200229狗生第四個29/2 生日周

食左幾日藥, 無瀉, 便便靚返, 加上天氣好, 好耐無來大潭喇.

今日係四年一遇潤年的 2月 29 日.

係我狗生第四個 2 月 29日呀, 咁昨日係我生日, 咁今日都一樣係啦.

200228 十五歲了

15歲了，雖然您無以前咁好精力，玩足一日，回家Zzz一晚，翌日又可以做山野小孩。

但我地會繼續與您及婆婆，在每個假日出外走，最緊要健健康康。 

我們的寶貝兒-家洛， 生日快樂🎂😘

200225軟便停不了

上星期五晚, 細媽去診所配藥返來, 食左幾日, 昨日仍然肚仔唔舒服, 痾軟便. 半夜又痾, 早上又痾幾次.

細媽剛好今日休息, 昨日早上已經約左今早來見醫生.

4/2 來睇腳瘡, 當日有 5.8 kgs, 今日係 5.7 kgs, 唔知係咪吸收唔到營養呢 ?

200223周日常步

雖然食左藥, 但藥效唔會咁快出現. 今日凌晨半夜, 都有兩次起身痾左少少. 

今日, 又係直接坐車來大圍起步.

200222回暖了

本來預左今日去大潭, 點知痾軟便, 大細媽怕我坐車途中又唔舒服, 所以都來返城門河畔.

200221又軟便

今早半夜時, 我想落床, 細媽抱我過媽咪房, 瞓左一陣, 我跳地, 媽咪估我想去廁所, 咁我真係想去呀, 仲痾左好大篤軟便, 因為臨瞓前, 拆左橡筋無紮起, 好多軟便黐屁屁毛, 媽咪要幫我清洗同吹乾, 梳毛紮辮, 餵我食止瀉藥, 跟住一齊安心瞓.

瞓到接近四點幾, 我又想落床, 今次, 我想過細媽度. 

天光, 媽咪先出門返工, 我又有軟便, 好彩紮左辮咋. 細媽怕我止唔到瀉, 午飯時段返來餵我食多次藥, 婆婆話俾佢知, 我仲痾左兩次. 細媽馬上叫媽咪打電話去診所問, 可唔可以配藥.

200216冷風冬季季候風南下

昨日返去在和暖下沖涼, 昨晚就突然大狂風大雨.

以為今早會好凍, 但唔係想像咁囉. 婆婆怕凍, 唔肯出來, 惟有我地三母子出來行下. 

200215腳癒行得好輕鬆

食晒藥, 腳仔傷口都埋左口, 今日可以自己行下.

200209攰豬日

又到周日, 昨日瞓唔夠, 今朝唔想起身.

來到大圍, 我直情唔願落車.

200208元宵步

又到周六, 原來今日係元宵節, 但我地都係照舊來城門河行下.

出門時, 全家戴口罩, 來到城門河, 人較少, 全家除下口罩, 呼吸下新鮮空氣.

200204腳瘡看醫生

細媽 : 家洛, 起身喇. 梳毛後, 食早餐, 要出門呀.

200202何解腳拐拐

昨晚, 我行路, 後腳拐拐吊起, 大細媽以為我跳上跳落或早上行城門河時整到.

後來, 媽咪掂我左後腳, 我腳縮起覺痛, 先發現在大肉球旁, 長左一大粒肉粒, 好紅好腫, 

怪不得咁痛啦, 都咁夜了, 惟有睇下下步可以點.

大細媽都以為係之前生出來的肉粒, 但呢個位置做手術都幾煩呀, 而且又要麻醉.

今日起身, 媽咪準備幫我梳毛, 放我在櫃上時, 發現有血水在毛巾上, 馬上叫細媽, 一齊睇清楚, 原來唔係肉粒, 係生左粒大瘡, 今日爆左, 流血水.

媽咪立刻拎火酒同棉球幫我消毒, 原來仲有膿, 仲有黃白色硬膿呀. 

媽咪叫細媽抱緊我, 佢幫我放膿, 盡量把膿水除清, 同馬上消毒.

200202三腳日

今日暖返少少, 我地堅持同婆婆出來行下.

200201寒冷天氣警告取消

年初四, 因為凍, 婆婆無出來, 仲要一連凍幾日, 細媽怕去遠D, 婆婆未必肯郁, 所以,昨晚都提話今早瞓醒, 去城門河.

今早, 婆婆起身, 無著羽絨背心, 都估佢應該肯出來.

今日直接坐車來到城河道公廁落車, 等婆婆方便後, 行得安樂.