141213龍仔梧園萬丈布大澳

梧園係媽咪一直想帶我地再去的地方, 我仲細時, 曾跟大姨媽一家, 由東涌行上昂平, 再沿昂平路, 深屈道, 羌山道, 行無行人路車路來到羌山引水道, 大姨媽話近些, 唔駛兜入山徑, 果次都幾驚.

早前睇電視, 又觸起大細媽想再去梧園同未去過的萬丈布, 大姨媽又有興趣, 約埋今日成行.

今次直接來到羌山引水道, 又係羌山郊遊徑起步點.

起步大合照.

今日行程好悠閒, 起步都係行引水道.

大姨媽同我及婆婆, 不約而同著紫色系列.

嘩, 到開揚位, 真係好靚.

雖然起身凍, 但人明知今早會好天, 唔出來真笨, 本來婆婆昨日講想縮沙, 但媽咪話去新地方, 婆婆先肯出動.

分岔路多, 好彩有路標指示.

我地記得呢個位喇, 但上次來時, 唔係鐵板來.

望對面一帶靈山, 心曠神怡.

上龍仔梧園的一後, 係行斜路的, 行到夠熱身, 可以除褸了.

有幾個郊遊位, 輕鬆跑, 仲見有行山人士出現.

抵達龍仔梧園, 比以前更破舊.

九曲橋因日久失修, 橋腳都破爛左, 係禁止進入, 我唔識字, 入左去八卦.

媽咪見到, 立即叫我出返來.

池塘出滿蓮花, 夏天盛放, 一定好靚.

悟園, 下次有機會, 再見.

悟園正門, 訪客免進.

繼續行程, 下一站 - 萬丈布.

途經萬丈布, 但忘記影相添.

抵萬丈布營地.

我地兜個圈, 轉另一個位.

返入郊遊徑.

Yama Girl 介紹, 可以由我身後經牙鷹山回大澳, 但時間同路程長了, 我地無準備食物, 大姨媽唔建議行, 我地都係行條短線.

短線都可以有選擇, 我地唔行鳳凰徑住, 行左邊另一條小徑去大澳.

凰凰雙峰.

又分岔位, 睇清楚路牌, 我地係去大澳, 唔係往下邊的大澳道.

經一條溪流.

奇特的岩石板塊. (後註 : 經膶腸叔叔指點, 原來呢叫:凌風石澗)

美不勝收.

見呢個涼亭, 大斜坡到了.

嘩, 好斜.

大澳越來越近.

快行到水平線.

到梁屋村, 一大片蘆葦海.

仲有芒草世界.

隨風飄揚.

過埋橋, 到大澳, 就有飯食.

到喇.

媽咪見有朋友仔來呢間蘇盧, 又想來試下.

店內有露天茶座, 仲種了棵長春籐, 好有心思, 圍成心型, 似我心型頭.

因係咖啡店, 真係夠精品, 大細媽揀雞翼蝦子麵, 貪飽肚.

大姨媽唔飽,惟有掃街, 好彩有沙翁同雞蛋仔.

時間唔早, 3 點多, 我地要走, 否則人會越來越多.

返到東涌, 大姨媽同我地各自回家.
我地返屋企飯堂, 再食埋大份下午茶當晚飯先返家.