2012年5月28日

有無咁大懵


點解要影住兩包全麥粉, 咪就係要講下我個細媽D大懵事囉.



話說上個星期買左部麵包機後
, 佢密密整包, 見包高筋粉就用完, 嗱嗱臨放工買啦

星期五晚又預設時間整包時
, 就突然聽到佢大叫 : ”弊”, 買錯野, 又買多左包全麥粉, 依家屋企有兩包全麥粉, 幾時至得用完呀.

其實點解佢會買錯野呢??  明明大大隻字寫住”. 咪就係因為佢見相同包裝就買囉, 又唔諗下人地同包裝都可以包唔同餡. 佢已經唔係第一次o架喇

2012年5月27日

120527雨後好天氣

昨日又話星期日會幾陣狂風雷暴, 今日起身, 只見地面濕左, 停左雨添....
等到中午, 肯定天氣唔會有大變化, 媽咪又同我出去逛



窮到濃

一直以來, 我都係衣食無憂的小孩, 從來唔怕會餓親



2012年5月26日

120526黃雨雷暴後

今早細媽 7點多, 叫醒媽咪同我食藥, 媽咪見好似天色唔錯, 諗坐快快手食埋早餐,
準備去城門水塘或去大浪西灣, 點知就開始落雨了.....
rainats

2012年5月22日

$6,000計劃

4 月1日第二階段6千蚊計劃開始, 媽咪佢地同婆婆一齊在4月2日交了表.....
等呀等.....
媽咪同婆婆都在5月17日收到 $6200
細媽無簿仔打, 又無網上銀行, 都唔知道入左未
但幾時入, 結果都一樣, 細媽o既就即係我o既
我要監督細媽, 快D將 $6200 轉返入我本紅簿仔先

細媽 : o下.............


2012年5月20日

120520又同天氣玩遊戲

因為我每朝早都要食藥, 媽咪又7點多爬起身餵我,
佢見外卣陽光普照, o拿o拿梳洗, 全家齊齊食埋自制麵包就出發


2012年5月16日

給寶貝兒子的話

今天是你踏入我們家的第7個年了, 我們沒有為你安排什麼特別慶祝活動, 因為節日對你來說都是沒有什麼意義. 只要我們常常陪伴着你, 你就會滿心歡喜了.

經常翻看舊照片, 你的轉變真是很大, 由當初的一個小黑毛球, 變成現在的灰毛亞伯. 開始步入中年階段的你, 已經不復當年的少女嬌俏樣貌. 不過, 無論你變成什麼樣貌, 都是媽媽最愛的小寶貝.

最近看了一個電視節目, 令我們感觸良多. 節目裡, 那些智障兒童家長都有一個心願, 就是你要死得比我早, 我會陪伴你到終老. 這個都是我們的願望. 因為有媽的孩子是個寶, 無媽的孩子當是草. 媽媽會一直守在你身旁. 和你去吹吹風, 行行街. 雖然不是富有, 但都儘力讓你過些優遊自在的生活.

媽媽都沒有太多祈望, 只是希望往後10數載的日子, 你可以健康快樂, 無病無痛,就於願足矣.

2012年5月13日

120513同驟雨玩遊戲

起身見掛上雷暴警告, 又無見落雨, 於是大無畏地入來大水坑



媽咪, 送給您 ^^

洛B : 大細媽, 今日係母親節, 我無乜錢, 但都想送上一份心意, 希望你地笑納, 希望你地歡喜
媽咪 : 洛B, 咁你想送乜野俾我地呀



2012年5月8日

120508再驗血

前星期日(29/4), 因為脾臟較大, 媽咪請假同我去診所再驗血及照超聲波


失身記

大眼 : 唉!! 我嘅清白之軀, 就咁俾呢個灰毛亞伯毀了. 你叫我以後點見人呀

洛洛 : 你唔好咁誇張好喎. 有少少污漬之o麻. 細媽都幫你洗翻啦

大眼 : 唔係你又鑽泥地, 我又點會攪成咁o丫. 你睇仲有點泥漬洗唔甩KA, 你要補償俾我呀

洛洛 : 細媽都話你已經升格為游水專用帽啦, 你今個夏天出鏡率爆燈啦.

大眼 : 算你啦. 條氣都順翻D. 咁樣我就唔駛入冷宮, 好似我其他兄弟姐妹咁出場一次就放櫃底.

媽咪 : 大眼, 既然我地對你咁好, 你就要盡心盡力保護洛洛雙眼仔啦.

2012年5月7日

條數好難計

洛洛 : 細媽買左本書好耐, 都咪左好耐, 左計右計, 度來度去. 終於計左條佢認為都叫做o岩嘅數出來.
老實講哦丫, 以佢數學咁白痴, 條數都唔知有幾多成係o岩啫.

細媽 : 細路, 我用左好多心力計ka喇. 唔好柴我台好喎. 都係做個參考啫. 好喇. 唔講咁多. 言歸正傳先.

首先要計算洛洛一日所需要的能量(卡路里), 因為總能量是計埋零食, 所以就用不活動小狗方法計, 少左嘅就當係零食的卡路里. 咁就無咁容易超標啦.

方程式 : 132 x 體重(KG)的0.67次方

當洛洛係 5.5 kgs, 用 excel, =POWER(5.5,0.67), 得出 3.1336

= 約414卡路里


2012年5月6日

2012年5月4日

執金樂

我五一勞動節行完步道, 便便清晒, 晚餐後, 當然無野可以舒暢出來
點知, 跟住的星期三, 晚飯後都無便意,

星期四一整日都無便便, 大細媽開始心急, 煩憂我有事, 媽咪收工回家, 就捉住婆婆問, 有無執過我D便便...

於是決定左, 星期五待媽咪回家, 我仲未有便便, 就試同我落樓下放放風...
今日媽咪又打電話返屋企問長問短, 佢收工即趕回來, 就同我落街逛逛...

點知行唔夠一分鐘, 我就整出第一堆實金

接住, 第二堆, 第三堆, 第四堆, 一堆比一堆軟身的金金

媽咪好興奮, 僅係喇, 執金喎

返到屋企, 婆婆話我咁曳, 做乜幾日都唔痾屎屎喎, 成日係屋企狂奔, 腸道應該好有運動喎

仲有婆婆話我可能食得椰菜多, 因為椰菜好濕熱, 所以今早留返D菜芯俾我, 唔通我真係近排食得椰菜多, 搞到無屎痾

細媽 : 屎啦.....如果洛B慣左出行街先便便, 以後咪好麻煩, 日日趕返來同佢放風