2013年6月30日

130630七一前大游行

成兩星期無游水, 本來打算響應下七一大游行, 但昨日所有報導, 個熱帶風暴溫比亞似來勢洶洶打到來, 於是我地改變計劃



2013年6月29日

130629定時超聲波

又三個月, 今日約了做超聲波.

嘩, 一早精神爽, 事關幫我照超聲波的係一個後生靚仔醫生, 第一次見咋, 平時都係一些上年紀40多歲的.

佢幫我照完, 對比我帶去的舊片, 已即時話無乜事,會將報告俾我主診醫生!

因報告即時有, 主診醫生又剛好在呢邊診所, 佢看完,話我個肝膽脾都無發大, 而且好正常, 肝臟無癌症現象, 即暫時來睇, 我對隻藥無抗藥性反應, 效果好.

繼續定時食藥, 唔好俾肝炎發作影響個肝臟

三個月後驗血覆診, 同自己加油先.


2013年6月25日

130625企穩呀

我近呢兩個月, 腸胃消化都一般, 間中都有軟便便
呢晚, 我係痾條靚便便o架
但最衰 pat pat 毛太長, pat pat 毛好似蜘蛛網咁黐住條便便
平時婆婆同媽咪都係放我在浴缸, 我企缸邊扶實...
但媽咪又未收工, 細媽竟然諗到叫我企在馬桶邊, 佢話剛好用花灑就可以方便同我洗 pat pat
好彩我定力夠咋, 我要企穩呀
否則就會跌落馬桶呀

2013年6月23日

2013年6月22日

130622同驟雨玩遊戲@一號風球下

似乎細媽短週唔太好天的宿命真係有排先打破
上星期都諗住今日剛好舊曆十五, 大退潮, 西灣會有好大個沙灘俾我跑, 預左小雨都會去
點知昨晚貝碧嘉迫近, 掛上三號風球, 今早起身時都未落晒波, 仲要陣陣大驟雨
好彩雨, 快來快走, 9 點時, 雖然仍舊係一號, 我地屋企頭頂見藍天, 太陽又出來, 一於又搏下, 同驟雨玩遊戲



2013年6月19日

乙肝+肝硬化 - 癌變風險高


當我看完以下一篇報導, 雖然我一早知食藥並不能消滅病毒, 但我也要好好小心留意身體, 好好保護肝臟, 定期檢查同覆診, 不可再令它增加受損.

摘自生果日報於14/6/2013 報導 :


【本報訊】乙型肝炎病人切勿以為服藥便可將肝癌降至零風險。中大研究為逾1,500名服用抗病毒藥物的乙肝病人評估肝癌風險,發現仍有53%人屬高風險一族,5年內患肝癌風險達8.1%。中大內科及藥物治療學系副教授黃麗虹提醒乙肝病人應準時服藥及覆診,有助控制病情。


2013年6月16日

130616城門河 I O U

一早知道今星期六日都唔會好天, 都預左無得去西灣游水,
但媽咪睇過天文台預測, 知道星期日白天稍後時間, 雨勢會減弱, 既然都諗住要沖涼, 當然唔可以放過



南瓜芝士包

今星期六, 全天雨不停, 就算細媽下午收工回家, D雨都綿綿不盡地努力落下來, 細媽見悠閒無野做, 咪整定星期日早餐


朝早新鮮麵包出爐, 就係我同媽咪起身時間


2013年6月12日

130612婆婆失蹤記 之 偏離航道、去左第度

每逢端午節, 都會落下雨, 今朝早都係陣陣細驟雨, 細媽見媽咪昨日左腳跟突然痛, 俾佢同我食完早餐又要瞓多陣, 差不多時間再我地起身行下城門河



2013年6月9日

130609陽光中的大驟雨

昨日去完游水, 夜晚已開始雷雨, 一直落到今早8 點先停雨
所以細媽拍板星期六去游水, 絕對英明
細媽見停雨, 立即叫醒媽咪起身出發去玩



2013年6月8日

端陽糉

細媽白天好忙, 晚上又因為媽咪近掛晚晚加班夜歸, 細媽都要負責埋我晚飯, 日日做到無停手
下星期三係端午節, 佢都仲記得要整應節食品俾我
今年都無乜時間, 惟有今日游完水返來, 趕工整左十幾隻糉, 當然唔係我獨食, 我會分俾我朋友仔 - 嘆嘆同Ocean兩兄妹啦

130608西灣洛樂泳

上星期見天文台預告, 今星期六細媽短週會有係陰天加雨, 都好想打破呢個邪局
呢幾日都好天, 又可以出來玩, 唔駛又行城門河咁悶



2013年6月2日

130602消暑西灣泳

炎炎夏日, 最好晨早出動, 去游下水
今日早了點, 趕到坐第一班村巴入來, 剛好係相熟的司機叔叔同老闆, 佢地話好耐無見我地, 其實係我地無左直通小巴, 趕唔到班車, 又唔想等下一班, 惟有坐的士入來, 爭敢時間, 早游完早回程咋



2013年6月1日

細媽長週真係邪

近排細媽一到長週, 天氣總係好好, 今日又係咁呀, 睇天氣預告, 下周六細媽短週, 又係有雨呀.

最邪係, 前兩星期六, 見完醫生, 食晒藥, 本來便便質地回復正常靚條狀, 點知昨日又軟便糊狀似雪糕, 惟有又食止瀉丸.

按埋應該又見醫生先安全, 大細媽唔想我成日食藥, 而且今午痾的便便比昨日好了點, 上次醫生話媽咪平時俾我食的人食益生菌, 菌類唔同狗地腸胃臟益生菌, 於是細媽收工, 跑去買狗地益生菌, 希望改善下我腸胃先



130601避暑黃昏行

炎夏來, 朝早都好鬼熱, 婆婆成日話頭髮長, 今日電左新髮來迎夏