141012赤徑輕鬆早操

昨日在高溫及樹蔭下, 玩左 6 個半鐘, 都好夠.

昨晚黃家三女子又商量今日去邊好, 婆婆竟然識提出行邊度, 但佢個提議係落好多石級, 今日行左咁耐, 俾媽咪否決, 佢話改下星期行呀.

唔想又去城門河或獅子會, 想起好耐無去赤徑, 都係行石屎路, 一於拍板.

未夠 8 點已到北潭坳, 我仲未瞓醒, 睡眼有點惺忪.

婆婆都係呀, 細媽拍佢兩次先肯起床.

媽咪睇完雜誌, 知打"喊露"時, 可以將大量氧氣吸入肺部, 人就醒神.


又真係喎.

我地今日目標係坐 10:20am 班船回黃石碼頭, 所以頭段無乜停留.

前年暑假, 我成日來呢個紅樹林玩.

今日只影相, 唔落水.

入赤徑村, 每個位都打下咭.

天氣好好, 但曬耐熱呢.

到左海邊, 時間易控制.

如果錯過 10:20am, 又要等一個鐘呀.

婆婆無時間觀念, 我地成日要提佢加快或減慢腳步.

快入冬, 藍天時間會少了, 無乜煙霞日子, 要把握時期記低.

我地在碼頭附近來回行多次, 返回碼頭, 已見有船在遠遠駛來.

船快泊岸.

我地準備上船, 早些返屋企附近的露天餐廳亭受美味早餐.