141017肝纖維化掃描日

預約了今日下午二時到廣華醫院做肝纖維化掃描, 又係傻傻下搵入院登記處, 職員辦好登記, 叫我上東翼10樓等.

東翼 ? 即係邊度 ?

直出急症室, 見對面係南翼, 咪向右轉, 90度位, 竟然係北翼, 真怪, 再向右行, 原來急症室係東翼...

諗下, 即係先搭升降機上十樓先啦.

上到見係東翼, 門口上方有感應器, 仲係自動門啦, 咪企在門前, 竟無反應.

有個職員正要入去, 佢話係按制, 激屎.

約 2 : 30pm, 終於到我入內做掃描.

我卧在床, 眼望儀器屏幕, 見醫生第一次掃 , 數據不斷跳, 竟係盤迥在 8.4 KPa, 我心諗, 指數低左咁多

第二次點另一個位, 指數係 5.4 KPa, 咁低, 難以置信

我立刻問醫生, 係咪食藥後, 肝無發炎, 肝細胞會生長好, 令肝臟變回軟, 佢話有可能. 報告要等24/11先有得睇. 但佢將成份報告印好, 叫我拎出去發俾櫃位護士. 我偷睇, 係 5.4 KPa 呀.

之前許醫生都講過有機會, 但無法會變回健康肝臟咁完美無暇.

睇回以前報告:

14/11/2008 : 8.3 KPa

11/11/2010 : 10.7 KPa

21/12/2012 : 14.0 KPa

For kPa less than or equal to 7.5, there is probable no tomold liver fibrosis.

When kPa ranges greater than 7.5, there is probable mold to moderate liver fibrosis.

For kPa equal to or greater than 9.7, there is probable moderate to severe liver fibrosis.

For kPa equal to or greater than 14.7, there is probable severe liver fibrosis to cirrhosis.

真定假呀 ?

要唔要年尾, 照舊再去許醫生度掃多次好呢

搵資料: 藥物恩替卡韋 有效逆轉肝纖維化 (2009年2月16日生果報)

【本報訊】醫學界一直認為肝臟纖維化是不可逆轉的問題，但台灣一項最新研究發現，患者服食一種治療乙肝的口服藥物約六年，可改善肝臟組織，令肝臟變軟，發炎問題得以緩解。香港大學肝臟專家指，藥物降低病毒量後，免疫系統不會再攻擊肝臟，纖維化的組織可以回復正常。 台灣成功大學醫學院一項涉及57名患者的國際研究證實，服食其中一種乙肝藥物「恩替卡韋」（ entecavir）治療6年後，96%人的肝臟組織有改善，88%人肝纖維化逐步減少。另一項日本研究也發現，32%已對乙肝藥物「拉米夫定」出現抗藥性的患者，轉用恩替卡韋後肝纖維化有改善。 

乙肝病人變常人
今年50歲的吳??是乙肝患者，曾出現肝纖維化，引致胃脹、疲倦及作嘔等症狀，2002年底參與港大的乙肝藥物研究，服用恩替卡韋一年後，乙肝病毒量大減至不可檢測水平，肝纖維化消失，至今已可如常人一樣生活。他現時仍持續服藥，暫無出現副作用。 港大內科學系講座教授黎青龍解釋，以往因病毒刺激免疫系統攻擊肝組織，令醫學界誤以為纖維化不可逆轉，但藥物降低病毒量後，免疫系統不再攻擊，加上肝臟的再生能力極高，令纖維化情況可改善，甚至消失。 乙肝患者需終身服藥，藥物的抗藥性成為患者用藥的考慮因素之一。港大醫學院研究發現，舊一代藥物拉米夫定的抗藥性高達71%，而恩替卡韋的抗藥性只有1.2%。黎青龍指，新藥物基因屏障較高，病毒需要多次變種，方會出現抗藥性。