內寄居繁殖, 在血管或淋巴管內消滅紅血球. 因此, 病情嚴重時, 會出現小便出血. BABESIOSIS的潛伏期由五至十四天不等, 視乎種類而定. 病情嚴重時, 常見的病癥有 : 發熱, 厭食, 脫水, 貧血, 血紅素尿, 黃疸病, 繼而死亡. 貧血的程度與寄生蟲的數量不成比例, 因此顯示的不僅是被寄生的紅血球, 還包括不被寄生的紅血球, 這是由於自然免疫系統所致.

我就係因為食慾差左, 有橙尿, 媽咪懷疑我可能少飲水, 影響膀胱同腎臟, 所以尿深色. 想不到原來係牛蜱熱.

o依家我要繼續食埋8日藥, 食完再覆診. 希望下次覆診, 指數回升, 咁我又可以繼續寫我遠足行山洛日誌

幾日無得按摩, o依家感覺好舒服呀, 在家真係千日好, 出外遠足更加好


2007年12月20日

暫別愛兒的第二晚

無洛洛你坐在大脾上寫blog上網, 有點兒不習慣.

雖然每次我坐在電腦邊, 佢一定爬上來, 躺在我大脾發嗲, 我總是覺腿太累至麻痺, 但呢一刻, 每寫一字, 每想一句, 腦海總希望洛洛你在我身旁, 不竟都是因洛洛你, 我才去買電腦, 去聯繫同認識到一班同樣愛狗愛瑟的網友.

今晚到診所探你, 你沒有吠, 好彩護士姐姐同意可以放你出來, 今晚, 我地不用只限手指與鼻子接觸, 可以將你成個抱入懷, 知你是多麼開心.

護士姐姐話你將昨晚半夜給你的糧全幹掉, 早上的美味罐頭食品都幹清, 好叻仔呀. 但唔好再想咬護士哥哥姐姐, 佢地唔會傷害你的, 俾點信心相信他們吧.

媽咪今晚好堅強無喊, 因為我要肯定咁要你振作起來, 要同病毒抗戰, 待明天驗血有好結果, 明晚就可以回家團聚. 加油呀, 家家.

IMG_0019

2007年12月19日

暫別愛兒的第一晚

昨晚我同細媽去診所探你, 護士姐姐話你食晒d 罐頭食品, 你從來唔會在沒有我地身邊時, 隨便食你未嘗試過的食物, 想你一定好肚餓了.

當我地伸手拍入籠內安撫你, 你用最溫柔, 最享受的眼神, 微張咀兒望著我地.

當我地要走時, 你都只是遙望我地離開, 只是叫兩聲同媽咪細媽講再見, 媽咪同細媽知你好乖乖.

昨晚係你獨個兒第一晚離開媽咪身邊在外, 習慣嗎?? 旁邊的小朋友是否整晚吵著, 令你難以入睡. 媽咪知你最怕其他小朋友吠, 你一定心煩意亂吧!

昨晚家中很平靜, 沒有你吠著要我追波波, 沒有你伴我身邊看報紙, 沒有你同婆婆玩樂聲, 好靜, 好靜, 很不習慣.

洛洛, 聽媽咪同細媽話, 暫時乖乖在診所休息, 多等一晚, 等你身體狀況好轉, 醫生叔叔一定批准你出院回家的.

IMG_0034

2007年12月18日

洛洛, 媽咪對你唔住

近兩星期, 媽咪只知你常悶悶不樂, 又唔太想食, 出外無笑容, 大家都叫我搵出原因令你會這樣.

我初初還以為你晚上不睡覺, 引起的反效果, 想不到竟是媽咪的粗心大意, 你原來有病, 因此不舒服, 因此提不起勁, 媽咪只係一直猜你, 唔會有事卦

對不起, 寶貝兒. 媽咪現在正哭著, 好掛住你, 自你到來我地家, 從未試過外宿, 未試過沒有媽咪, 細媽, 婆婆杷相伴的日子.

現在你要同媽咪分開兩日, 希望你快點兒好返d, 可以兩日後回家重聚.

你要振作同病魔對抗, 要食野, 要飲水, 媽咪兩日後即接你回家.

DSCF9793

071216大埔滘自然護埋區黃路

因為今日婆婆去細表姊麥當勞生日會, 我又唔去得, 媽咪就帶我同細媽挑戰黃線


2007年12月12日

乖仔, 你在想甚麼??

BB, 你近來有何心事呀??

整整一星期了, 你晚上不像以往般, 9秒9清晒碗飯飯, 每每留下很多食不完

你總是有心事般扁咀, 連你最愛的行山遠足, 笑容也沒有掛上

晚上睡前遊戲拋波波, 都玩少左了, 你改左晚上癡實細媽, 每晚都要佢拍著你心口睡

你是否不舒服嗎

覺得媽咪唔錫你嗎

但你又在我每晚回家, 興高采烈地歡迎我喎

快d 講俾媽咪知, 唔好令我心掛掛喇

DSCF9214