2015年12月27日

151227微雨漫步晨步

假期第三日, 又係瞓夠先起身, 坐車來城河 Hea下.
媽咪昨日回家即叉相機電池, 好似好醒目.
今日準備開相機, 按極唔著呀, 打開電池位睇, 原來無放舊電池, 佢唔記得昨日叉電池後收起, 細媽今早見無拔火牛, 拔完就落街買餸同早餐, 唉, 媽咪越來越嚴重.


天使得得洛

搞乜得我頭頂多左兩粒野 ???

細媽 :因為你係我心中天使得得洛 ^^

2015年12月26日

2015年12月25日

151225三婆孫聖誕遊深井

又到聖誕, 又到聖誕, 低媽咪請左假, 佢自己唔同我地行, 由細媽帶我同婆婆, 三婆孫揀最簡單路,  深井一圈.


2015年12月20日

151220又係晨運時

昨日賞完紅, 今日會有雨, 我清晨有叫細媽起身勞動, 但佢話叫我瞓多陣, 瞓夠先出動晨運.

行完一輪, 有少少回魂了.


2015年12月19日

151219大棠賞紅回深井

連續幾日都氣溫下降, 預計大棠楓香變紅時, 所以, 我地跟往幾年一樣, 早早上來大棠燒烤場.
點知未站到 8點半, 大棠路已經有交通警擺站設路障, 好彩我地坐的士, 時間又早, 先可以上到閘口位.


2015年12月15日

151215東周刊專訪 - 秋冬行山, 人狗都健康

朋友叫到, 媽咪起初以為又係幫手影一兩張相交差, 點知成年專訪咁, 繼090501犬月刊的相熟記者要求幫手, 出了"天生的模特兒"的一轉後, 又係因行山而引起.

有著一家四口的溫馨片段, 我地點都要買本來作紀念.

2015年12月13日

151213城門水塘半遊

五點叫醒細媽, 跟住過去同媽咪瞓, 細媽成 7 點幾叫我地起身, 今早雖然唔凍, 我懶床, 唔想郁.
唔行, 又要等到星期六, 都係起來, 出發去城門水塘半遊.


2015年12月6日

2015年11月29日

2015年11月28日

151128大東山落南山

三月下旬上鳳凰山, 婆婆上山途中遙望對面山嶺, 佢話想再上一次大東山. 一於今日達成佢心願, 在婆婆77歲前, 我11歲前, 三度上大東山.


2015年11月22日

151122四缺一晨運

晨早起來, 點解得細媽幫我梳妝, 問下細媽, 原來媽咪今日為信念, 自願幫手當義工.


2015年11月21日

151121陽明山莊至康柏郊遊徑

今日原本約大姨媽想長征, 但媽咪有重要事辦, 都係要留力.
又話有一兩陣雨, 最後, 改了去港島行東區自然步道.


2015年11月8日

151108天仍是黑

明明都係坐頭車, 但今早竟然早來了, 好多見開的叔叔姨姨都未見. 從未如此早, 現在係 6:19am, 落車時, 天比現在更黑. 細媽怕我戴帽會睇唔清附近, 唔戴住.


2015年10月31日

2015年10月25日

2015年10月24日

2015年10月21日

151021藍爵出巡@重九

呢個秋天, 中午份外熱, 重九一天假, 都係晨運算了.

來到小瀝源, 涼涼地, 原來得 21.9度, 比屋企果頭清涼好多, 媽咪仲覺點點冷.

2015年10月18日

151018提早拜公公

昨日白天都超過 30 度以上, 好彩我地早行完.
今早都偽摸黑起來行晨運好了.
半光的清晨, 光害下, 仍見天上有兩粒明亮星星在照耀.


2015年10月17日

151017熱秋第二波 - 上窰

又到星期六, 安排短程來慢慢練體力, 而且接近重陽節, 暫時唔考慮大欖涌郊野公園一帶.
今日又有圖騰跑比賽, 由北潭涌起步, 往大帽山扶輪公園, 全程57公里, 巧勁呀.

 一早講今年冬天唔凍, 想唔到秋天如夏天.

2015年10月13日

151013打針日

今日見細媽返左半日工, 返來又幫我梳毛, 仲以為有運行, 點知帶左我去見羅醫生.
原來又一年例牌要見佢, 但我唔係好想o羅. 

大細媽成日話我好墜手, 似重左, 出來前, 細媽餵左我飲好多水, 我又未去便便, 上磅都係 5.7 kgs, 同往年差不多咋, 成日哦我食得多.

2015年10月11日

151011隧道豪宅行

細媽摸黑起來, 見地面乾爽, 於是全家又出動, 點知落到樓下, 雨點來了.
上到車, 雨點越來越大粒, 唔通咁快打道回府.

猶豫不決, 想按鐘, 車已過站, 最後都決定照出動.
怕濕透凍親肚仔, 我唔會在露天行, 細媽抱我在每個隧道停留.

2015年10月10日

151010秋步禮 - 城門水塘一圈

終於有入秋感覺. 今早唔摸黑起來晨運, 媽咪想安排行山起步禮, 停左接近半年, 要由簡單開始.

所以我地 8 點就來到城門水塘麥理浩徑第七段燒烤場起步.

2015年10月4日

151004與彩虹散步

彩虹由星期六早上 10 :20am掛起三號風球, 一直未停過雨同風, 仲有黃色暴雨呀.
所以, 今早晨運都無得去.
到下午, 細媽見雨稍停了一段時間, 叫埋媽咪一齊落街行下.


2015年9月30日

150930報告覆診日

19/9 自費照超聲波, 今早去見許醫生, 順便拎埋政府醫院的驗血報告.
許醫生話肝及脾都唔錯, 無粗糙, 無陰影. 幾次驗血, 情況理想.

