141221城門大城石澗旁

大姨媽昨日做完工作人員, 今日清閒, 跟埋我地來城門水塘.

上次同大姨媽 hea, 佢提過唔好咁悶, 轉入山徑行回頭, 果次, 我地無準備, 唔想行, 今日就跟佢提議, 行下啦.

今日都係咁好天, 但樹蔭多, 無陽光都凍.

曬下暖D.

吸收多些陽光, 身體暖, 唔怕一陣行山徑.

水塘邊都咁大風, 褸都吹到反起.

不宜久留.

我地到廁所, 右邊有小徑上山, 仲可以行入大城石澗.

沿路在白千層下, 唔太難行, 今次係我地第二次行.

參天大樹.

到分岔位, 有小路入澗, 我地當然唔行, 大姨媽話入去轉轉, 轉頭搵返我地.
我地行前少少, 在溪旁等呀又等.

35 分鐘過去, 仲未見大姨媽出現, 我地好心慌, 媽咪返轉頭入小路出石澗搵大姨媽, 叫極無人回應, 媽咪又唔敢行石澗周圍搵. 一條路咋, 除非大姨媽自己行石澗, 但佢又無同我地提, 怕佢出意外.

叫又無人回, 電話又無網絡, 又無 walkie talkie, 最後決定行上山, 希望撞返大姨媽, 否則, 真係要報警.

全家心情低落.

路旁昔日梯田, 都無心欣賞.

終於, 大姨媽剛好由另一小徑鑽出來, 就在我地前面出現, 我地鬧爆大姨媽, 真係擔心死我地.

原來佢入澗後, 諗住我地會一路自已上山, 佢見大城石澗太靚, 自己由石澗上去匯合我地, 途中遇到行山人, 話見有 3 人 1 狗在路中等, 一路叫大姨媽, 估我地係一家人, 話俾大姨媽知, 大姨媽急急腳出返來搵我地.

好彩有驚無險咋.

大姨媽, 我地知你識好多路, 又跑慣山野, 下次唔好喇.

下次再同大姨媽玩, 都係拎個 walkie talkie 俾佢跟身.

全家齊齊整整, 行得開心返.

大細媽仲未食早餐, 唔好留太耐.

兩日假期又完結.

來緊聖誕四日假期, 好似有雨呀, 究竟天氣會否變好呢, 過兩日就更準確.