171210周日閑在城河

昨日行左 4 個鐘, 今日仍有點攰, 我同媽咪懶床呀.

但都會出來行下.

今日暖左, 陽光也是柔柔的.

婆婆精神奕奕走在前, 我要追返上去.

悠閑咁行, 又係聽住大細媽商量下星期六行程.

點都好啦.

周日都必定來城河囉.

幾好吖.

行一陣, 又唔太辛苦, 好適合我同婆婆.

剛才, 細媽去廁所, 我同媽咪坐住等, 眼望住細媽去廁所方向.
突然聽到細媽叫我, 我好開心向前, 一支箭走去搵, 大細媽在我身後一直追, 一直叫我停.
其實, 細媽在我身後走出來, 我唔通開始有聽障問題, 分唔到聲音由邊度來, 定係過份專注了方向呢 ?

畢竟, 下年二月尾, 我足 13 歲, 唔係以前 Yama Boy 通山行, 玩幾日都覺唔攰呀.

今日又遇到一位跑步姐姐肚痛唔舒服, 媽咪陪佢等佢家人來接佢, 我地都唔係第一次在城河遇到不適的人呀. 幫到盡量幫啦, 我最多遲少少食午飯囉.