170917消失的小魚蛋

今年二月中, 我腳仔同大脾都除左瘤仔, 當時頭頂都有一粒芝麻大小的粒粒突起, 醫生話觀察住.

4月中肚痾見醫生, 當時粒粒都大左好多, 有成粒紅豆大, 醫生摸過, 係生在皮膚, 離開頭骨, 似脂肪瘤, 即係似婆婆以前在頭皮生的魚蛋蛋, 繼續觀察住.

粒粒越來越大, 成半粒細花生在頭頂, 媽咪每日幫我梳毛都有留意, 仲幻想我要剃光頭髮做手術割除粒瘤. 按落去, 我又唔覺痛, 又驚粒瘤爆.

9月初又因肚痾見醫生, 醫生都話留意下先.

昨日早上梳頭, 魚蛋仍在. 晚上, 因我眼瞓, 媽咪無太為意.

早上梳毛, 媽咪發現, 魚蛋唔見左. 玩完返來再驗清楚, 消失唔無形.

望來望去, 無痕的.

魚蛋突然消失, 神奇呀. 媽咪諗, 可能係水瘤來, 唔知幾時, 我撞到頭仔, 撞爆水囊, 身體自行吸受卦.