2013年8月31日

130831點都要散心

細媽又長週, 媽咪廢寢忘食諗點搬家, 早上又話雷暴警告, 我都預左在家發毛 =.=
但媽咪見我唔開心, 又唔忍心, 即 call 細媽快快返來, 當我地在家樓下等車時, 大姨媽又因雷暴警告而取消跑步操練, 又話來匯合我地 ^^


130830搬到新家來


Yblog 要執笠 :'(

媽咪由2007年5月18月當日開始, 在丫烏為我寫下第一篇"開齋", 不經不覺已經寫了 1447篇, 今日收到 Yblog公告, 正式在年底12月26日摺埋 .\_/.

第一階段:2013年9月2日~2013年10月29日 在此期間網站功能照常運作及進行以下事項: 提供用戶資料備份/下載、「輕鬆搬家」、通知我們新網址等服務 停止Yahoo! Blog新用戶申請 為了避免資料備份時有缺漏,於此期間,申請資料備份者的頁面將會進入唯讀模式,至網站關閉為止.

咁即係唔可以再寫 blog, 唔可以記錄我行山日誌....

咁點好呢, 最後媽記得登記過 Blogspot ^^

先在今日留條腳毛先 :P


2013年8月30日

130830糟糕的一天

今日本來約了大姨媽一家, 連大姨丈都得閒, 準備去白臘, 來過暑假開學前的最後一次暢泳, 可惜天公不造美, 昨晚起, 不停落雨行雷, 仲掛了兩次黃色暴雨警告
咁僅係要取消啦, 細媽都即時取消大假返工, 唔想貿然浪費一日假期

接著, 媽咪中午收消息, Yahoo Blog 正式在年底12月26日摺埋

第一階段:201392日~20131029

在此期間網站功能照常運作及進行以下事項:提供用戶資料備份/下載、「輕鬆搬家」、通知我們新網址等服務停止Yahoo! Blog新用戶申請為了避免資料備份時有缺漏,於此期間,申請資料備份者的頁面將會進入唯讀模式,至網站關閉為止 
咁即係唔可以再寫 blog, 唔可以記錄我行山日誌

咁點算好呢

細媽以後在返工放飯時間少了娛樂, 媽咪失去佢最愛其他 blogger的行山 blog, 也失去了其他 blog友

唉, 呢篇係我在 Yahoo 最後一篇 Blog, 希望媽咪盡快幫我個花菲洛的網誌搵到個安穩新家
DSC_6223

2013年8月25日

130825驟雨晴天在西灣

上星期日見話驟雨無入來西灣, 點知據聞好好天, 媽咪同細媽講, 又係預告今日驟雨, 會有陽光, 所以出身見雨都要照出發
入來時, 見三隻黑拉同佢地兩個主人一齊行緊入來, 媽咪仲打算等佢地行過晒先起步, 費事又出現上次撲上細媽事件
但一等再等都唔見佢地到來, 無可能仲等, 膽搏膽先



2013年8月24日

130824愛在晴雨間

媽咪諗住細媽短週, 見星期六有驗雨, 早幾日提議今日去荃錦坳行石屎路, 唔怕落雨喎
但俾細媽否決, 怕又上又落斜, 辛苦左我同婆婆
點知清晨一直落雨, 我同媽咪又大覺瞓到唔識醒
唔可以浪費假期, 最多又入來沙田o羅, 鬼知最近最方便咩



2013年8月19日

功德無量. 善哉 善哉

近年我細媽開始發善心, 佢見D蚊呀, 蠓呀, 肚餓. 就會餵飽佢地KA.
吖!! 咁佢做左咁多善事, 咪可以積好多功德囉.

不過你地唔好以為我大媽唔善心呀, 之前佢都好落力做善事積功德KA. 只係佢已經功德完滿JA, 不過佢依家間唔中都會做下善事嘅.

唔知我細媽可以幾時功德完滿呢!!

細媽: 我唔想積呢D功德KA, 唔知點解, 以前只係咬大媽, 依家就專攻我呀!! Help呀!!

