2014年12月31日

141231Fibroscan肝纖維化掃描

141017到廣華做肝纖維化掃描, 得出結果係 5.4KPa.
為求證, 我在24/12自費去做多次, 當日問姑娘, 都知係 4點幾左右, 但都要等醫生同我講.

今日去見許醫生, 佢在醫療病歷互聯試驗計劃中, 睇我在廣華的驗血報告, 仲幫我打印出來.
肝纖維化掃描結果真係 4.9KPa, 即健康肝的軟熟度.
以前報告:
14/11/2008 : 8.3 KPa
11/11/2010 : 10.7 KPa
21/12/2012 : 14.0 KPa
17/10/2014 : 5.4KPa 

佢話食藥效果好好, 佢贊成病人在政府醫院拎免費藥, 始終食藥係終生, 所以, 我覺得呢位醫生好有醫德, 唔會為賺錢而留下病下. 

原來我最後一次在111101打聚乙二醇干擾素針, 雖然針療失敗, 但藥效會一直持續, 加上我食埋藥, 更能雙管齊下內, 將病毒壓抑及減少, 長久時間, 肝細胞健康生長, 係可以咁.

但我在 8 月中的公司驗身檢查時, 超聲波報告係有輕度肝硬化, 當然, 肝外表係滑, 係粗糙, 無陰影. 許醫生話以前肝炎持續, 舊疤痕成型, 係唔會消失, 只要定期照超聲波, 檢查有否出現肝癌就得. 因我仍有機會出現肝癌, 但食藥後, 已把機會率大大降低.

肝纖維化掃描同超聲波, 原來係有不同作用, 所以, 如果 3 月在廣華覆診時, 廣華唔安排我照超聲波, 我可以在 8 月份返診所自費照.


2014年12月28日

141228退役行

四日假期, 在陰天下, 快結束.
昨晚又整夜雨, 朝早成地濕, 我地又瞓到好遲先起身.


今日凍都要沖涼, 媽咪佢地話唔食早餐, 來沙田城河行圈就算.

2014年12月27日

141227吐露港漫遊

今日第三日假, 無安排下, 瞓醒食個早餐先.

見今日比前兩日雲厚, 又未見有雨, 又唔想又行城門河畔, 於是我地入來大埔, 打算沿吐露港行去馬鞍山大坑.
點知一落車, 有些雨粉, 好似帶定雨衣, 希望唔會越落越大

2014年12月26日

141226 Boxing Day, Happy Day

過左聖誕, 緊接就係 Boxing Day, 天氣不穩, 我地唔敢行山, 今早瞓到 8 點半先起身, 食個豐富早餐, 開開心心, 來城門河畔行下.

2014年12月25日

141225聖誕晚宴

急住返家, 因為要快快沖涼梳洗, 我地約左大表姐, 原先佢都同我地行山, 但佢臨時又幫大姨丈當工作人員咋.

大姨媽都係比賽完, 回家休息, 再出來同我地食聖誕大餐.


媽咪好忙, 無影晒所有美食.

141225四小福遠足慶聖誕

早前提起, 咸田安記士多雞翼好好味. 迪蘇媽及Kathy 提議組團叫雞.
婆婆行得慢, 唔可以同佢地同步, 惟有先行早到, 早些出發.

今日比原定遲左.

2014年12月21日

141221城門大城石澗旁

大姨媽昨日做完工作人員, 今日清閒, 跟埋我地來城門水塘.

上次同大姨媽 hea, 佢提過唔好咁悶, 轉入山徑行回頭, 果次, 我地無準備, 唔想行, 今日就跟佢提議, 行下啦.

2014年12月20日

141220大棠賞紅往小欖

昨晚臨瞓前, 都係雨未停過, 大細媽都打輸數, 連行山背囊都無執, 打算今日去沙田行單車路咋.
我今早 5 點幾叫細媽起身, 佢懶床到差不多快 7 點, 開窗簾一看, 係見藍天, 地下乾晒, 即刻叫埋全家起身, 快快手梳洗, o拿o拿臨出發今日原先行程.
我地坐的士上來到大閘前, 9 點左右抵達, 大棠路無警察, 無封路, 停車場仲有好多空位.

我地坐車時, 好多人沿大棠路上來, 比我地往日來行山時, 多了些行山人.

