141005短遊城塘

今日真係好天, 但又怕晏了會熱, 媽咪話唔去獅子會, 細媽贊成又行城門水塘短遊.

8 點陽光仲可以接受.

過大霸時, 剛好有遮蔭位.

暫時, 我同婆婆仲係好精神樣.

今日早上有 24 度, 有埋樹蔭, 幾舒適.

今日緩跑徑, 條泥路都濕濕地.

咁咪仲好, 無熱氣由地面蒸上來, 婆婆唔熱, 就笑得鬼馬, 否則會變臉.

嘩, 藍天下, 高山層層疊疊.

婆婆都主動要影單人相.

今早十一點, 蝴蝶園有活動, 婆婆話呢度都周圍有, 唔駛專登去蝴蝶園, 突然婆婆呁精伶 XD

婆婆專職攝石人, 好彩係笑面, 唔係木面 XD

又到廁所位的大休憩地, 我休息一陣, 行車路返去水霸.

今日, 陣陣涼風, 無俾太陽曬住, 寧舍正.

我本來想去涼亭小休, 三位女子都唔肯陪我, 佢地話唔想曬.

狗腳跡隨處都有.

細媽話, 如果我蘯失路, 一定要搵個有蓋位等佢地來搵返我.

哎呀, 原來呢個渠位個頂有幾個大洞, 咁落雨咪濕晒, 屎火.

好彩昨日午睡左幾個鐘, 今日有氣有力行.

到第七段起步位, 我想轉上去, 但細媽話未係時候, 年尾前必定行.

今日燒烤場附近到大霸口, 都有好多馬騮出晒來, 媽咪抱我入來咋, 我呢刻仲聽到佢地嘈吵聲, 所以, 我過晒大霸, 細媽都係抱返我, 以免被馬騮偷襲, 好彩到燒烤場, 剛好有的士落客, 我地二不話說, 即時跳上車走人.

我地今日好 hea, 但無拖時間, 來到餐廳都係 11 點, 日本姨姨仲搬緊檯椅出來, 11:30am 先營業, 另一間, 我地連續食左幾次, 一於等.

我見有野食來, 好開心, 仲有香噴噴香草豬扒, 點知無我份, 得個望, 唉.