2013年10月31日

131031排新症


今日終於抽空下午去QE排專科新症, 好似劉姥姥咁周圍問, 點知搵對櫃台, 埋去一問, 新症最快要2015年5月先有, 又話醫管局已經實施分流, 叮囑我改去廣華, 可以安排到明年 9 月, 無法子, 惟有又步行去廣華.

終於, 排到明年 9 月 29 日, 即 47 星期 4 日後, 都好, 起碼唔駛等兩年 

返左屋企, 俾細媽話我, 我應該早多一兩年前排隊, 咪唔駛要等咁耐, 又可以早D有平藥食

但算啦, 起碼我已經行動, 唔駛等老都未搞掂

2013年10月27日

131027東區自然步道

昨日雖然唔係長程, 但天氣乾燥, 加上午間氣溫都有成 28-29 度, 都攰o架.
今日濕度高返少少, 都係黃色火災警告, 唔講得笑.

因為上年10月底都成日有雨, 搞到利小姐一年一度出巡都無左, 好彩今年天氣晴朗, 利小姐有街出喇

2013年10月26日

131026黃泥頭至大水井

等呀又等, 足足等了一年, 為左就係等芒草呀.

今日細媽晚上有約, 媽咪預左半日行程, 早些返屋企, 但我地慢摸摸, 我由黃泥頭起步時都已經 9:18am, 到起步點已經 9:38am

2013年10月20日

131020馬鞍山郊遊徑

昨日行石壁郊遊徑, 路程唔長, 但來回長途車程都花左接近 4 小時, 坐到傻, 今日都係行下西貢一帶, 都係方便多, 我地直接坐的士到馬鞍山郊野公園燒烤場, 行下馬鞍山郊遊徑, 始終太陽一出, 對我都係有熱, 唔可以在開揚地方行太長程. 



2013年10月8日

2013年10月7日

131007覆診日

又到覆診日.
DSC_6960

醫生睇完驗血報告都好滿意, ALT/SGPT 都係17 U/L, 但 HBV DNA仲驗到有64 copies/mL (13 IU/mL), 醫生話無問題, 即食藥已經能壓止病毒活躍度, 當然係驗唔到就最好

2013年10月6日

2013年10月5日

131005荃錦坳至大欖隧道轉車站

媽咪上星期知今星期六及日都會有好天氣, 心思思決定試下入秋長征, 原本計劃係行一處婆婆未去過的地方, 但又見煙霞勁, 又怕無樹蔭, 中午時會太熱, 改較舒服的麥理浩徑第九段起步.


2013年10月1日

131001國慶節在獅子會

今日國慶節, 只係一日假期, 昨日媽咪公司本來下午放半日, 最後大細媽都鬥遲返來呀...
明天又要返工, 為左大家有充分休息, 同準備今星期六入秋行山計劃, 我地揀去獅子會行下.