上星期, 媽咪已計劃今日上大帽山山頂, 一係落鉛鑛坳轉去菠蘿壩, 一係落川龍.
大姨媽又得閒, join埋一齊玩.
但媽咪擔心 A 計劃太長, 佢自己體力不足, 而且途中無樹蔭, 又怕我熱, 都係留下次.
我地接埋大姨媽, 直接上到大帽山停車場, 偷懶唔由荃錦公路上.
我地落車, 見幾架報館及報紙探訪車, 問一問, 原來有人掛左"我要真普選"橫額在大帽山, 於是, 我地急急行上去.
入秋, 芒草處處.
上頂途中, 有警車及漁護署車駛上去.
於是, 我跟實大姨媽同細媽, 加快腳步, 怕橫額好快被拆.
媽咪追到氣喘.
仲未見"我要真普選", 已經唔見婆婆影蹤.
細媽話一條路, 婆婆行過咁多次, 唔怕.
我地在上邊等, 而且都有行山人士, 媽咪在轉彎路會望下婆婆, 叫下佢.
行快D, 行快D.
見到, 仲有段路.
上埋呢個轉彎路就到.
見到喇, 仲未拆走, 我地見警車及漁護署車上到高位再回頭走.
呢個橫額只係用膠索掛起, 易掛易拆.
現場有報館記者同某新聞台, 佢地話聽到職員要拎工具再返來做野.
媽咪同記者叔叔傾偈, 叔叔話不埋公司位場係乜色, 佢地都係打份工, 做份內事, 其實私底下, 大部份記者都暗地幫班學生, 因為未來係屬於呢代學生, 以後的世界係點, 佢地絕對有權爭取.
媽咪吹水, 我都要行呀, 上左頂先, 再回頭看進展.
記者叔叔講, 我身後的雷達站已荒廢.
到可到最高處, 媽咪聽到幾個著軍綠色衫, 操著普通話男人在雷達塔底.
唔怪得, 早前報紙講, 有解放軍在大帽山頂駐守.
大姨媽帶我地行前少少, 原來有個大平地, 媽咪估係直昇機坪.
由呢度望山下一帶, 好靚, 但媽咪忘了影山下.
佢話秋芒, 只可呢段時間見, 如果有雨或大霧, 我地都唔出動來.
回程路, "我要真普選"仍在, 仲多了記者.
又返到停車場, 我地又遇返記者叔叔, 叔叔坐順風車下來, 原來"我要真普選"已被漁護署職員拆下, 即我地落來時, 見到來回的漁護署車, 真快手.
今日重頭戲係去川龍, 雲量多了, 無咁曬.
沿路會有樹蔭.
呢個位好靚, 但大姨媽一支箭向前走, 無晒影.
大姨媽話可以經青年旅舍接返稍後小徑, 大細媽怕似上次咁, 堅持行呢度.
雖然起步係咁上石級, 起碼行過.
始終呢些路比較少人行, 漁護署會好少派人來剪草.
因我地行過, 知係行石級落, 大姨媽原意想帶我地行另一條路, 話都會接返.
呵呵, 細媽話下次啦, 都無心理準備.
行呢些爛車路, 似足腳底按摩.
到某一個位, 大姨媽話帶我地去一個靚位望, 原來佢起初想我地行條風景更開揚的小徑, 就係由後邊斜坡下來, 對我地, 好似又斜左D.
行出些, 係好靚, 前方有下山斜坡捷徑去響石, 但太跣, 唔好了.
繼續原來路徑, 密草滿佈.
又玩呢D, 我成身係有刺黐身果.
見車路, 去到響石墳場.
原來呢度有呢有獨有的響石, 因此為名.
就快完成今日行程.
今日重點係......
全家去川龍彩龍飲茶, 上年, 我仲可以上樓上雅座, 但現在唔得, 好彩天氣涼, 在室外都OK.
張檯太細, 唔可以一次拎好多點心來,
又開餐, 順便補祝大姨媽生日, 全家食得開懷, 當然包括我, 因我有我雞乾^^
沒有留言:
張貼留言