170826帕卡來前

又到星期六喇, 今日當然又來行大潭水塘啦.

婆婆又係精神奕奕同我地一齊行.

起步時, 好好風.

但無耐太陽出來, 要立刻著返 cooling coat.

星期三俾天鴿十號風吹襲後, 好多樹木都吹斷了.

媽咪話又來個低氣壓成型, 會箊近影響香港.

以為似上星期咁, 熱空氣下沈, 點知唔係喎.

藍天又有涼風.

好舒服.

但我地唔可以 hea, 俾心機行.

落到霸底, 我見有水, 咪走去踏行, 點知一踏在枯葉時, 竟誤墮在水渠, 原來枯葉浮在面, 我以為係平地, 我在水渠掙扎, 媽咪遠水不能救近火, 細媽在我身邊狂笑唔救我, 搞到全身索晒水.

cooling coat 重左, 我又全身濕晒.

驚我行完都仲濕, 反正唔算太熱, 媽咪索性幫我除左 cooling coat.

毛毛乾得快.

怕似上星期六咁, 走左班車, 遲左返屋企.

我地要爽手快腳.

熱帶低氣壓已成熱帶風暴帕卡, 仲在 9:40掛起一號戒備信號.


都行完啦, 好似話稍後時間, 會改掛 3 號.

三號強風信號, 在下午8 時40 分發出 , 會在香港 200 公里內掠過, 唔掛除明早日出前改掛 8 號烈風或暴風信號, 究竟最後點呢 ?