2024年2月28日

240228家洛19歲了

家洛,細媽收工時,買到你最愛嘅芒果🥭雪糕🍦來慶祝你19歲生日,係咪好香又凍凍涼涼,好好味呀🎂


2023年9月28日

230928小天使一週年

家洛, 今日係你成為小天使一週年, 仲好掛住你呀, 細媽媽買左你至愛嘅芒果雪糕俾你, 好味嗎?
好想同你傾下歇呀 ^^

 

2023年9月8日

230908百年一遇的黑雨

設立左黑雨警告以來, 通常都係個多鐘就轉紅雨, 但今日打破了.

受【海葵】殘餘相關嘅低氣壓影響帶來豪雨, 黑雨維持左16小時35分鐘. 暴雨令山上雨水帶黃泥衝落來, 龍翔道中間石屎躉剛好阻左黃泥水往南流, 變成南北極咁, 引敔雨水湧入黃大仙地鐵站, 再流入月台同列車管道, 地鐵部份路段停駛. 黃大仙中心北館低層亦全層被沒頂, 要派多部抽水車泵走泥. 多區水浸, 雨水夾泥成河, 地面都好混亂, 公共交通受阻.

2023年9月1日

230901蘇拉10號颶風信號

由家洛2005出世年,都經歷過3次10號颶風信號,2012的韋森特,2017的天鴿,2018的山竹。

今日沒有家洛在身邊,超強颱風蘇拉襲港,天文台在20:15改掛了10號,家洛,唔駛怕,我地全在家好安全,你靠近我地身邊就得^^




2023年8月5日

230805WAVES尾場

 昨日唔夠時間影BOOTH, 打算早些入去亞博, 落車見FC為今次安排嘅專線, 可惜我地搭嘅無啦.

2023年8月4日

230804WAVES第三場

唔係MIRO, 少左一個機會, 搶唔到公售, 唔JOIN PLAN, 抽獎又知機會微, 預左睇ONLINE, 23/7無聊八下牛牛, 發現比我地想像中可以接受, 係尾場兩倍半起跳, 位置好更貴, 預計尾場係ONLINE, 細媽話不如揀星期五感受現場氣氛, 星期六睇ONLINE. 馬上行動, 星期一晚拎飛, 第一次買牛, 又驚係假, 雖然都有即時照紫外線燈, 又上網睇點駭真假, 但本身無紫外線燈, 晚晚拎出來摸又驗藍logo XD

到25/7晚, 糖們討論尾場時, 心郁郁, 26/7早返工, 見有牛放個尾場價目表又平喎, 問問細媽, 又都話原來想去埋尾場, 叫我問明姐, 最後揀左同區前後幾行. 晚上即拎飛, 有照有驗, 真係又緊張起來, 始終代買, 驚假野. 上星期六送飛同應援上明姐家, 佢有紫外線燈, 佢兩張都係明顯照到. 我跑返屋企拎晒自己四張再去佢屋企照, 尾場同佢地經同一牛, 但星期四係唔同牛, 竟然點照都見唔到, 明明拎飛時見有, 最後左照右照先見隱約少少, 又驚過. 原來好多糖直接拎官方飛都係相同情況. 又無出現過假隊友飛, 自我安慰中.

終於到4/8, 請半日假早入去, 先同小姜小濤影齊第4-11胎作品.