細媽有假期, 識自行預約, 今日下午放假帶我去打針.
我見佢下午返來, 又拎私家車出來, 我開心跳上車, 點知中伏.
明明早幾日, 在家上磅, 減到 5.7 kgs, 唔明點解到診所, 竟然磅到 5.9 kgs.
今日見陳醫生, 因為羅醫生半退休, 少應診, 而我又鍾意姐姐多D, 可能覺姐姐溫柔啦.
入房, 醫生睇資料, 竟然無瘋狗針記錄.
細媽即問媽咪, 媽咪上網睇 Blog, 原來, 我個牌仔在 4/8/2017到期, 8 月時, 媽咪收到短信提示, 但佢只記得我要 10月中打年度預防針, 唔記得 3 年前 8 月 4 日, 因為我驗血報告唔太好, 醫生怕我受唔住, 建議分開左瘋狗針及預防針來幫我打.
唉, 原來我變左無證毛孩兩個半月.
細媽為安全起見, 年年都同我先驗血, 如果驗血報告唔理想, 就要分開來打, 首要先續牌仔.
亦有幫我檢查下眼仔, 頭頂粒水瘤同腳趾肉瘤.
醫生話頭頂粒水瘤無事, 腳趾肉瘤都可以唔埋.
報告出啦, 醫生話蛋白偏高, 應該係我少飲水, 血小板偏低, 似因為太緊張. 仲問我係咪食老狗糧. 細媽回佢係自家煮, 醫生叫可以加多些水. 其實我餐餐都係食水飯.
可以一次打齊兩支疫苗, 但今星期唔可以出怕, 因為怕弄污糟要沖涼而濕到傷口, 亦怕我打完兩支針會攰.
下次續牌仔, 我已經係 15 歲了. 希望媽咪唔好又忘記.
終於在驚慄下, 安全步出診所, 快回家.
沒有留言:
張貼留言