170827又八號風波帕卡

唉, 無眼睇, 朝早 5:10就掛起 8 號東南烈風信號, 黃雨仲一齊掛.

起初話帕卡唔係太勁, 最多只有三號風風力, 想唔到突然強勁起來, 朝早想玩個城河快閃都唔得.

昨日等今日運到, 我跌落水渠濕晒, 返屋企都係簡單洗手腳, 抹下身, 諗住今日都會玩濕身.

點知, 無得晨步, 媽咪醒左, 就要幫我洗白白.

 唔洗唔得, 無可能污糟豬到下星期.

肉隨鉆板上, 洗完身, 又可以有雞乾做獎賞.

13:40改掛三號信號, 8 號室今早掛左 8.5小時, 但一整日都無左了.