171203洛活行

昨日復原出動, 臨尾都攰攰, 今早雖然唔係摸黑出動, 但我都係懶床.

接近 9 點, 太陽升高, 剛好直照.

陽光充沛, 燦眼.

接住都會好天, 下星期最低會降至 15 度.

我聽到大細媽已安排接住兩星期計劃.

但星期日就一定係來城門河洛活行.

在石船附近, 我地遇小寶, 小寶仲多左個細佬, 未夠 5 個月大, 但都打齊針, 可以出街.

婆婆抱個佢, 好開心.

小寶好有大哥風範, 睇到佢現場教細佬, 兩兄弟都跟實爸爸行.

我地三個一齊行左一大段路.

佢地中途轉返回屋企路, 我地繼續前進.

朋友仔走晒, 但今日都撞到好多熟朋友.

快快打咭.

媽咪叫我定定, 影多張唔同色溫.

途人見我定定都話我好識擺 pose.

當然啦, 10 幾年功力.

好開心就係呢後.

搵到位, 坐定定, 媽咪, 快快拎野出來開早餐啦, 我今日仲未食野呀.