141025大浪灣遠足徑

 5 月中去大浪西灣時, 好多位有山泥塌下, 由北潭坳赤徑上大浪坳都有塌泥要維修, 成個暑假都無去大浪西灣玩. 媽咪話下月14日毅行者, 全段路都應該大致修好.

今日密雲, 有幾陣雨, 都怕雨灑在頭頂, 行大浪灣遠足徑, 全石屎路, 唔怕.

我地都試過中途腰斬, 真係大雨咪見步行步.

按天氣情況, 有雨機會好微, 只係怕太陽猛咋.

媽咪話, 今日去咸田灣食個早午餐, 仲一路講安記士多的雞翼幾好味.

我無份, 但有份開心行.

向咸田前進.

婆婆開始叫救命.

努力啦.

上山中途, 經過塌泥路段, 原來面積真係好大.

超級長命斜, 婆婆大墮後.

總會上到最高位 : 大浪坳, 今次唔近距接觸蚺蛇尖.

按正常路行, 始終都係剛開始練腳力咋.

蚺蛇尖, 唔知大細媽會唔會又傻下再玩多次呢

又另一大範圍修緝路段.

不經不覺, 又到大圍村.

10:45am, 仲好早咋, 似乎食飯又好過份.

最後, 都係決定唔留在咸田灣食, 等返回屋企附近飯堂, 食得更舒服.

條橋無左一段, 又少了扶手, 我地要小心過.

本來叫婆婆兜大圍, 佢又懶, 又怕過海.

好彩, 佢都成功, 無墮河.

好耐無跑沙灘.

一腳踏沙, 已經唔記得阿媽姓乜.

爽爽.

雖然今日天濛濛, 同蚺蛇尖及咸田灣無一張清楚合照, 唔緊要, 來日方長.

努力上, 攀呀攀.

又來到大浪西灣, 海岸線同地型又變了, 但一樣咁靚.

無晒垃圾, 無晒爛樹枝, 無晒碎石, 但連大浪西灣狗地都無了, 好耐無見佢地.

12:30pm, 之前應承話唔在咸田食午餐, 最多在西灣食碗豆花, 本來媽咪想唔食, 快快完成行程.

但婆婆為食, 炸型, 咪順下意.

婆婆, 食左豆花, 有血糖, 唔好 hea.

過埋吹筒坳, 好快到西灣亭.


但仲係行極都唔見婆婆, 有無咁慢.

行一段, 望回頭, 仲未見婆婆影.

原來佢一路行, 一路頭屈屈, 一路搵成熟山稔來摘, 怪不得, 以為佢攰先慢, 激屎.
好彩有的士等客, 我地唔駛等, 快快趕返去, 全家要醫五臟廟呀.