本來今日星期六, 應該過海去大潭水塘, 點知行去車站時, 竟然開始有雨, 大細媽怕到陽明山莊更大雨, 唔敢搏, 立刻轉來到小瀝源, 行下城門河.
我都無所謂, 出街玩, 去邊都得.
前日個低氣壓成型, 起初話明早清晨近接近香港, 仲要好大風, 有大機會又掛 8 號烈風信號.
昨日, 低氣壓變了熱帶低氣壓, 命名為瑪娃, 今日凌晨 2 時 20 分, 香港掛起一號戒備信號.
媽咪睇天文台網,今早出門時場雨, 無落在港島, 可能係我地無去, 平時好邪呀, 如果我地照舊去, 一定落大雨.
我同婆婆有活動就得, 婆婆行平路超快, 成日在我前面.
我要狂追.
無法啦, 鬼叫我四處八.
點都追唔到婆婆.
唔追, 休息下先.
今日遲左D, 街坊朋友仔出晒來了.
我聯誼左一陣, 都係想行多陣.
例牌打下咭.
回程搵晒佢地.
傾夠, 我地散了.
散水, 心急想去食早餐, 當然快步走, 今次到婆婆唔夠我快, 佢在後面呀.
但媽咪話今日唔去沙角飯堂, 改返去菇亭開餐, 婆婆, 行快D, 餓死細媽喇.
沒有留言:
張貼留言