媽咪腦袋開始偷懶, 唔諗新地方, 今日又係來城門水塘.
媽咪 : 唔係唔諗, 係睇天氣, 昨日上大帽山, 我地都快閃, 仲係熱呀, 呢度幾好吖, 又近, 又係郊野, 又樹蔭, 一定唔會曬親你.
又係呀, 熱得滯, 我都無心情玩, 咪又係周圍搵樹蔭.
但今日比昨日多左好多雲.
仲好似想落雨呀.
唔驚, 不管天晴天陰, 仲有細媽號私家車.
媽咪話盤算好, 只要天涼些, 就帶我地行新路線, 當然唔會係大姨媽帶我地果D驚喜(嚇)路啦.
上星期藍天空, 今日灰灰地.
細媽眼鏡有紫外光指數顯示, 望下佢就知.
所以, 我一定唔怕會在烈陽下, 細媽必定即知, 即行動幫我灑水或抱我.
突然暗了, 灑了陣雨, 大草地沾滿雨點.
微雨快過, 踏出水塘白千層林大草地, 無乜陽光.
天灰, 相唔靚, 我燦爛笑容搭返夠.
咁大草地.
最適合奔馳.
無艷陽, 天陰陰, 最正呀.
好耐又跑到離地.
跑完又無氣喘,
只不過我走左入塘邊八卦, 成腳黑泥漿, 惟有行去廁所沖洗.
回頭白千層下, 我扭細媽錫錫, 佢唔埋我呀.
我見有陽光出來了.
出閘後, 有車來往, 細媽唔會唔埋我, 我又上私家車, 快快返去飯堂, 食開心豐富午飯, 三位女子又盤算, 聖誕大餐點安排, 早唔早左呀
沒有留言:
張貼留言