170916洛融融在大潭

又到周六, 又到快活日.

今日都有D熱.

昨日有白痴人在中午, 帶大狗上蚺蛇尖, 狗狗在30 幾度高溫下, 應係中暑頭暈而失足跌落幾十米下山坡致死, 好慘. 所以, 大細媽情願摸黑起身, 同我出來玩, 要避開烈日.

有齊裝備, 又帶冰包風扇, 帶足水, 咁就玩得安心.

唔好睇少早上陽光.

都會令我伸長脷呀.

大細媽都會睇住我身體有無唔妥.

婆婆成日吃醋, 話大細媽關心我多過佢.

咁婆婆識會答, 我就等大細媽自行解答囉.

其實佢地都錫我倆婆孫, 否則就唔會逢假期都帶我地去玩啦.

有時, 我開心得滯.

鑽, 鑽, 鑽.

激到媽咪望到我想嘔.

睇下我, 玩到五官變樣, 頭插樹枝呀.

還原靚仔樣先.

楓香樹受早前颱風影響枯葉, 見有嫩葉長出.

例牌打咭相.

最後一條霸, 快行完了.

開心兩小時, 滿足晒. 又係時候返歸了.