140228九歲生日大餐

今年生日, 細媽無安排整生日蛋糕, 怕我腸胃唔太好而出事.

但生日都要慶祝下喎.

細媽諗到我一定鍾意的生日大餐^^

我的 9 歲生日願望

踏入呢分鐘, 我已是一個 9 歲高齡阿伯.

我願望好簡單咋, 全家身體健康, 

咁就可以繼續一家四口, 踏遍全香港每個美麗山頭, 繼續開心之行.

140223大浪灣遠足徑近接觸蚺蛇尖

本來昨日行呢度, 因為早上擋路雨, 我地惟有改行程.

140222又遇擋路雨

細媽媽有晒計劃, 準備左今日行程, 點知佢今早 6 點幾起身, 成地濕晒, 惟有取消原定安排, 無叫醒媽咪, 跟住 9 點時, 又灑下雨, 好彩雨唔大, 接著等地乾, 有陽光, 最後 10 點半先叫媽咪起身, 出街行. 

140216又是城門河

好早預左今早起身成地濕, 又雨又凍, 但竟然唔係呀.

細媽俾媽咪瞓多陣, 先叫我地起身食早餐.

都驚突然有雨, 好彩沙田城門河太就腳, 我地又唔怕厭, 唔需要成日搵新地方.

140215凍凍城門河畔

大細媽話成星期受冬季季候風影響, 溫度都維持在10度以下, 過幾日有海洋氣流取代, 會暖返些, 但今晚同星期日都有一兩陣雨, 又凍又濕, 濕身更凍, 行山就唔好了, 婆婆更唔會出來, 一於爭取今日行下城門河畔, 希望唔會好似上星期六, 行得個半鐘啦.

140210細媽生日

細媽媽, 今日係你生日, 我都知道呢年, 你同媽咪鬥忙, 鬥遲返, 但我都有吩咐媽咪提早返來, 買個蛋糕仔俾你呀, 仲係我最愛的芝士蛋糕 

祝細媽媽青春常駐, 身體健康, 咁我先可以常常坐呢架細媽號私家車, 一齊四處走

細媽媽, 生日快樂

140209微雨漫步城門河畔

昨日行左唔夠三個鐘就要上私家車, 都未放足電, 大細話今日起身無雨, 就行城門河畔半天.

我又好好運, 起身只又係天陰雲厚, 一於開個大飛扇, 吹走雲霧先.

140208新春團拜加二月之星

又係新春團拜及二月之星日, 加上係大姨丈大壽, 全家齊齊開慶祝.

140208深井半天行

一早約齊全家今日團拜, 而且又可能有雨, 所以細媽咪話去深井簡單行個圈, 下午上大姨媽家幫手做野食.

天陰雲厚, 細媽話唔駛戴太陽帽.

140203初四釣魚翁郊遊徑

新年假期第四天, 係媽咪最後一天假期, 大姨媽好早提過想行釣魚翁, 因為已經有成十多年無來, 唔知條路變化成點, 我地肯定奉陪.

大表姊要留家做功課, 二表姊今晚上鳳凰山睇日出, 大姨丈昨晚臨時有事要今日辦理, 得大姨媽一個人來咋.

140202初三叫鴨搭檯開年飯

今日初三赤口, 多數人係唔會去拜年, 行開山的, 都相約朋友出來行大運, 我地都係約返舊腳, 齊齊去三椏村搭檯. 今年仲多埋大姨媽一家㖭.

多人訂位食飯, 要訂 11:30am先得, 我地兵分三路, 先頭步隊迪蘇同得B快馬加鞭去搵定檯同叫餸菜.

140201初二戲後獅子會

行完大運翌日點好, 僅係睇新春賀歲片, 大姨媽一家都有興趣, 齊齊係 3D西遊記, 我唔識欣賞, 繼續在袋休息.

原計劃係睇完戲, 全家移去獅子會Hea 下, 點知女人聚埋就shopping, 二個表姊都有大收穫, 我戇居居等.
好彩都如我所願.