2014年12月14日

141214半走城塘緩跑徑

今日又晨早短線行, 大細媽又問A餐定B餐, 最後決定A餐又自選....
即係點呀 ?
次次去菠蘿霸果邊, 今次就半走緩跑徑.

原來今日係仁濟慈善步行, 我地坐車入來時, 已經有好多警察在城門道擺路障, 幸好我地早來, 的士仲可以上到麥徑第六段尾的燒烤場.

2014年12月13日

141213龍仔梧園萬丈布大澳

梧園係媽咪一直想帶我地再去的地方, 我仲細時, 曾跟大姨媽一家, 由東涌行上昂平, 再沿昂平路, 深屈道, 羌山道, 行無行人路車路來到羌山引水道, 大姨媽話近些, 唔駛兜入山徑, 果次都幾驚.
早前睇電視, 又觸起大細媽想再去梧園同未去過的萬丈布, 大姨媽又有興趣, 約埋今日成行.
今次直接來到羌山引水道, 又係羌山郊遊徑起步點.

起步大合照.

2014年12月7日

141207上窰郊遊徑

星期日係例牌短程 hea 日, 連續幾星期都去行城門水塘蝴蝶園果邊, 見天文台預告, 今日都只係有點雨, 一於改來上窰郊遊徑.

到元五墳個涼亭, 行出幾步, 想話影張相o者, 屎唔屎咁大風, 吹到險些企唔穩, 諗住今早暖左些, 無著褸, 立刻又變了震震B.

2014年12月6日

141206東區自然步道

前一、兩日都有雨, 而且又凍, 又怕地未乾透, 為婆婆安全計, 我地唔會行山路, 好耐無去港島行, 一於行東區自然步道啦.

仲以為在陽明山莊會有強風, 又唔算勁風, 但都唔久留.

2014年11月30日

141130早步在城門

昨日行大運, 昨晚攰到不醒人事. 翌日活動, 當然又係 hea下.
想去玩, 我仲係睡眼惺忪樣.


2014年11月29日

141129三椏村嘗鴨日

今星期預告幾日有點雨, 本來無計劃, 點知下周冷峰來, 仲會有多雨, 原先下周的安排, 咪提早今日, 反正都係我地自己, 去邊好隨意.
來到烏蛟騰, 去下廁所, 都搞到8:47am先起步.

見我嗎 ?

2014年11月24日

141124覆診日

今日到期覆診睇驗血及肝纖維化掃描報告, 診金全免.

醫生只係話報告唔錯, 肝酵素正常, 病毒數量低水平, 癌症指數係低, 甲狀腺指數無問題, 肝纖維化掃描報告, 顯示肝臟良好. 
報告唔可以俾我睇, 惟有問, 得知谷丙轉氨酶(ALT/SGPT) 係 22 U/L, 肝纖維化掃描指數係 5.4 KPa, 即我上次無睇錯.
16 個星期後, 即16/3/2015 3:15pm 覆診.

2014年11月23日

141123與大表姐巧遇在城門

昨日長征, 今日又係養生日, 所以又係來城門水塘慢活.

上到引水道緩跑徑, 原來YMCA有長跑賽事, 突然見大表姐走來, 原來佢當工作人員, 剛好望到我地, 我開心到爬上大表姐腳打招呼, 本來想影張相, 點知後邊有人叫佢有事辦, 要立刻回崗位, 我即時有點失落.

2014年11月22日

141122大欖涌郊遊徑回大欖隧道轉車站

呢幾年, 常常來大欖水塘一帶行山, 每次在午餐位, 都見一條郊遊徑, 媽咪想行好耐, 但見得 5.5公里, 都要 4 小時, 上網見其他人行山 blog及郊野樂行資料(如下), 知在開揚山脊又上又落, 必須查清天氣, 有雨或太熱都不適行, 所以一拖再拖, 終於決定今日實現心願.

