2015年3月29日

150329城門水塘賞帶唇蘭

我仲未瞓夠, 又咁早起身來城門水塘, 仲未回魂呢.

點知四周張滿靘花花, 立刻醒晒, 俾返個燦爛笑容.



2015年3月28日

150328鳳凰徑第九段石壁往水口

又晨咁早起身, 仲咁早來石壁水塘, 去邊呀 ?

原來上年, 大細媽睇電視, 見Yama Girl 介紹呢段路, 其實媽咪好多年前都有諗過, 但怕中途車走時無位坐, 見細媽想試下, 安掛左咁來, 一於未太熱時成行.

2015年3月26日

150326細媽與我在獅子會

今早起身, 細媽唔返工, 竟然話同我去獅子會玩.
原來佢要三月底前清大假, 咪安掛今日放, 原本佢打算係屋企同我休息, 但見天氣好, 都係忍唔住, 同我出來.

2015年3月22日

150322登高長征後 Hea Hea

登高長征後的翌日, 細媽話去獅子會, 瞓完A亭去B亭瞓, 瞓晒咁多個亭就返屋企附近食早午飯.
點知今早起來, 落毛毛雨, 都唔知獅子會會唔會過濕, 我繼續月媽咪懶床多一陣, 再入來沙田城門河行下算了. 

昨日係威係勢o既婆婆, 今日終於覺兩腿有點酸軟呀, 都好正常呢.

2015年3月21日

150321三度上鳳凰山,

一直以來, 媽咪都諗, 我同婆婆會唔會再上鳳凰山, 因為遲些踏入夏季, 再年紀稍大, 都唔適宜行.
事前做足功課, 雖然市區好熱, 但昂平及山上一帶, 因仍在春季, 唔會太乾燥, 唔會太濕, 溫度比市區低幾度, 加上有東北季候風來, 唔太熱, 唔太凍, 係好時機, 下星期或打後, 夏季來, 無機會了, 想多行一次都難安排.  

兩次都行 6 小時, 今日由 8:30am起步, 希望保持紀錄.

2015年3月16日

150316廣華覆診日

又到覆診日, 覆診時間係 3;15pm, 無地方好去, 惟有食完午飯, 兩點早些在廣華候診室坐下, 睇下手機, 睇下書.

今次係第三次來, 心情總係好緊張, 總係覺尿急, 個多鐘內, 竟然去左三次廁所, 又搞肚痛, 仲要肚瀉, 三次來, 三次都係咁, 唔通我有醫院候群症?????

今次驗血, 谷丙轉氨酶(ALT/SGPT) 係 17 U/L, 甲種胎兒蛋白係 2, 醫生話患癌指數機會好低, 維持食藥就足夠, 半年後再覆診. 

今次拎 24星期藥, 藥費係 $20.

下次係 12-8-2015 11:30am 驗血, 14-9-2015 2:00pm 見醫生.    


最失敗係, 唔記得問醫生, 我要唔要照超聲波, 俾細媽話我笨, 仲蝕左.

2015年3月15日

150315烏溪沙往渡頭灣村回大水坑

昨日長征完, 回家都幾攰, 天氣又潮濕, 媽咪懊惱今日去邊好.
細媽突然腦子叮一下, 話不如去烏溪沙心心喎.

好凍咩, 今早烏溪沙外的沙灘無人游水呀, 仲無乜人呢.

2015年3月14日

150314東澳古道

上星期, 媽咪睇報紙提起東澳古道, 想起係差不多時間, 襯天氣唔錯, 來次長征.

今次係第七次行, 但上次由大澳, 都未到深屈村時, 掛起黃雨及雷暴警報, 雷聲隆隆及大雨下, 折返回大澳, 都可以唔當一次.

2015年3月8日

150308重濕氣下的上窰行

媽咪, 又話向西好, 何解來東邊, 又重濕氣, 又大風, 好彩著左件衫擋頂下咋.

大媽 : 唔通又去城門水塘咩, 仲潮濕啦, 你又腳短, 行兩行, 全腳同肚仔又濕, 你又變震震B, 行上窰郊遊徑好過啦.

咁又係, 雖然厚雲, 又濕度又接近 95度, 但相信唔會有雨.

2015年3月7日

150307深井往小欖

初春, 靠東及高海拔都會多霧及濕氣重, 地滑, 不宜我同婆婆行.
所以, 向西行比較安全呀.

2015年3月1日

150301城門水塘開心行

十歲零一日大的我, 起身時, 竟然陽光照耀, 藍天白雲, 望獅子山仲好清楚, 唔係昨日咁灰暗天, 當然唔去城門河, 要來城門水塘啦.