2014年12月14日

141214半走城塘緩跑徑

今日又晨早短線行, 大細媽又問A餐定B餐, 最後決定A餐又自選....
即係點呀 ?
次次去菠蘿霸果邊, 今次就半走緩跑徑.

原來今日係仁濟慈善步行, 我地坐車入來時, 已經有好多警察在城門道擺路障, 幸好我地早來, 的士仲可以上到麥徑第六段尾的燒烤場.


慈善行唔行緩跑徑, 我可以安心行, 唔怕要避亂腳陣.

又話緩跑徑在樹蔭下行, 何解咁曬, 眼都睜唔開.

都係無陽光, 先可以變返大圓眼仔.

大帽山好兩個大白波好清, 叫媽咪安排下先.

媽咪埋怨我唔笑, 今早仲係有點冷, 點敢笑.

叫婆婆代笑先.

又到小溪打咭位.

都係陽光下, 遠景靚.

但陽光剛好在我前方, 又燦眼呢.

今日都係 hea hea day, 半走緩跑徑, 轉返上畔塘徑, 折返大霸.

紫花藿香薊盛開, 我又做伴影.



唔留太耐, 快快走, 因為未食早餐.


我都餓, 雖然媽咪有帶雞乾同肉粒俾我, 但未食飽.

佢地叫我忍下.

紅葉了, 大棠都應差不多有紅楓香.

又驚多人潮, 都要考慮去唔去行.

返大霸位, 人聲好響.

應該起步左好耐, 但又唔係太多人行.

人潮主要集中在兩條大霸一帶, 唔係繞城門水塘行一圈咩.

因慈善步行, 的士應上唔到來, 要行到和宜合道先有車返歸, 無的士走, 我惟有上細媽號, 落返去咎宜合道啦.

沒有留言:

張貼留言