路線簡介 
難度:4/4 全長:5.5 公里 需時:4 小時 
起點:馬鞍崗護理員站崗 終點:吉慶橋

[此路線起點在大欖隧道口(元朗段)馬鞍崗護理員站崗。初段沿著山徑上290米之高山,再而跨過山巒起伏的山脊向七渡河進發,上高落低,中途有小段路徑沙石浮滑,是體力的考驗。上山期間可遠眺元朗盆地、錦田及八鄉優美景色、自然純樸風貌盡入眼簾。遠處掌牛山為古時放牧耕牛用之地,雖土地依舊,但已不見牧童與耕牛。 從山頂直落林道抵達七渡河進入麥理浩徑第十段。七渡河是大欖山區數條溪流的交匯處,後來為方便行旅,由當地人集資建吉慶橋,並於1950年代建水塘時重修。該橋位於大欖涌水塘最北的位置,亦是主要的溪流注入之處。]

媽咪都諗過, 由大棠燒烤場起步, 逆行由 C6412起步, 在馬鞍崗大欖隧道轉車站走, 定由大欖隧道轉車站起步, 咁行晒全段郊遊徑後, 又要考慮行一大段路離開, 最後決定順行, 跟住以最短路線, 由河背段引水道返回起點位.

2014年11月15日

141115荃錦坳至深井

媽咪去日本立山黑部玩左 5 日, 原本出發前已經計劃今日行程, 細媽都有 whatsapp媽咪報告天氣, 以為天多雲, 會好舒服, 點知媽咪昨晚返來時, 竟然落雨, 計劃告吹, 咪瞓醒先算.
細媽起身時, 望望天, 嘩, 係無雲呀, 媽咪話不如由荃錦坳行去深井啦.
今日係毅行者第二日, 大部份人都會抵達麥理浩第九段, 呢段路闊, 我地唔需要走埋一邊讓路.

媽咪怕山徑經昨晚雨水變泥地, 我地決定只行石屎車路.

2014年11月9日

141109輕遊單車路旁

昨日悶爆, 細媽都唔想見我苦面樣.
昨大半日雨, 都唔考慮其他地方, 問婆婆想行荃灣城門定沙田城門, 婆婆拍板去沙田.
邊架車來, 就由邊度起步.
於是轉眼來到大水坑.

氣溫得20度左右, 又有風, 又有雲, 今日笑返晒.

2014年11月8日

141108在雨下

昨日開始下雨, 媽咪都懶得諗去邊.
今日瞓到將近 9 點, 見地都乾左, 於是去哥哥度食早餐.

大份早餐又點吖, 無我份.

2014年11月2日

141102城門水塘輕步

媽咪腦袋開始偷懶, 唔諗新地方, 今日又係來城門水塘.

媽咪 : 唔係唔諗, 係睇天氣, 昨日上大帽山, 我地都快閃, 仲係熱呀, 呢度幾好吖, 又近, 又係郊野, 又樹蔭, 一定唔會曬親你.

又係呀, 熱得滯, 我都無心情玩, 咪又係周圍搵樹蔭.

2014年11月1日

141101大帽山下川龍

上星期, 媽咪已計劃今日上大帽山山頂, 一係落鉛鑛坳轉去菠蘿壩, 一係落川龍.
大姨媽又得閒, join埋一齊玩.
但媽咪擔心 A 計劃太長, 佢自己體力不足, 而且途中無樹蔭, 又怕我熱, 都係留下次.
我地接埋大姨媽, 直接上到大帽山停車場, 偷懶唔由荃錦公路上.

我地落車, 見幾架報館及報紙探訪車, 問一問, 原來有人掛左"我要真普選"橫額在大帽山, 於是, 我地急急行上去.

2014年10月27日

141027抽血日

今日, 第一次在廣華抽血, 一路排隊, 一路緊張, 龍好長, 有 6 個工作人員負責抽血, 有義工安排秩序, 流程好快.
坐低, 對身分證, 注射員拎左 8 支試管出來, 我嚇呆, 咪問: 抽咁多支? 
注射員搞笑話: 係呀, 賣大包, 明益你. 可能我係要特別血液檢查啦.
以前都係抽一次, 姑娘分別再注入兩至三支試管. 
今次插入一支抽血吸管, 再分 8次抽入試管, 一拮入, 幾鬼痛, 原來支針係會較粗, 我唔敢望呀.   
由排隊到走, 都係 15-20 分鐘, 真快效率奇高.
報告要等 24/11 覆診先知.   

2014年10月26日

141026城門賞蝶賞千層

昨晚, 三名女子一路嘈, 唔知今日去邊好. 昨日都好長征了, 我都攰到不勘. 今日又去獅子會, 婆婆話攰, 想行城門河畔, 又無新意, 細媽想到去蝴蝶園, 但咁多蝴蝶園, 即係邊度呀 ?
原來佢話係城門水塘果個, 菠蘿壩小食亭沿畔塘徑行, 唔入泥徑, 好過行城門河畔.

