141115荃錦坳至深井

媽咪去日本立山黑部玩左 5 日, 原本出發前已經計劃今日行程, 細媽都有 whatsapp媽咪報告天氣, 以為天多雲, 會好舒服, 點知媽咪昨晚返來時, 竟然落雨, 計劃告吹, 咪瞓醒先算.

細媽起身時, 望望天, 嘩, 係無雲呀, 媽咪話不如由荃錦坳行去深井啦.

今日係毅行者第二日, 大部份人都會抵達麥理浩第九段, 呢段路闊, 我地唔需要走埋一邊讓路.

媽咪怕山徑經昨晚雨水變泥地, 我地決定只行石屎車路.

沿途多參賽者及陪跑打氣朋友, 佢地讚我識戴太陽帽, 夠醒目.

想唔到今日變藍天呀, 但原來計劃路線都係涼些及雲多日子先適合行.

細媽 : 洛B, 太熱都係揀有樹蔭路行, 最緊要你行得舒服.

大細媽話去邊度, 我都唔識點分, 但我都好投入玩.

我世界好簡單, 有街出, 有無影到靚相, 關我乜事.

媽咪話就係想我地開心行, 放棄了拎大杷機, 佢又唔駛拎咁多重野.

影到靚相, 咪係媽咪拎到 Bonus lor

明知人多, 我地行去另一個廁所位, 無人幫襯, 唔駛等, 又乾淨.

大踏步, 精神足.

到分岔位, 已經見好多在涼亭休息, 留返個廁所俾參賽者/行山人同單車友.

左好定右好, 決定轉右, 離開麥徑向清快塘走.

呢邊少人行, 越野單車都較少.

成11點半, 在無擋的路段, 照在背都開始熱.

暫時都無問題, 因為大細媽一路摸我耳仔同背仔.

曬咪行快步, 走到有蔭位置, 咪停低等lor.

我仲以為今次醒目, 以為媽咪會轉去田夫仔添.

原來係想行去深井咋.

突然細媽大叫, 原來有條小蛇橫行過車路, 我地停下, 等佢快步過, 否則俾其他人發現, 怕佢有危險.

到清快塘村前的小徑, 多左個清晰指示牌, 媽咪估係喜香農莊莊主自制.

都係12 點 40 分, 仲早, 一於行長少少, 唔即落清快塘, 向青龍頭方向行, 由另一邊落深井.

幫我影相, 原因只得一個, 就係影低我開心享受行山樂.

我咪配合下, 順便賺下more勞費.

隨便 snapshot, 張張都係笑相.

我今日無扭計, 因為多木櫈, 多機會自己搵機會賺more勞費, 大細媽成日問我點識, 當然唔話你知.

回眸一笑, 姿態美妙.

到管理閘口, 又係唔見伯伯, 唔通佢退左休?
我第一次行呢度, 到現在都幾年, 伯伯都認得我地, 次次都傾幾句呀.

我地未食午飯, 唔準備在深井食, 都係又返屋企飯堂, 食得舒服呢.