170923雷電黃雨遊六程車河

今早摸黑起來, 媽咪已經同細媽講, 落緊雨喎, 反正婆婆今日會到大姨媽出街, 諗住得我地三母子, 驟雨啫, 都起左身啦, 見雨漸停, 近日都係早上有雨, 稍後轉晴, 照舊出發啦.

當過左海, 再轉的士上陽明光莊, 一落車, 嘩, 有雷聲, 有雨點, 心感不妙, 立刻走去陽明山莊有瓦遮頭地方先.

轟轟聲, 仲有狂風閃電, 擔遮都唔掂, 見有行山人都走頭, 我地惟有截的士落山, 再轉車返屋企樓下, 再轉車入來小瀝源. 咁就坐左五程車😎, 途中仲有雷暴同黃雨警告.

細媽預左後備冰袋, 媽咪負責裝在背囊, 冰袋太勁, 相機凍到出霞氣.

好彩都回復正常, 呢度都暫停雨.

出太陽喎, 仲熱熱, 要著 cooling coat.

蝴蝶都出來覓食.

轉來轉去, 我都未食早餐, 媽咪, 快開餐喇.

平時晨運姨姨叔叔不見了.

因為雨時來雨走.

陽光都係.

但我一樣好開心.

昨日, 大細媽諗緊三母子可以去其他地方.

點知連大潭水塘都行唔到.

唔緊要, 我去邊都開心.

今日來到小瀝源都將近 9 點, 所以今日可以在食堂食午飯.

大細媽成日諗, 幾時可以涼少少, 就可以行到剛好食午飯, 今日好願😆