2015年1月31日

150131微雨下深井一圈

婆婆唔方便洗頭, 唔想婆婆行到成頭汗, 本來計劃左行程. 但起身時, 竟然雨粉粉, 唔可以行山路,細媽話來深井繞個圈. 來到深井, 只係好微雨咋.

好多個月無行呢度了.

2015年1月25日

婆婆新頭飾

上星期六, 婆婆唧完魚蛋後, 醫生幫佢包紮好, 戴返頂帽, 本來唔錯.

但當日回家, 已經搞鬆晒, 第二日仲變成咁.

150125婆婆初段出山行

今日去玩, 感覺唔同.

因為媽咪幫婆婆諗到個新頭飾, 咁婆婆就唔怕樣衰衰, 怕醜唔肯出街.
佢屈在家成星期, 點都要出來吸下新鮮空氣.


2015年1月24日

150124初探神仙轍

大姨媽早前行完神仙轍, 問媽咪有無興趣, 有大姨媽帶路, 當然舉手報名, 事關媽咪好多年前, 都知有呢個地名, 但唔熟路, 唔夠貿然帶我同婆婆行.
大姨媽話今日由大棠郊野公園管理站起步, 全程 8 公里, 終點係黃泥墩巴士總站, 行程輕鬆, 我地試行完, 下次帶婆婆來.

媽咪問會唔會行九逕山, 大姨媽話九逕山多碎石, 多上多落, 路程較長, 似蚺蛇尖落山情況, 咁都係唔好了.

2015年1月18日

150118黃泥頭往瓊麗苑

婆婆閉關休息, 我地今日打算行返上星期想行的萬里長城(又名黃牛古道)去西貢.

今日無搭錯車, 去到黃泥頭上去花心坑村.

2015年1月17日

150117迎黃昏

今早陪婆婆食完早餐, 我同細媽送婆婆同媽咪坐車, 我同細媽回家等消息.

終於等到佢地返來, 我好開心撲埋佢地度, 但婆婆要休息, 細媽唔想我無左一日假期, 大細媽兩個同我入城門河行下,

150117唧魚蛋

星期二, 媽咪接到診所電話, 腦掃描報告出了, 魚蛋係獨立個體, 表面睇似良性魚蛋好大, 可以按原定時間唧魚蛋.

為免防止似上星期咁紅隧塞車, 剛剛及時到達診所, 我地全家再早些起身食早餐, 預多些時間.  
今日又早左 45 分鐘到, 於是, 媽咪帶婆婆行下利源西街, 帶佢認路及地鐡站位置, 如果下次覆診, 婆婆都識帶細媽來.

早些到診所, 因為要先搽麻醉消毒藥膏及止痛藥.
醫生同意媽咪一齊入手術室, 咁媽咪可以陪婆婆, 等婆婆安心唔緊張.
當然, 媽咪唔怕有血先得, 如果在醫院做, 就肯定唔可以.

2015年1月11日

150111錯了又改的行程

如無意外, 婆婆要閉關幾星期, 昨日又無去行山, 媽咪計劃今日去行好耐無去的西貢萬里長城.
點知媽咪朝早就唔清醒, 叫我地上錯車, 錢俾左, 即落車唔抵呀, 惟有改由大水坑上梅子林去西貢.

梅子林路係車路, 比以前多左好多車上落, 行人路又少, 我要小心翼翼聽大細媽話, 靠邊行.

2015年1月3日

150103烏蛟騰上下路來回三椏村

如果唔係聖誕假期唔太好天, 今日行程應係早一星期.

事關想入九擔租楓香風水林, 但似乎有點晚了.
唔緊要, 我地可以下年再來, 朝早光線唔o岩, 回程先啦.

2015年1月1日

150101元旦登針山

今日係天朗氣清的元旦, 我地貫彻慣例, 在元旦登高, 來年全家身體好.

今日未夠 8 點到城門水塘, 睇下幾好天.