171014真秋 - 東區自然步道

熱帶風暴卡努與東北季候風的共同影響下, 起身好清涼, 婆婆見太涼, 怕去大潭水塘回程時, 急尿尿, 臨時話唔去, 我地都唔勉強, 惟有三母子行啦.

今日見好多著晒行山裝跑山人.

原來今日係雷行衛徑長征, 最長係來回共 160 公里.

我地 7:25起步.

行行下, 大軍出發.

嘩, 衝落來.

我行埋一邊避下.

今日厚雲, 又有風, 好舒服呀.

季候風到，留意儀容。

熱帶風暴卡努與東北季候風的共同影響下, 會係點?

講唔清楚, 去片啦.

因為婆婆無來, 大媽突然諗, 行上大風坳.

細媽和議, go go go.

我同細媽一馬當先.

媽咪久休, 在後面追我地.

我同細媽好快上左來, 媽咪, 追追追, 鬼叫佢又玩相機同手機咩.

睇返資料, 原來我地真係好耐無行呢度, 對上一次係 21-11-2015了.
但我仲記得有石級行上呢個涼亭, 雖然石級有兩級爛左, 漁護署圍左石欄, 我仍堅持行.

在涼亭, 有四位嬸嬸同伯伯帶左好多食物來, 見到我地在石級上來, 已經話請大細媽食小米馬蹄糕, 佢地一人都食兩件, 好好味, 嬸嬸同伯伯約大細媽, 下星期六同樣時間來, 話會有另一款甜品.
可惜, 無我份呢.

佢地食飽飽, 又繼續.

到大風坳, 唔太大風. 但聽到山上有喧嘩叫聲, 似在打氣.

都無諗到咁快上到來.

唔留太耐.

少有唔太風.

兩年無行, 仲係咁靚.

大細媽驚我咁耐無行遠路, 又落又上, 怕我攰.

我不知幾咁好精神.

仍有心有力.

仲識擺 pose.

遠遠一線藍天, 太陽應有機會破雲出來.

快出到英皇道, 三母子剛好行左 3 小時.

上到車, 一號戒備信號在 10:40am 掛起.

我地返屋企, 叫埋婆婆食午餐, 午睡.

颱風明早下午, 會在200多海里外掠過, 起身時, 要睇天氣了.