2013年8月18日

130818不埋雷雨

昨日偷聽媽咪講, 不管今日是否有雨, 又想去西灣, 又想去深井, 佢又問婆婆想去邊
最後清早連場雨同雷暴警告, 佢又係大覺瞓到 8 點半
其實細媽一直留意天氣, 見停了好耐雨, 先叫媽咪起身



2013年8月17日

130817城門河畔樂半天

今日細媽長週, 媽咪見天文台預報今日有大雨, 諗住都唔可以出街, 反正近半年公司多野做, 拎左D文件返家, 做到半夜先瞓
佢清早都起過身, 見好大雨, 又大覺瞓, 一瞓就瞓到12點多, 正一大懶蟲
但佢見又預報話明早又有大雷雨, 如果今日唔出街, 有愧於我, 於是急 CALL 細媽快收工回來



2013年8月13日

130813七十四壽辰

今日尤特來港, 都唔會影響今日, 因為點都改唔到今日七夕婆婆生日
今日係婆婆七十四歲, 我地平時行山時, 好多人都估唔到婆婆咁大個女
僅係啦, 因為婆婆呢幾年, 個個星期都陪我同大細媽行山, 身體好, 精神爽, 咪似後生女o羅



2013年8月10日

130810荃錦坳縱走落川龍

踏入 8 月初, 就係婆婆生日月, 今年頭炮由肥舅父一家陪婆婆首航, 我都唔執輸, 安排婆婆第二輪活動



2013年8月7日

130807婆婆樂回家

等左幾日, 婆婆終於盡興回家
因為坐早機, 12 點 9 就返到來, 我同媽咪落樓下接婆婆, 我一見佢即好開心, 仲不停用脷錫婆婆
婆婆入門口, 我真係好興奮跟住婆婆周圍走, 尾巴搖搖
跟住婆婆陪我同媽咪落街食午飯, 你地睇, 我真係笑晒



2013年8月4日

130804西灣共泳

本來以為得大細媽陪我來西灣游水, 估唔到大姨媽同大表姐昨晚打電話來, 話同我地一齊 hea , Yeah
我地在西貢小巴站等佢地, 我一見大姨媽, 就走埋去叫佢, 我係認到大姨媽o架



婆婆起飛, 沖天飛

婆婆昨午首航, 媽咪好緊張, 想知婆婆有無驚, 又暈機浪, 昨晚半夜, 終於收到肥舅父在酒店用 wifi 經 whatsapp傳來相片
準備步入機艙, 神態自若



2013年8月3日

130803風雨同路

飛燕昨晚遠離香港, 但佢帶來的雨區, 今日仲影響香港, 晨早場大雨幾咁勁, 媽咪昨晚同我講, 叫打消今日出街念頭
媽咪中午陪婆婆落樓匯合舅父, 返來見我苦瓜乾咁
佢見雨帶漸漸遠離, 天又間中出下陽光, 一於等埋細媽收工, 我地又入來沙田喇


白鷺悠閒在河中行


我就準備同風雨玩遊戲, 天上有藍天穿洞o架


地似乎乾晒喎, 其實有雨點正落下


呵呵, 有水氹呀....


媽咪, 你都預我可能濕, 踏下水, 等我早D開心, 你咪仲開心o羅 




沿途行出來, 都一路微微有雨


由五月初以來, 每到週末, 又風又雨, 唔通帶婆婆冒險咩
我地選擇行同一條路, 咁就唔怕風唔怕雨, 但結果都係一樣------全家一樣開心  


微雨中, 又現陽光, 陽光由河水反映上天橋底, 好特別




下午, 陽光漸西斜, 我走在陰影下, 唔怕太熱


大圍果邊又濛晒....


我頸頂就好曬


雨亦行得快, 大雨又來了, 我當然又有侍女抱緊, 唔會淋濕


停雨又落地....


行左一陣又來過密密雨


我有兩個侍女相陪, 唔驚


雨點太密, 細媽又未食午餐, 媽咪提議先去沙角邨食下午茶等雨停, 我好嘆, 有風扇吹, 有雞湯飲


決定明智, 場雨倒水咁, 落左好耐


食飽, 雨就停, 時間剛好配合


無雨, 當然繼續行多陣啦


仲早喎, 點解暗晒


未到 5 點半, 仲著埋街燈.....


細媽 : 天黑喇, 快行喇.....


雲太厚, 陽光擋晒....


又雨來了....


又落又停, 又風又雨, 呢三個月來在城門河畔, 都係咁...






但係我好開心喎, 我都唔介意


整個暑假, 唔係雨中行就係游水, 都係濕身相, 我燦爛笑容搭夠 


漸近黃昏, 風雨同路下, 又係美好開心一日, 我就係咁簡單