2017年4月30日

170430上窰郊遊徑

昨日一路玩, 大細媽一路商量今日去邊好.
本來諗住去香港仔水塘, 但過港島, 交通始終都長, 好耐無去西貢, 咪決定行下上窰郊遊徑囉, 又可以順便幫我買日用品.
點知一波三折.
1) 朝早 7 點半, 小巴站已經排長龍.
2) 入到西貢市中心, 幫襯開的麵包店結業了.
3) 坐的士, 快到北潭涌閘口, 又塞車, 原來有慈善號, 塞左好耐先到元五墳.

雖然, 最後要搞到 9 點先可以起步. 其實我仲未瞓.


2017年4月22日

170422婆婆又出場

上星期, 迪蘇媽傳來一張相, 話婆婆又出場.

 2015年12月初, 曾經幫姐姐影左一輯相來寫東周刊專題 : 秋冬行山, 人狗也健康, 我粉墨登場, 跑左好多轉.

今月, 姐姐又寫有關長者做運動的重要性, 於是就揀左一張有婆婆滿面笑容開心行山相來貼題.

170422陰天下大潭篤水塘

不穩定天氣, 唔想只行城門河, 都係來港島老地方好.


2017年4月16日

2017年4月15日

170415爛便便

甜甜午睡中, 俾細媽叫醒, 見媽咪換左衫, 又幫我梳毛毛同頭髮, 仲以為去街街, 點知坐完車, 伸頭一望, 又來呢度.
今日體重 5.7 kgs.


170415復活長假二之城河

本來見婆婆情況理想, 今日去遠D, 行下郊野.
點知昨晚, 我又痾爛便, 仲似有血混在便便中, 想去即刻睇醫生, 又爆滿, 最快今日下午.
今日只可又來城河畔行.


2017年4月14日

170414復活長假第一日

復活長假, 一連四日, 以往, 第一日都會去遠少少, 行下郊野.
但婆婆前兩日有腳水腫, 安全起身, 昨晚捉左佢去睇私家醫生, 醫生開多半粒去水丸俾婆婆消腫.
話可以等下月初廣華覆診, 一併同醫生講.
食多半粒去水丸, 有可能去多左廁所, 唔想留低婆婆, 我地決定第一日假, 都係行城門河.


2017年4月8日

170408香港仔水塘兜兜轉

又周末, 又話潮濕有幾陣雨. 唔敢去大欖深井, 又唔去城門水塘同大潭水塘. 
不如試下去好耐無去嘅香港仔水塘啦.