東北季候風來, 今日氣溫驟降, 原來我地出門時, 係最低溫度 11.7度, 但當時季候風警告信號已取消, 又唔覺凍囉.
幾驚婆婆怕凍縮沙, 來到大棠郊野公園, 柔和陽光照來, 好舒服, 唔熱又唔凍.
驚遲些來,呢度變旺角, 雖然未係棵棵楓香鮮紅, 但都靚呀.
今日唔多人同單車, 幾好.
遇到朋友仔, 打下招呼先.
婆婆都好開心, 因為佢怕唔夠力氣行.
我地會就住佢.
上唔到高山睇芒草, 望下呢幾棵囉.
原來打算行去大欖隧道收費站, 中途遇到兩位嬸嬸同伯伯, 佢地又話未定行去邊, 可能行去河背坐小巴, 當時媽咪諗都好喎. 但行到大欖自然教育徑, 佢見時間早, 又轉呔行泥徑去伯公坳, 至落大棠生態園去喎.
我地都唔識, 等媽咪點路行.
其實媽咪唔太熟條路點出返大棠坐車. 剛才遇到三位姨姨迎面來, 佢地由大棠生態園入來, 媽咪問路, 今次知行邊條路會好行.
因為上次行左去黃泥墩巴士站, 以為會好行D, 但唔係囉. 去到某個位, 似係大棠生態園後面, 有人坐的士來, 我地即時跳上去.
因為行泥徑, 有石級, 行山杖又出動.
我以為我有份影, 點知唔係影我, 婆婆擋晒我.
唔得, 我要補返.
參天白千層真係好靚.
棵樹打橫來, 細媽話好彩佢唔駛低頭過, 而婆婆在樹下, 差成一呎先頂頭.
陽光暖暖, 份外舒適.
有石級, 婆婆, 唔駛心急.
細媽大發現, 在地上發現一粒半透明石英柱石. 真係未見過.
不經不覺, 到伯公坳.
婆婆, 我地往下走.
呢度又係好靚的.
因為我小心, pat pat 黐左便便要清理, 剛好有斜路落來大草地, 大細媽叫婆婆先行慢慢行, 我地隨後趕來, 點知唔見婆婆, 細媽話影左松果相再追. 媽咪大叫婆婆, 又無回應, 前面又有人, 正常婆婆唔可能行咁快, 又唔係山崖邊, 怪.
原來婆婆識走埋位方便, 佢話聽唔到媽咪叫, 激死.
行左三個鐘, 我有D攰了.
行山姨姨教見到黃泥墩巴士站, 唔好行, 轉右落.
有個伯伯都落左去, 而且聽到好多人聲. 姨姨話幾架旅遊車來.
真係好嘈吵.
到喇.
過橋就係大棠生態園.
人山人海, 不宜久留.
但婆婆見菠蘿樹又好興奮.
我唔方便落地, 驚人多, 我唔識避, 都係細媽抱抱會好D.
都唔知正確出口係邊.
慢慢摸出去.
今日行左四個鐘, 唔太辛苦.
見有紅的入來, 當然又跳上出元朗啦. 今日坐車都好順利, 好快又返到菇菇亭飯堂.
沒有留言:
張貼留言