起身時, 仲未瞓醒, 我都鬧話過媽咪梳毛整痛我, 但呢刻已經精神晒, 唔知D能量可以維持到幾耐.

2014年10月25日

141025大浪灣遠足徑

 5 月中去大浪西灣時, 好多位有山泥塌下, 由北潭坳赤徑上大浪坳都有塌泥要維修, 成個暑假都無去大浪西灣玩. 媽咪話下月14日毅行者, 全段路都應該大致修好.
今日密雲, 有幾陣雨, 都怕雨灑在頭頂, 行大浪灣遠足徑, 全石屎路, 唔怕.

我地都試過中途腰斬, 真係大雨咪見步行步.

2014年10月19日

141019長征後

無心理準備及無充足操練下長征完, 媽咪怕我太攰, 快十歲, 唔可以一下子玩盡, 要留力, 今日唔晨運, 來獅子會玩下算, 其實都係媽咪做借口咋.

獅子會門口, 洛神花開了, 部份更結了紅紅果實.

2014年10月18日

141018騎虎難下之荃錦坳/白石橋/甲龍古道

上星期, 婆婆提議行甲龍林徑去雷公田牛奶公司食撞奶, 點知早兩日, 大姨媽想約埋一齊行, 我地話咁在荃錦坳附近行下, 先落去甲龍林徑.

大姨媽有備而來, 佢話有地圖, 無有怕, 先行荃錦坳自然教育徑.

2014年10月17日

141017肝纖維化掃描日

預約了今日下午二時到廣華醫院做肝纖維化掃描, 又係傻傻下搵入院登記處, 職員辦好登記, 叫我上東翼10樓等.
東翼 ? 即係邊度 ?


直出急症室, 見對面係南翼, 咪向右轉, 90度位, 竟然係北翼, 真怪, 再向右行, 原來急症室係東翼...
諗下, 即係先搭升降機上十樓先啦.
上到見係東翼, 門口上方有感應器, 仲係自動門啦, 咪企在門前, 竟無反應.
有個職員正要入去, 佢話係按制, 激屎.

約 2 : 30pm, 終於到我入內做掃描.
我卧在床, 眼望儀器屏幕, 見醫生第一次掃 , 數據不斷跳, 竟係盤迥在 8.4 KPa, 我心諗, 指數低左咁多

第二次點另一個位, 指數係 5.4 KPa, 咁低, 難以置信

2014年10月12日

141012赤徑輕鬆早操

昨日在高溫及樹蔭下, 玩左 6 個半鐘, 都好夠.
昨晚黃家三女子又商量今日去邊好, 婆婆竟然識提出行邊度, 但佢個提議係落好多石級, 今日行左咁耐, 俾媽咪否決, 佢話改下星期行呀.
唔想又去城門河或獅子會, 想起好耐無去赤徑, 都係行石屎路, 一於拍板.

未夠 8 點已到北潭坳, 我仲未瞓醒, 睡眼有點惺忪.

2014年10月11日

141011大棠半走圓墩郊遊徑往深井

上星期, 媽咪見預告有季候風來, 今日會多雲, 間中有陽光, 有早上可能有些驟雨, 咪即秋風送爽, 於是安排半長征, 由大棠經楓香路, 半走圓墩郊遊徑返深井.

 清早收到大姨媽電話問我地去邊, 佢要返工, 但可以早走, 佢想拎厚外套用品俾媽咪遲些用, 話稍後聯絡我地.

2014年10月8日

141008打針日

轉眼又一年, 我今日又要來診所打混合針, 今日由細媽請假同我來.
出門前, 細媽盡量餵我多飲水, 希望驗血報告好些. 

嘩, 一上磅, 5.8 kgs, 比 4/ 8 續牌仔時, 又重左 0.1 kgs, 但上年打針時, 都係 5.8 kgs 呀.

2014年10月5日

141005短遊城塘

今日真係好天, 但又怕晏了會熱, 媽咪話唔去獅子會, 細媽贊成又行城門水塘短遊.

8 點陽光仲可以接受.

2014年10月4日

141004輕鬆晨運

昨晚不停聽有雨聲, 大細媽都唔駛花精神諗, 今日去邊好.
細媽今早唔知醒, 我又叫遲左佢, 好彩都趕上頭車.

