早前提起, 咸田安記士多雞翼好好味. 迪蘇媽及Kathy 提議組團叫雞.
婆婆行得慢, 唔可以同佢地同步, 惟有先行早到, 早些出發.
今日比原定遲左.
惟有急急行.
天文台話有雨, 希望行完先落.
佢地約 9 點在北潭坳出發, 佢地相信行緊落來.
剛好清潔廁所, 大細媽同婆婆浪費左成 20分鐘等廁所呀, 回頭望, 見到迪蘇同得得b 快行到廁所附近.
嘩, 咁快追到咁近.
婆婆唔想阻慢行程, 佢好努力咁行上大浪坳.
婆婆, 有聲叫我地呀.
迪奇呀.
我同迪蘇聯誼時, 得得b 都上到來.
咁快齊人, 一齊行了.
途中, 開始有雨, 當我地行到大圍村時, 雨好大, 迫住在士多小休等雨停.
得b : 好悶呀, 雨何時會停.
雨稍微, 唔等, 再快步去下一主力站 : 安記士多.
今日主菜係叫雞, 美味炸雞翼, 真係好正.
大人食飽, 我地又繼續行咸田灣.
仲有些雨, 媽咪怕我又凍親肚仔而嘔, 著返雨衣.
大家跑沙灘最開心.
夠了, 又上山向西灣進發.
又上山, 婆婆又會慢了.
因迪蘇得兩家無帶遮, 大細媽叫佢地行先, 唔好等龜速婆婆.
雨又大了, 細媽怕我濕了會太凍, 我都係上返私家車.
西灣喇, 見到佢地已經過晒沙灘.
我地唔急, 因相信有村巴走.
到海灣茶座, 又遇返佢地, 原來佢地快步, 又食埋豆花.
我地又同步了, 但行斜路, 婆婆又慢了, 都係注定食佢地塵 XD
雨不停, 又有些風, 我又變震震B, 都係坐私家車算.
整遍山野, 都開滿山茶, 濛朧下, 好靚.
到西灣亭, 我地又同迪蘇得相遇返, 仲可以齊齊坐車走添.
快快返家, 因為今晚, 我地又有約會呢.
沒有留言:
張貼留言