14年10月時, 都仍驗到輕微乙型肝炎DNA.

2015年9月28日

150928中秋後

細媽半夜叫我過大媽房. 就係咁, 無我呢個鬧鐘, 今早, 細媽懶床, 險些趕唔到頭車.
頭車又剛好遲左來, 起步又遲了些.


2015年9月27日

150927中秋早步

今早又摸黑起床, 又未夠 6 點已經落樓等車.

昨午因煉熱天氣, 觸發對泡活動, 一場黃雨警告, 黑雨雨量, 加上橫風橫雨, 雷電交加, 鄰座升降機受閃電而出事, 霤聲轟隆隆, 警鐘又巨縮, 嚇到我瑟縮入細媽懷中.
媽咪望街上大塞車, 原來係渠道排洪來不及, 街遁變了河道, 好多車都死火拋錨, 交通膠水碼四處飛. 年年都發生, 今次特別嚴重.

2015年9月26日

150926迎月晨運

今早更平時早了出門, 唔駛急急腳, 又坐到頭車, 點知車無冷氣, 有乘客頂唔住, 所有人都要落車轉第二班. 最後遲到要 06:45am先起步.
但太陽都係剛升上山, 在水中倒影, 似黃昏呢.

2015年9月19日

150919細媽工場臨時啟動

細媽話雖然借左打蛋器俾表姐, 工場停產好耐, 又臨近中秋, 細媽話點都要整月餅俾我同嘆嘆兩兄妹過節.

150919自費超聲波

政府醫院唔幫我照超聲波, 自己仍有能力, 咪自費照o羅.

原本係在中環診所照, 因負責的醫生有約, 要我就塢往銅鑼灣.

今早空腹 09:15am抵達, 我想起上次係帶婆婆來照魚蛋, 仲係和藹的曾醫生負責.

入治療室一望, 頭頂有顯示屏, 可以一齊睇實照時的情況.

曾醫生入來, 我認得佢, 仲讚佢好人. 佢一路幫我照, 每幅都詳加解釋, 好清楚.

先照左肝, 好好. 照到大動脈同心臟又話我知. 右肝都唔錯, 佢話一些肝硬化跡象都無.

接住係脾臟, 用來製造血液, 又係靚仔.

膽內有一粒唔夠 0.4cm瘜肉, 佢報返舊報告及片, 呢粒瘜肉, 一直存在, 正常係良性, 唔發大, 絕對無問題. 之前的醫生都無同我提呢. 都話呢位醫生細心.

報告會直接交回許醫生, 但我已知晒, 呵呵.

2015年9月14日

150914覆診日

今日下午兩點又到廣華覆診, 先拎籌才去食午飯, 怕又緊張肚痛, 唔敢飲凍奶茶. 去埋廁所, 13:50pm按時提前安坐等叫名.

一路望顯示屏打出籌號, 一路四處望, 又上FB, 希望分散情緒, 仲必急尿呀.
14:35pm, 終於到我.

今次係男醫生, 猛話驗血報告無問題, 我問肝酵素有幾多, 佢遞張報告俾我睇, 仲問我 : 你識咩 ?
俾佢吹漲. 

我問埋病毒DNA情況, 佢回話驗唔到, 即係無大礙.

我今次記得, 問幾時照超聲波, 佢話你份報告唔錯, 食住藥, 唔駛成日照. 我話電視都有宣傳要定期照啦, 佢話如果我覺得需要, 可以去私家醫生照. OK, 無問題, 我預左, 但唔好話我報告好, 食藥就夠.

跟住, 佢問我, 開半年藥, 有無問題 ?
佢真玩野, 藥係醫生決定長短時間, 有乙型肝炎病毒人士, 最好每半年驗一次血, 咁佢想點先.

最後, 咪又係開半年藥.

2015年9月13日

150913四式橋

又係清涼的晨早, 今日婆婆又咪咪麼麼, 搞到走了頭班車, 遲左入來, 細媽昨日話左今日行新路徑,比平時長程左, 惟有快步D啦.


2015年9月6日

150906三婆孫去獅子會

今日, 媽咪放自己假, 所以, 由細媽帶我同婆婆去玩, 前幾日額外假日, 已經去城門河, 所以, 今日決定三婆孫來獅子會, 我地準備好入內, 時間係 7:10am.


2015年9月3日

150903額外一次性假期

香港政府跟大陸, 立法將今年9月3日 - 中國人民抗日戰爭勝利70周年紀念日 - 訂為2015年的額外法定假日及公眾假期, 該額外假日為一次過的特別安排。

對我來講, 無太大分別, 咪又係例牌晨運呢.


2015年8月30日

150830雨前晨運

昨日, 細媽長週, 我知佢地約左大細表姐去食午飯, 又賣甩我一個在家.
所以, 如果今日起身有雨, 我又無左難得的一日晨運.


2015年8月23日

150823獅子會晨步處暑

今日係 24氣節的處暑, 即暑氣到此為止, 炎熱夏天結束了. 
但睇天氣預告, 未來三日都持繽酷熱呀.

2015年8月22日

150822喜步在城河

上星期驚緊隻天鵝會吹來, 點知今日在台灣東南外轉向往東北, 仲似有慢慢減弱.
所以, 今早晨運都係咁好天, 6 點半都係 28 度左右.

2015年8月16日

150816黃紅雨後的翌日

昨日早上由 6:45am開始掛上黃雨, 8 點掛上紅雨, 到 11點先取消所有雷雨警報, 中段時間, 在頭頂不停有轟轟雷響, 我驚到瞓唔到.
好彩, 雷雨離開, 我先可以安心同媽咪再瞓返覺.