起身時, 地下都濕, 到小瀝源, 四周好乾爽.

2014年10月2日

141002 Hea Hea 在獅子會

昨日晨運, 雖然只係行左三個半鐘, 比平時晨運行多一個鐘, 行耐左點o者, 唔知係咪後段有些曬及點點熱, 晚上仍然覺攰, 唔通我年紀大左, 回氣慢......
日間天氣仲熱呢, 今日都係去獅子會 Hea 下算, 留力今星期六及日.

紅花盛放, 代表我心情.

2014年10月1日

141001晨運在黃絲帶路

半夜雷雨轟轟響, 都幾擔心在外一班為未來爭取而通宵留守的一群.
幸好, 雷雨快走, 細媽見無雨, 都叫醒我地, 早點出去晨運.

原本大姨媽都問我地今日去邊, 但都預報有驟雨, 約會告吹, 我地都係行下晨運算.

2014年9月29日

140929眼覆診

今日除左去睇廣華, 仲順便去眼晴覆診.

開大瞳孔, 我左眼間中出現的閃光, 係玻璃體退化, 醫生望過眼底, 佢話視網膜無事, 只要定時檢查及留意視網膜脫落的先兆, 及時做手術就得.

預 4 個月後覆診, 即明年一月尾, 記低先.

140929新症日

上年10月31日, 決心去政府醫院排新症, 等了 47個星期 + 4日, 預約日子終於到了.

真係劉姥姥式, 我先到地下詢問處, 原來政府公務員或有資助人士先要去登記櫃位拎籌, 其他人就用掃描機拎籌.

2014年9月28日

140928操後閒休

我知今早又出動, 早起身都無問題, 但昨日開始練腳力, 弱兵媽咪起身時, 小腿仲有些酸軟, 我就好好精神.

細媽怕我同婆婆年紀大了, 都係一日長程, 一日閒遊, 而且仲係午間仍熱, 都係來獅子會轉一轉算.

2014年9月27日

140927與大姨媽練腳力

秋來了, 要練返下腳力, 今日有大姨媽陪埋一齊, 我地慢活行, 選擇由城門水塘燒烤場起步, 行車路往大埔.

嘩, 今日真好天, 但似無乜風.

2014年9月21日

140921繞城門水塘熱身

見秋風起了, 涼涼地, 一於早些出發, 打算跟上星期日行程行.
未夠 8 點已經到, 今日無上星期咁曬, 媽咪提議繞水塘一圈, 都係半日, 於是急急在燒烤場買多支水, 唔怕中途缺呀.

雲厚又多, 真係跑都唔會氣喘.

2014年9月20日

140920黃昏行

又等左六日, 今日雖然係細媽長週, 但佢話碌削我出街權益.
媽咪今早入左元朗同珍妮姐姐及毛毛食早餐聊天, 預到差不多時間, 就來小瀝源同我地匯合.

2014年9月14日

140914半走城門水塘

上星期, 媽咪問細媽, 今星期六日去邊好, 細媽本打算昨日行城門水塘, 但昨日凌晨有雨, 所以改計劃咋, 否則又獅子會, 又幾無新意.
唔敢摸黑來唸度, 所以我地遲些, 未夠 8 點抵埗.

晨早 8 點, 陽光已經升高, 我好興奮跑, 大兔耳就俾我狂奔勁風下吹甩, 惟有改戴另一頂無咁阻風太陽帽

2014年9月13日

140913大水坑晨運起步

入秋, 太陽開始偷懶遲起身, 今日6:09am先肯升起, 但我地 5:52am , 已經在等車.
幾驚起身時會狂風大雨, 又好好彩呀.

大細媽話濕地時, 小瀝源村行出來時, 蚊子較多, 見早上唔會太多人駕單車, 又唔曬, 估我唔會行出去單車路避陽光, 一於今早由富安大水坑起步.


2014年9月9日

140909獅洛樂

雖然昨晚賞月夜歸遲瞓, 但今日係公眾假期, 點可以錯過.

我一抵埗, 整頓好, 已經好熟路行去楓香樹下.

2014年9月8日

140908中秋人月兩圓

今晚中秋, 難得大姨媽有興致, 我地約埋出來食飯過節.
有我當然只可去大排檔, 但檔主安排左個冷氣出風位俾我, 好體貼.